సూర్యరశ్మి లేకున్నా వీటిని పెంచుకోవచ్చు!
close
Updated : 12/06/2021 06:31 IST

సూర్యరశ్మి లేకున్నా వీటిని పెంచుకోవచ్చు!

ఇంటిలోపల మొక్కల్ని పెంచుకోవాలనీ ఉన్నా... ఎదగవేమోననే చాలా మందికి ఓ సందేహం. అది నిజమే కానీ... దీపాల వెలుగులోనూ, పరోక్షంగా వచ్చే వెలుతురులోనూ పెంచుకోగల మొక్కలు కొన్ని ఉన్నాయి. వాటిపై ఎలా శ్రద్ధ చూపాలో తెలుసుకుంటే సరి. మీరు కోరుకున్నది సాధ్యమవుతుంది.

జెడ్‌జెడ్‌ప్లాంట్‌: ఎండపొడ తగలని ఇంటి మూలలు కాంతివిహీనంగా ఉన్నప్పుడు చక్కని ఎంపిక జెడ్‌జెడ్‌ ప్లాంట్‌. ఆఫ్రికన్‌ దేశంలో పుట్టిన ఈ మొక్క ఫ్లోరెసెంట్‌ దీపాల కాంతిని గ్రహిస్తుంది. అలానే పొడి వాతావరణాన్ని తగ్గిస్తుంది. నీటి అవసరం తక్కువ. చూడ్డానికీ మెరుపుతో, ముదురు ఆకుపచ్చ ఆకులతో బాగుంటుంది.

ఫిలడెండ్రాన్‌: సులువుగా పెరిగే ఇంటి మొక్క. కాంతి తక్కువగా ఉండే మూలల్లో పెంచుకుంటే అందంగా కనిపిస్తుంది. వేగంగా పెరిగే దీన్ని వేలాడే తొట్లలోనూ నాటుకోవచ్చు. గోడకూ, గ్రిల్స్‌కూ పాకించవచ్చు. మట్టి మరీ పొడిబారిందనుకున్నప్పుడు కాస్త తడిపితే సరిపోతుంది.

పీస్‌ లిల్లీ: సులభంగా ఎదుగుతుంది. చూడచక్కగా ఉంటుంది. తక్కువ కాంతిని గ్రహించే ఈ మొక్క ఆకులే కాదు దానికి పూసే తెల్లటి పూలు అదనపు ఆకర్షణ తెచ్చిపెడతాయి. దీన్నే స్పాతిఫైలమ్‌ అని కూడా అంటారు. ఇది పద్దెనిమిది నుంచి ముప్ఫైఆరు అంగుళాల వరకూ పెరుగుతుంది. అయితే కాంతి అవసరం తక్కువే అయినా... నీళ్లు మాత్రం క్రమం తప్పక పోయాలి. మట్టి మరీ పొడిబారుతుంటే కొన్ని నీళ్లను దాని చుట్టూ గాల్లో చిలకరించండి. ఈ మొక్కకు గాలిని శుభ్రపరిచే లక్షణముందని నాసా చెబుతోంది.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి