ఇవి తింటే జుట్టు రాలదు!
close
Published : 22/06/2021 01:29 IST

ఇవి తింటే జుట్టు రాలదు!

జుట్టు రాలడానికి చాలా కారణాలుండొచ్చు. ఆహారంతోనే ఈ సమస్యకు చెక్‌ పెట్టొచ్చు అంటున్నారు నిపుణులు..

బాదం

బాదం పప్పులు తింటే జుట్టు బలంగా మారుతుంది. ఇందులో బయోటిన్‌, మెగ్నీషియం ఎక్కువ. అందుకే వీటిని రెగ్యులర్‌గా తీసుకోవాలి.

గుడ్లు, పాలు

గుడ్డు తింటే బలంగా ఉంటామని తెలుసు కదా! అలానే జుట్టు పెరుగుదలకు కూడా ఇది ఉపయోగపడుతుంది. గుడ్లు, పాల ఉత్పత్తుల్లో ఉండే విటమిన్‌ బి7 వల్ల జుట్టు మంచిగా పెరుగుతుంది. అందుకే రోజువారీ ఆహారంలో గుడ్లు, పాలు, వెన్న, పెరుగు తప్పక ఉండాలి.

ఓట్స్‌, వాల్‌నట్స్‌

వీటిలో ఫైబర్‌, జింక్‌, విటమిన్‌ బి, ఒమేగా ఫ్యాటీ ఆమ్లాలు ఎక్కువ. ఇవి జుట్టు రాలే సమస్యను తగ్గిస్తాయి.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి