బిడ్డకూ... మీకూ.. కలిపి!
close
Published : 11/06/2021 02:04 IST

బిడ్డకూ... మీకూ.. కలిపి!

ప్రసవమయ్యాక లావైపోతామనే భయంతో చాలామంది తినడం మానేస్తారు. ఇలా చేస్తే బిడ్డ ఆరోగ్యంపై ప్రభావం  పడుతుందంటున్నారు వైద్యులు. ఎందుకంటే... తల్లి తీసుకునే ఆహారం నుంచే పాపాయికి పోషకాలు అందుతాయి. మరి పాలిచ్చే వారు ఎలాంటి ఆహారం తినాలో తెలుసుకుందామా!

ఎక్కువ కెలొరీలు ఉండేలా...: స్తన్యమిచ్చే తల్లులకు అధికశక్తి అవసరం. అందుకే ఈ సమయంలో ఎక్కువ కెలోరీలుండే ఆహారాన్ని తీసుకోవాలి. రోజుకు కనీసం 300 నుంచి 350 కెలొరీలు కావాలి. పోషకవిలువలు ఎక్కువగా ఉండే తాజా పండ్లు, పాల ఉత్పత్తులు, కూరగాయలు, విత్తనాలు రోజూ ఆహారంలో ఉండేలా జాగ్రత్తపడాలి. చక్కెర, ఇన్‌స్టెంట్ పండ్ల రసాలు, తీపి పదార్థాలకు దూరంగా ఉండాలి.

ప్రొటీన్లు పుష్కలంగా: ఆకుకూరలు, పప్పులు, గుడ్లు, చికెన్‌, మాంసం, చేప వంటి హైప్రొటీన్‌ ఫుడ్‌ తగినంతగా తీసుకోవాలి.

బీ12 అవసరం: శరీరానికి తగినంత శక్తిని అందించడంతో పాటు, శిశువు ఎదుగుదలలోనూ బీ12 కీలకంగా పనిచేస్తుంది. పాలిచ్చే తల్లికి ఇది చాలా ముఖ్యం. పాలు, చేప, గుడ్లు వంటి వాటిలో ఇది లభ్యమవుతుంది. మెంతికూర, మెంతులు, ఆకుకూరలు, వెల్లులి, అల్లం, యాలకులు వంటివి ఆహారంలో తప్పక ఉండాలి. ఇవి వ్యాధి నిరోధక శక్తిని పెంచుతాయి. అలాగే పాలు  ఎక్కువగా ఉత్పత్తి అయ్యేలా చేస్తాయి.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి