స్నాక్‌..ఆరోగ్యంగా!
close
Published : 18/06/2021 00:59 IST

స్నాక్‌..ఆరోగ్యంగా!

కొవిడ్‌ కారణంగా నిర్ణీత పనిగంటలంటూ లేకుండా పోయాయి. తిండి, నిద్రవేళల్లో మార్పు లొచ్చాయి. దీంతో అర్ధరాత్రులు విశ్రాంతి సమయంలో చాలామంది జంక్‌ఫుడ్‌ను ఆశ్రయిస్తున్నారట. ఇది ఆరోగ్యంపైనే కాకుండా తర్వాతి రోజు పనిపైనా చూపుతోందనేది అధ్యయనాలు చెబుతున్న మాట. మరి ప్రత్యామ్నాయమేంటి?
బాదం, వాల్‌నట్స్‌, జీడిపప్పు, పిస్తా.. ఇలా నచ్చిన వాటిని కొద్దిగా నెయ్యిలో వేయించుకోండి. కావాలనుకుంటే కొద్దిగా ఉప్పు, మిరియాలపొడీ జోడించవచ్చు. వీటిల్లో మోనోసాచ్యురేటెడ్‌, పాలీఅన్‌సాచ్యురేటెడ్‌ ఫ్యాటీ యాసిడ్లతోపాటు ఫైబర్‌, విటమిన్లు, మినరల్స్‌ ఉంటాయి. బాదం, వాల్‌నట్స్‌ మంచి నిద్రకూ సాయపడతాయి.
* మకనా లేదా తామర విత్తనాల్లో తక్కువ కొలెస్టరాల్‌ ఉంటుంది. ప్రొటీన్‌, కాల్షియం, మెగ్నీషియం, పొటాషియం వంటి మైక్రో, మాక్రో న్యూట్రియంట్లు వీటి సొంతం. కొద్దిగా ఎండబెట్టి వేయించి, చాట్‌ మసాలా కలుపుకుంటే సరి! రుచీ, ఆరోగ్యం.
* 100 గ్రాముల పెరుగుకి పావు కప్పు పండ్ల ముక్కలు, కొంత తేనె కలిపి మిక్సీ పట్టండి. ఆరోగ్యమైన స్మూతీ రెడీ.
*మీగడ తీసిన పెరుగుకి, నచ్చిన పండ్ల ముక్కలను జోడించి, డీప్‌ ఫ్రిజ్‌లో కొంతసేపు పెట్టి తినండి. ఐస్‌క్రీమ్‌ బదులుగా దీన్ని ప్రయత్నించి చూడండి. పండ్లలో శరీరానికి మేలు చేసే ఫైబర్‌, విటమిన్లు, మినరల్స్‌ ఉంటాయి. అరటి, కివీ మంచి నిద్రనీ ఇస్తాయి.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి