ఆరేసుకోలేక... కనిపెట్టింది!
close
Published : 12/06/2021 01:17 IST

ఆరేసుకోలేక... కనిపెట్టింది!

ఫుట్‌బాల్‌ క్రీడాకారిణి ఆలియా ఓరాకి వర్షాకాలం వచ్చిందంటే ఎక్కడలేని ఇబ్బంది. ఎందుకంటే.. వానకి తడిచిన షూలని ఎండబెట్టుకోవడం పెద్ద ప్రహసనం. దానికి తోడు తేమ అధికంగా ఉండే ముంబయిలో... షూలు ఓ పట్టాన ఆరవు. ఒకవేళ ఆరినా పచ్చిగానే ఉండేవి. దాంతో విపరీతమైన దుర్వాసన. తర్వాత రోజు మ్యాచ్‌కి వాటితోనే ఆడాలి. దాంతో కొన్నిసార్లు చర్మవ్యాధులు కూడా వచ్చేవి. ఇది తన సమస్యే కాదు... స్నేహితురాళ్లందరిదీ అని తెలిశాక ఏదోక పరిష్కారం చూడాలనుకుంది. ముంబయిలోని హిల్‌స్ప్రింగ్‌ ఇంటర్నేషనల్‌ స్కూల్‌లో చదువుతోన్న ఈ అమ్మాయి బూట్లని ఆరబెట్టేందుకు ‘సిలీడ్రై’ అనే డ్రైయింగ్‌ ఏజెంట్‌ని కనిపెట్టింది. చిన్నగా షాంపూ పాకెట్లలా ఉండే సిలీడ్రై ప్యాకెట్లు తేమ, తడిని పీల్చుకుని ఫంగస్‌ కారణంగా వచ్చే చర్మవ్యాధుల్ని నివారిస్తాయట. ‘ ప్యాకెట్ల మీద లోగోల రంగు మారేంత వరకూ వాటిని వాడొచ్చు. ఆ తర్వాతా పారేయక్కర్లేదు. చాకులు, ఇనుప పరికరాల దగ్గర ఉంచి... తుప్పుని అరికట్టవచ్చు, అల్మారాలో పెట్టుకుంటే ముక్క వాసన రాదు. ఎలక్ట్రానిక్‌ వస్తువుల మధ్యన ఉంచితే తేమ కారణంగా పాడవ్వకుండా ఉంటాయి’ అనే ఆలియా ఆడర్‌గో అనే మరో ఆవిష్కరణ కూడా చేసింది. ఈ ఆడర్‌-గోని రిఫ్రిజిరేటర్లు, స్నానాలగదులు, చెత్తబుట్టల్లో ఉంచితే దుర్వాసన ఉండదట. రెండు నెలల వరకూ వీటిని వాడుకోవచ్చు. వీటి ఖరీదు ఎనభై నుంచి వంద రూపాయల మధ్యలో ఉంది. ఆలియా తల్లి దుస్తుల వ్యాపారం చేస్తుంటారు. అవి పాడవకుండా ఉండేందుకు ఆమె కొన్ని చిట్కాలు పాటించేవారు. అలా వచ్చిందే ఈ ఆలోచనట. ఈ అమ్మాయి సోషల్‌ మీడియా సాయంతో అమ్మకాల్లో దూసుకుపోతోంది. ఇందుకు సంబంధించిన ఉత్పాదన పనులన్నీ పేద మహిళలకు అప్పగించి వారికీ ఉపాధి కల్పిస్తోంది.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి