నగల వగలకు రక్షణ
close
Published : 17/06/2021 01:29 IST

నగల వగలకు రక్షణ

అందాన్ని పెంచే బంగారు ఆభరణాలను మెరిసేలా ఉంచుకోవాలి. రోజూ ధరించే గొలుసులు, ఉంగరాలు, గాజులకు చెమట, మురికి అంటుకుంటాయి. డిజైన్లలోకి దుమ్ము, ధూళి చేరుకుంటాయి. దీంతో అవి సహజ మెరుపును కోల్పోతాయి. కనీసం రెండు నెలలకొకసారి వీటిని శుభ్రం చేసుకుంటే మంచిది. కొన్ని నగలను పండుగలు, శుభకార్యాలకు మాత్రమే వాడుతుంటాం. బాక్సులోనే ఎక్కువ రోజులుంచినా, మురికి పట్టినట్లుగా మారతాయి. బంగారు దుకాణానికి తీసుకెళ్లి పాలిష్‌ పెట్టించడం కన్నా, ఇంట్లోనే వీటిని శుభ్రం చేసుకోవచ్చు.

షాంపుతో... చిన్న బౌల్‌లో గోరువెచ్చని నీటిని తీసుకుని రెండు చుక్కల షాంపు లేదా డిష్‌ డిటర్జెంట్‌ను వేసి బాగా కలపాలి. ఇందులో నగలను మునిగేలా పావుగంట ఉంచాలి. తర్వాత టూత్‌బ్రష్‌తో మృదువుగా రుద్దాలి. తర్వాత మంచినీటిలో రెండుసార్లు శుభ్రపరిచి పొడివస్త్రంలో వేసి మునివేళ్లతో అద్దాలి. తడి ఆరనిచ్చి, భద్రపరుచుకోవాలి. నాలుగు చెంచాల చిక్కటి కుంకుడు రసాన్ని ఓ గిన్నెలో తీసుకుని, అందులో నగలను పావుగంట ఉంచినా చాలు. డిజైన్లు, రాళ్లు దగ్గర చేరుకున్న మురికి ఆ రసంలోకి దిగుతుంది. తర్వాత నగలను అందులోనే ఉంచి బ్రష్‌తో మృదువుగా రుద్ది, మంచినీటిలో రెండు మూడుసార్లు కడిగితే చాలు. తడి ఆరనిచ్చి పొడి వస్త్రంలో భద్రపరిస్తే మంచిది.

కెంపులు, వజ్రాల నగలను... అరగ్లాసు నీటిలో చెంచా డిష్‌ సోప్‌ సొల్యూషన్‌ను వేసి బాగా కలపాలి. ఇందులో ముంచిన మృదువైన చిన్న వస్త్రంతో ఈ నగలపై మెల్లగా రుద్దాలి. రాళ్లపక్కన మురికి పోయేవరకు చేసి వాటిని మంచినీటిలో కడగాలి. ఇది చాలా సున్నితంగా చేస్తేనే రాళ్లు తొలగకుండా ఉంటాయి.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి