పాతవి... పారేయకండి!
close
Published : 20/06/2021 01:40 IST

పాతవి... పారేయకండి!

ఇంట్లో పాత దుస్తులు పేరుకుపోతూ ఉంటాయి. అలాంటి వాటిని అవసరమైన వారికి ఇవ్వొచ్చు. అందుకు వీలుకాకపోతే వాటిని మళ్లీ పనికొచ్చేలా మార్చుకోవచ్చు. ఎలా అంటారా?
* డోర్‌ మ్యాట్‌... పాత తువ్వాళ్లు, బెడ్‌షీట్స్‌ను డోర్‌ మ్యాట్‌లుగా మార్చుకోవచ్చు. వాటిని నచ్చిన ఆకారంలో కత్తిరించి రెండు మూడు పొరలుగా వేసి చివర్లన్నింటినీ కుడితే సరి. అలాగే మధ్యలో కూడా కుట్టాలి. వాటిని వాష్‌రూమ్‌లు, బెడ్‌రూమ్‌లో మంచం పక్కన చక్కగా వాడుకోవచ్చు.
* యాప్రాన్‌లా... పాత కాటన్‌ చున్నీలు, చీరలను చక్కగా యాప్రాన్‌లా కుట్టేసి వాడేసుకోవచ్చు. దీంతో కొత్తది కొనాల్సిన ఖర్చు తప్పుతుంది.
* పరదాల్లా... పాత సిల్కు, సన్నంచు పట్టు చీరలనూ పరదాల్లా వేస్తే గదులకు కొత్త కళ వస్తుంది.
* స్టీలు హ్యాంగర్లు తుప్పు పట్టకుండా ఉండేందుకు, అందంగా కనిపించేందుకు ఇలా చేసి చూడండి. మీరు వాడని రకరకాల రంగుల వస్త్రాలను సన్నగా కత్తిరించి హ్యాంగర్స్‌కు చుట్టేయండి. ఇవి అల్మారాలో వైవిధ్యంగా కనిపిస్తాయి.

* పాత జీన్స్‌ ప్యాంట్లు, షార్ట్‌లను చేతి సంచులు, వాల్‌ హ్యాంగింగ్‌, పరదాలు, దిండు గలేబులుగా మార్చి వాడుకోవచ్చు.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి