పిల్లలకు బాధ్యతలు నేర్పండి
close
Published : 16/06/2021 00:42 IST

పిల్లలకు బాధ్యతలు నేర్పండి

పిల్లలకు వారి పనులను వారే సొంతంగా చేసుకునేలా నేర్పించండి. ఇలా చేయడం వల్ల బాధ్యతలు తెలుస్తాయి. స్వతంత్రంగా ఉండటమూ అలవాటవుతుంది.

ఇంటి పనుల్లో చిన్నారులను భాగస్వాములను చేయాలి. మురికి దుస్తులను బాస్కెట్‌/వాషింగ్‌ మెషిన్‌లోనో వేయమనడం, ఉతికిన వాటిని మడతపెట్టడం లాంటివి నేర్పించాలి. దీనివల్ల దుస్తులను ఎక్కడపడితే అక్కడ వేయకుండా పద్ధతి ప్రకారం నడుచుకుంటారు.
* పిల్లలు రాత్రి త్వరగా నిద్రపోయేలా ప్లాన్‌ చేసుకోండి. దాంతో ఉదయం త్వరగా లేవడానికి ఇబ్బంది పడరు. వీలైతే దగ్గర్లో అలారాన్ని పెట్టండి.
* కాగితాలు, మిగిలిన ఆహారం, ఇతర వ్యర్థాలు... ఇంటి గోడ అవతల లేదా రోడ్డు మీద పడేస్తుంటారు కొందరు. అది చూసి పిల్లలూ అలానే చేస్తారు. కాబట్టి మీ చిన్నారులకు చెత్తను చెత్తబుట్టలో వేయడం అలవాటు చేయండి. ఇల్లే కాదు పరిసరాల శుభ్రత బాధ్యత కూడా మనదే అని చెప్పండి.
* చిన్నారి వల్ల పొరపాటు జరిగితే వారిని మందలించకుండా దానికి కారణం తెలుసుకోండి. సమస్య వచ్చినప్పుడు, తప్పు జరిగినప్పుడు కుంగిపోకుండా బయటపడటం, ధైర్యంగా ఉండటం ఎలాగో ఉదాహరణలతో వివరించండి. వారిలో ఆత్మవిశ్వాసం పెరుగుతుంది.
* నిద్రపోయే ముందు ఒక్క స్ఫూర్తి కథనైనా చెప్పండి. ఇలా చేస్తే బాధ్యతలతోపాటు ఎలా మసలుకోవాలో నేర్చుకుంటారు.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి