ముఖానికి క్యారెట్‌ క్రీం
close
Updated : 19/06/2021 01:11 IST

ముఖానికి క్యారెట్‌ క్రీం

క్యారెట్‌ను తినడమే కాకుండా, క్రీంలా తయారు చేసుకోవచ్చు. ఫ్రిజ్‌లో భద్రపరుచుకుని కొన్నాళ్లు వాడుకోవచ్చు. దీంతో ఈ వర్షాకాలంలో చర్మ సమస్యలకు దూరంగా ఉండొచ్చు. క్యారెట్‌ క్రీం తయారీ ఎలాగో చూద్దాం. క్యారెట్‌లోని విటమిన్‌ సి, బీటాకెరోటిన్‌ చర్మాన్ని ఆరోగ్యంగానే కాదు, మెరిసేలా చేస్తాయి.

తయారీ విధానం... రెండు క్యారెట్‌ దుంపలను సన్నగా తురిమి బాగా ఆరనివ్వాలి. ఇందులోని తడి పోయిన తర్వాత ఒక సీసాలో వేసుకోవాలి. ఈ తురుము మునిగేలా కొబ్బరినూనె పోసి 24 గంటలపాటు నాననివ్వాలి. ఈ నూనెను వడకట్టి విడిగా తీసుకోవాలి. రెండుచెంచాల ఈ నూనెకు నాలుగుచెంచాల కలబంద గుజ్జును వేసి మెత్తని క్రీంలా అయ్యేవరకు కలపాలి. దీన్ని పొడిగా ఉండే సీసాలోకి మార్చి ఫ్రిజ్‌లో ఉంచుకుంటే చాలు. వారం రోజులకు పైగా నిల్వ ఉంటుంది. రాత్రి నిద్రపోయే ముందు, ఉదయం స్నానం చేసిన వెంటనే ఈ క్రీంను మాయిశ్చరైజర్‌గా వాడాలి. చర్మం మృదువుగా మారడమే కాదు, కాంతులీనుతుంది. మీరూ ప్రయత్నించి చూడండి.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి