ఎమోషనల్‌గా తింటున్నారా... అయితే ఆపేయండి
close
Published : 20/06/2021 01:40 IST

ఎమోషనల్‌గా తింటున్నారా... అయితే ఆపేయండి

సమయానికి తగినట్లుగా ఆకలి వేస్తే అప్పుడు తినే ఆహారం ఆరోగ్యాన్నిస్తుంది. అలాకాకుండా ఏమీ తోచనప్పుడు లేదా మానసిక భావోద్వేగాలతో కుంగుబాటుకు గురైనప్పుడు తీసుకునే ఆహారానికి అదుపు ఉండదని నిపుణులు హెచ్చరిస్తున్నారు. ఈ పద్ధతిని అరికట్టలేకపోతే అధికబరువుతోపాటు అనేక అనారోగ్యాలు దరిచేరతాయని పేర్కొంటున్నారు. ఇటువంటి ఎమోషనల్‌ ఈటింగ్‌ను ఎలా కట్టడి చేసుకోవాలో కూడా సూచిస్తున్నారు. అవేంటో తెలుసుకుందాం.

కారణాన్ని గుర్తించాలి...
ఇంట్లో లేదా కార్యాలయంలో పని ఒత్తిడి ఎక్కువగా ఉండి, ఆ ప్రభావమే ఈతరహా తిండికి దారి తీస్తుందా అనేది ముందుగా తెలుసుకోవాలి. జీవిత భాగస్వామితో విభేదాలు, ప్రేమలో వైఫల్యం, స్నేహితులతో తగాదాలు ఇవన్నీ అధికంగా ఆహారం తీసుకునేలా చేస్తాయి. ఇటువంటి కారణాలతో పలు రకాల అనారోగ్యాలు, ఒత్తిడి ఏర్పడి  ఎక్కువగా తిండివైపు దృష్టి మళ్లుతుంది.

ఆహారం వైపు..
ప్రతికూల ఆలోచనలు, ఆందోళన వంటివి మనసును శూన్యంగా మార్చేస్తాయి. ఈ కారణంగా ఆ సమయంలో ఏదైనా ఆహారం తీసుకోవాలనిపిస్తుంది. అలా తిన్న తర్వాత తాత్కాలికంగా కడుపునిండిన భావం కలుగుతుంది. దాంతో ఆ భావోద్వేగాల నుంచి దూరం అవుతున్నామనే భావన మనసులో అనిపిస్తుంది. అయితే అటువంటి సమయంలో ఆహారం తీసుకోవడం సరైన పద్ధతి కాదు. మనసు కుదుటపడిందని అనుకోవడం కూడా అపోహే.

ఆకలి లేకపోయినా
బాధపెట్టే వార్తలను విన్నప్పుడు, చూసినప్పుడు తెలియని ఆందోళన మొదలవుతుంది. ఆ సమయంలో ఆకలి వేయకపోయినా ఏదైనా తీసుకోవాలనిపిస్తుంది. అటువంటప్పుడు తినే ఫ్రెంచ్‌ఫ్రైస్‌, చిప్స్‌, బేకరీ ఐటమ్స్‌ వంటివి చెడు కొలెస్ట్రాల్‌ను పెంచుతాయి. ఒత్తిడితో పాటు అధికబరువు, అనారోగ్యాలు చుట్టుముడతాయి.

అదుపు కోసం...
భావోద్వేగాలను అదుపులో ఉంచుకోవడానికి యోగా, ధ్యానం, వ్యాయామాలు వంటివి అలవరుచుకోవాలి. వేదనకు కారణం తెలుసుకుని దాన్ని అధిగమించడానికి ప్రయత్నించాలి. జంక్‌ఫుడ్‌, వేపుళ్లకు దూరంగా ఉంటూ, ఆరోగ్యకరమైన ఆహారానికి ప్రాధాన్యమివ్వాలి. అలాగే రోజూ క్రమం తప్పకుండా కాసేపు నడవడం, తోటపని, పుస్తకపఠనం, స్నేహితులతో మాట్లాడటం, సంగీతం వినడం వంటివి అలవరుచుకుంటే ఒత్తిడిని జయించొచ్చు. అలా ఎమోషనల్‌ ఈటింగ్‌కు దూరం కావొచ్చు. నిండైన ఆరోగ్యాన్ని పొందొచ్చు.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి