మార్పులొస్తున్నా మూగనోమేనా!
close
Updated : 12/06/2021 01:02 IST

మార్పులొస్తున్నా మూగనోమేనా!

మహిళల నెలసరిపై కొవిడ్‌ తీవ్ర ప్రభావాన్ని చూపించిందని ఓ సర్వే తేల్చింది. సక్రమంగా రాకపోవడం, రక్తస్రావంలోనూ మార్పులు వంటి పలు అంశాలు ఈ సర్వేలో  వెల్లడయ్యాయి.    

‘ద సిక్స్త్‌ యాన్యువల్‌ మెనస్ట్రువల్‌ హైజీన్‌ సర్వే’ పేరుతో ఎవర్‌టీన్‌ సంస్థ నిర్వహించిన సర్వే 41 శాతం మంది మహిళల్లో నెలసరిలో పలు తేడాలను గుర్తించింది. కొవిడ్‌, లాక్‌డౌన్‌తో తీవ్ర ఒత్తిడి, ఆందోళన దీనికి కారణం కావొచ్చని ఆ సర్వే భావించింది. హైదరాబాద్‌, బెంగళూరు, దిల్లీ, ముంబయి, కోల్‌కతా నగరాల్లో 18 నుంచి 35 ఏళ్లలోపున్న 5000 మంది మహిళలపై ఈ సర్వే నిర్వహించారు. వీరిలో 13.7 శాతం మంది కొవిడ్‌ బారిన పడగా, తీవ్ర ఒత్తిడి, ఆందోళనల ప్రభావం 64.5 శాతం మంది నెలసరిపై పడిందని భావిస్తున్నారు. ముఖ్యంగా వీరిలో  రక్తస్రావంలో తేడాలు, తీవ్రమైన కడుపునొప్పి, నెలసరి క్రమం తప్పడం వంటివి కనిపించాయి. అయినప్పటికీ 25.5 శాతం మంది మాత్రమే వైద్యులను సంప్రదించారు. 43.8 శాతం మంది కనీసం వీటి గురించి మాట్లాడటానికి కూడా ఇష్టపడలేదని చెబుతోంది ఈ అధ్యయనం. అలానే దేశంలో ప్రతి నలుగురిలో ఒకరు శానిటరీ న్యాప్‌కిన్స్‌ లేక ఇబ్బంది పడ్డారంటోంది. వారంతా ప్రభుత్వం తమకు తేలిగ్గా వీటిని అందించేలా చూడాలనీ ఈ సంస్థను కోరారట.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి