అలసిన కళ్లకు.. గులాబీ నీళ్లు!
close
Published : 18/06/2021 01:12 IST

అలసిన కళ్లకు.. గులాబీ నీళ్లు!

ఎక్కువసేపు కంప్యూటర్‌, ల్యాప్‌టాప్‌, ఫోన్‌లు చూడటం వల్ల కళ్లు అలసిపోతాయి. ఇది ఎక్కువ కాలం సాగితే కంటి సమస్యలు తప్పవు. దీనికి పరిష్కార మార్గాలేంటో చూద్దామా...
చల్లని నీళ్లు... కళ్లను చల్లటి నీటితో రోజులో రెండు మూడు సార్లు కడుక్కోవాలి. ఇలా చేస్తే కళ్ల మంట, నొప్పి లాంటివి తగ్గి తాజాగా మారతాయి.
రోజ్‌ వాటర్‌.. ఓ గిన్నెలో కాసిన్ని నీళ్లు, అందులో చెంచా గులాబీ నీళ్లు కలపాలి. ఈ నీటిలో దూది ఉండలను ముంచి అయిదారు నిమిషాలు కళ్లపై పెట్టుకోవాలి. రోజులో రెండు మూడు సార్లు ఇలా చేస్తే కళ్లు బరువెక్కడం, నొప్పి, మంట లాంటి సమస్యలు తగ్గిపోతాయి.
పుదీనా.. గిన్నెలో నీళ్లు పోసి, గుప్పెడు పుదీనా ఆకులు వేసి నానబెట్టాలి. మరుసటి రోజు ఉదయమే ఈ నీటిలో దూది ఉండలను ముంచి కళ్లపై కాసేపు పెట్టుకోవాలి. కళ్ల అలసట మాయమవుతుంది.
అరచేతులూ... రెండు చేతులను గట్టిగా రుద్దుకుని కళ్లమీద కాసేపు పెట్టుకోండి. వాటి వెచ్చదనం కంటికి సాంత్వన కలిగిస్తుంది.  
ఇవి కాకుండా.. అదేపనిగా కంప్యూటర్‌, ఫోన్‌ చూడకుండా మధ్యలో కళ్లకు విశ్రాంతి ఇవ్వాలి.

* కళ్లను తరచూ కడుక్కోవాలి. అలాగే తగినన్ని నీళ్లు తాగాలి.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి