కసరత్తులకు కాదేదీ అనర్హం
close
Published : 13/06/2021 02:06 IST

కసరత్తులకు కాదేదీ అనర్హం

‘ఛ.. ఎక్సర్‌సైజ్‌ చేద్దామంటే జిమ్‌లు తెరిచి లేవు’- గత ఏడాదిగా చాలామంది నోటి నుంచి ఈ మాట వినుంటాం. కానీ చేయాలన్న కోరికుండాలే గానీ.. ఇంట్లోని ప్రతి వస్తువూ వ్యాయామ పరికరమే అంటున్నారు నిపుణులు. సందేహంగా ఉంటే చదివేయండి.

* టేబుల్‌: రెండు సమాన ఎత్తున్న టేబుళ్లను తీసుకోవాలి. ఒకదాని మీద కూర్చుని, రెండోదానిమీద కాళ్లను ఉంచాలి. ఇప్పుడు నెమ్మదిగా చేతులను ఆధారంగా చేసుకుని శరీరాన్ని పైకి లేపాలి. బ్యాలెన్స్‌ చేసుకుంటూనే ఒక కాలిని నిటారుగా లేపాలి. నెమ్మదిగా దింపాలి. ఇప్పుడు రెండోదాన్నీ అలాగే చేయాలి. ఒక్కో కాలిని మారుస్తూ 10 వరకూ చేయొచ్చు.

* కుర్చీ: తక్కువ ఎత్తున్న కుర్చీని తీసుకోవాలి. చేతులకు దాన్ని అదునుగా చేసుకోవాలి, కాళ్లని నేల మీద ఉంచి మౌంట్‌  క్లైంబింగ్‌ చేయాలి. పరుగెత్తే వీలు లేదనుకున్నవారు దీన్ని ప్రయత్నించవచ్చు. గుండె ఆరోగ్యానికి బాగా పనికొస్తుంది.

బ్యాక్‌ ప్యాక్‌: మోయగలిగినంత బరువుతో బ్యాక్‌ప్యాక్‌ను నింపి, వెనుక తగిలించుకోవాలి. ఆపై ప్లాంక్‌ (చేతులు, కాళ్లు మునివేళ్లపై పూర్తి శరీరాన్ని బ్యాలెన్స్‌ చేయడం)ను వీలైనంత సమయంపాటు ప్రయత్నించండి. పొట్ట కండరాలను బలంగా చేస్తుందిది.

* దిండు: రెండు చేతులతో దిండును పట్టుకుని కూర్చుని, లేవడం చేయాలి. భుజాలు, కాళ్లకి మంచి వ్యాయామమిది.

* వాటర్‌ బాటిల్‌: నేల మీద కూర్చుని కాళ్లను వంచుతున్నట్టుగా పైకి లేపి ఉంచాలి. సైక్లింగ్‌ చేస్తూ నీటితో నింపిన వాటర్‌ బాటిల్‌ను రెండు చేతులతో పట్టుకుని రెండు పక్కలా ట్విస్ట్‌ చేయాలి. పూర్తి శరీరానికి వ్యాయామమవుతుంది.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి