రంగు పడుద్ది!
close
Published : 11/06/2021 02:02 IST

రంగు పడుద్ది!

ఈ రోజుల్లో టీనేజీ అమ్మాయిల నుంచి అమ్మమ్మల వరకూ అందరూ తలకు రంగు వేసుకుంటున్న వారే! అది సహజంగా కనిపించాలన్నా, ఎక్కువ రోజులు ఉండాలన్నా ఏం చేయాలంటే...

జుట్టుకి రంగు వేయాలనుకునే ముందు అసలది మీకు పడుతుందో లేదో ప్యాచ్‌ టెస్ట్‌ చేసుకోవాలి. అమోనియా వంటి రసాయనాలు లేనివి, ఇండిగో కలర్స్‌ వంటి సహజ పదార్థాల ప్యాక్‌లూ దొరుకుతున్నాయి.

* రంగు వేయాలనుకున్నప్పుడు కొన్ని రోజులు తలకి ఏ ఉత్పత్తినీ వాడొద్దు. రెండు మూడు రోజుల ముందు మాత్రం తలస్నానం చేసి వెంట్రుకలకు నాణ్యమైన కండిషనర్‌ని పట్టించండి. తర్వాతే డై వేసుకోండి. దీనివల్ల జుట్టు పాడవదు. రంగూ చక్కగా పడుతుంది. ఆరోగ్యంగా కనిపిస్తుంది. పీచులా పొడి బారిన జుట్టుకు రంగు వేయడం మంచిది కాదు.

* రంగు వేసుకున్న మరుసటి రోజే తలస్నానం చేయొద్దు. కనీసం రెండు రోజులు ఆగండి. అప్పుడే అది ఎక్కువ రోజులు ఉంటుంది. అలానే షాంపూల్లో కూడా సల్ఫేట్లు లేనివి లేదా కలర్‌ సేఫ్‌ రకాలవి ఎంచుకోవాలి.

* కొందరికి వేణ్నీళ్ల స్నానం అలవాటు. కానీ రంగు వేసుకున్నప్పుడు ఇలా చేస్తే త్వరగా వెలిసిపోతుంది. జుట్టూపాడవుతుంది. అలానే...నీళ్లలోని క్లోరిన్‌, కాల్షియం వంటివి తలపై చేరి రంగు మారేలా చేస్తుంటాయి. అందుకే ప్రతిరోజూ స్నానం చేసే అలవాటు మానుకోండి.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి