ఎంత సరిచేసినా మారడేంటి?
close
Published : 17/06/2021 01:47 IST

ఎంత సరిచేసినా మారడేంటి?

మేం ఐటీ ఉద్యోగులం. ఒక్కడే బాబు, నాలుగేళ్లు. అన్నీ నేర్చుకోమని ప్రోత్సహిస్తుంటాం. బొమ్మలు కొనిస్తాం. అన్నిచోట్లకూ తీసుకెళ్తాం. కానీ తరచూ డిస్టర్బ్‌ చేస్తే విసుక్కుంటున్నాం. మాటలు తడబడతాయి. ఎంత సరిచేసినా అంతే. విసుక్కుంటే ఏడుస్తాడు. ఎదురు తిరుగుతాడు. బంధువులొస్తే జంకు. తోటి పిల్లలు, మా అమ్మానాన్నలతో బాగానే ఉంటాడు. మా దగ్గరే ఇలా. బాధగా ఉంది. 

- ఒక సోదరి, బంజారాహిల్స్‌

కరిద్దరు పిల్లలే ఉండటాన పెంపకలోపంతో ఇన్‌ఫీరియారిటీ కాంప్లెక్స్‌, నత్తి లాంటివి వస్తున్నాయి. రెండుమూడేళ్ల వయసులో అభద్రత లేకుండా సంతోషంగా ఉండేలా పెంచాలి. క్రమ శిక్షణలో పెట్టొచ్చు. కానీ చిన్నచిన్న విషయాల్లో సరిదిద్దడం, కోప్పడటం సరికాదు. పిల్లవాడు తాత అమ్మమ్మల దగ్గర ఆనందంగా ఉంటాడంటే కచ్చితంగా వాడికి కంపెనీ కావాలి. ప్రతి మంచి పనికీ ప్రశంసించాలి. భయపెట్టకుండా చెప్పాలి. మీరిద్దరూ బిజీగా ఉండటం వల్ల మీకు ఇష్టమైనవి, వాడికి ఇష్టం ఉన్నా లేకున్నా చేస్తున్నాడు. పిల్లవాడికి అన్నీ ఇస్తున్నామంటున్నారు. కానీ ముఖ్యంగా కావలసింది మీ ప్రేమ, మీ సమయం, ప్రోత్సాహం. మాటలొచ్చే వయసులో తప్పులు, తడబాటు సహజం. వాటిని పట్టించుకోకుండా వదిలేస్తే అదే సరైపోతుంది. మాటిమాటికీ కరక్ట్‌చేసి, కోప్పడటంతో భయం పట్టుకుంటుంది. మిమ్మల్ని ప్లీజ్‌ చేయాలని మళ్లీ చెప్తాడు. తప్పు రాకూడదనే కంగారులో నత్తి పెరుగుతుంది. కరక్ట్‌ చేస్తున్నారనే భయంతో బిగుసుకుపోతాడు. దూరంగా వెళ్తాడు. చుట్టు పక్కల పిల్లలు చక్కగా మాట్లాడుతున్నారు, మీ బాబుని వెక్కిరిస్తారని కరక్ట్‌ చేయడంతో అభద్రతాభావం, భయం, కోపం, అసహనం పెరిగి ఏడుస్తాడు, గొడవ చేస్తాడు. కనుక ఇలాంటి పిల్లల్ని జాగ్రత్తగా, సున్నితంగా పెంచాలి. తప్పులు చేసినా సరిచేయకుండా స్పీచ్‌ థెరపీ ఇప్పించండి. కథలు చెప్పించి రికార్డ్‌ చేయండి. చక్కగా చెప్తే మెచ్చుకోండి. వీళ్లకి పాటలు, కథల్లో తప్పులు దొర్లవు. కనుక సులువుగా చేయగలిగేవాటితో ప్రాక్టీస్‌ చేయించి మెచ్చుకోండి. నత్తి గురించి అస్సలు మాట్లాడకుండా స్వేచ్ఛ ఇస్తే సంతోషంగా ఉంటాడు. అప్పుడప్పుడూ అమ్మమ్మ, నాన్నమ్మల దగ్గరికి పంపితే అభద్రత ఉండదు.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి