అయినా... పొట్ట తగ్గలేదు
close
Updated : 13/06/2021 07:09 IST

అయినా... పొట్ట తగ్గలేదు

నాకు ప్రసవమయ్యి పదినెలలు అయ్యింది. సిజేరియన్‌. కానీ ఇప్పటికీ పొట్ట, స్ట్రెచ్‌ మార్క్స్‌ తగ్గలేదు. ఇవి తగ్గాలంటే ఏం చేయాలి? తొమ్మిదేళ్ల కిందట థైరాయిడ్‌ ఆపరేషన్‌ జరిగింది. ప్రెగ్నెన్సీ టైమ్‌లో టైర్‌ మెడిసిన్‌ వాడా. - ఓ సోదరి
కాన్పు తర్వాత పొట్ట పెరగడానికి, స్ట్రెచ్‌ మార్క్స్‌ రావడానికి కారణాలు తెలుసుకుంటే.. అవి తగ్గడానికి చేసే ప్రయత్నాలు సఫలమవుతాయి. బిడ్డ కడుపులో పెరుగుతున్నప్పుడు పొట్టలోని కండరాలు, చర్మం అన్నీ సాగి వదులై, పటుత్వాన్ని కోల్పోతాయి. చర్మం ఎక్కువగా సాగినప్పుడు లోపలి పొరలు చిట్లి అక్కడ మొదట ఎర్రగా, ఆ తర్వాత తెల్లగా గీతలు పడతాయి. కాన్పు కాగానే పొట్ట ఖాళీ అయినా తొమ్మిది నెలలూ సాగిన కండరాలు వెంటనే యథాస్థితికి రావడం సాధ్యం కాదు. వాటి పటుత్వం పెరగడానికి సమయం పడుతుంది. అప్పటిదాకా పొట్టకు ఆసరాగా అబ్డామినల్‌ బెల్ట్‌ వాడటం, మర్దనా లాంటివి కొంత ఉపశమనాన్ని ఇస్తాయి. శాశ్వతంగా యథాస్థితికి రావాలంటే పొట్ట, కటివలయంలోని కండరాలు తిరిగి బలపడటానికి వ్యాయామం తప్పనిసరి. పోస్ట్‌ నేటల్‌, కెగెల్‌ ఎక్సర్‌సైజులు నేర్చుకుని క్రమం తప్పక చేస్తూ ఉంటే ఫలితం ఉంటుంది. అయితే గర్భిణి ఉన్నప్పుడు ఉమ్మనీరు ఎక్కువున్నా, బరువుగా ఉన్న పిల్లలు, కవలలు పుట్టినప్పుడు కండరాలుసాగి/దెబ్బతిని ఎప్పటికీ ముందున్న స్థితికి రాలేవు. అలాంటి వారికి వెంట్రల్‌ హెర్నియా అనే సమస్య కూడా రావొచ్చు. వీరు కాన్పులన్నీ అయ్యాక ప్లాస్టిక్‌ సర్జరీ లేదా లేజర్‌ చికిత్స చేయించుకోవచ్చు. స్ట్రెచ్‌ మార్క్స్‌ తగ్గాలంటే గర్భిణిగా ఉన్నప్పుడే చర్మానికి ఎక్కువ తేమను అందించాలి. ఇందు కోసం బాగా మాయిశ్చరైజర్‌ రాసుకోవాలి. ప్రత్యేకించి స్ట్రెచ్‌ మార్క్స్‌ క్రీములు దొరుకుతాయి. వాటిని వాడలేనివారు నిరంతరం కొబ్బరి నూనెతో పొట్టపై మృదువుగా మర్దనా చేస్తూ ఉండాలి. అయితే ఇవి స్ట్రెచ్‌ మార్క్స్‌ని పూర్తిగా నిరోధించలేవు. థైరాయిడ్‌ ఆపరేషన్‌, మందులకు పొట్ట పెరగడానికి సంబంధమేమీ లేదు.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి