మెట్లెక్కండి...పొట్ట తగ్గించుకోండి!
close
Published : 23/06/2021 00:54 IST

మెట్లెక్కండి...పొట్ట తగ్గించుకోండి!

వ్యాయామానికి జిమ్‌కే వెళ్లనక్కర్లేదు. కాస్త మనసుపెడితే మార్గాలెన్నో దగ్గర్లోనే కనిపిస్తాయి. అలాంటి వాటిలో మెట్లెక్కడం కూడా ఒకటి. మరి దీని ప్రయోజనాలేంటో చూద్దామా!
కొవ్వు వేగంగా కరిగే వ్యాయామాల్లో మెట్లెక్కడం కూడా ఒకటి. ఒకేసారి శరీరంలోని అనేక కండరాలు పనిచేయడం వల్ల దృఢంగానూ మారతాయి. రోజూ పావుగంట పాటు ఇలా చేస్తే సుమారు అరవై ఐదు కెలొరీలు తగ్గుతాయంటారు వైద్యులు.
* మెట్లెక్కితే... శరీరంలోని కింది భాగానికి మంచి వ్యాయామం. పిరుదులు, తొడలు టోనింగ్‌ అవుతాయి. ముఖ్యంగా పొట్ట, నడుము చుట్టూ ఉండే కొవ్వు కరుగుతుంది. రక్తప్రసరణ సరిగా జరగడం వల్ల ఊపిరితిత్తులు, గుండె ఆరోగ్యంగానూ ఉంటాయి.
*  మెట్లెక్కి దిగడం వల్ల పాదాల్లో ఉండే కండరాలు బ్యాలెన్స్‌ అవుతాయి. శరీర సామర్థ్యం, ఏకాగ్రతా పెరుగుతాయి. ఫలితంగా ఒత్తిడి అదుపులో ఉంటుంది. అర్థరైటిస్‌ సమస్యలున్నవారు మాత్రం డాక్టర్ల సలహామేర
చేస్తే మేలు.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి