పనస ప్రయోజనాలెన్నో!
close
Published : 23/06/2021 01:13 IST

పనస ప్రయోజనాలెన్నో!


బంగారు రంగులో మెరిసిపోయే పనస తొనలు రుచినే కాదు ఆరోగ్యాన్నీ అందిస్తాయి. కాలానుగుణంగా వచ్చే ఈ పండును తీసుకుంటే కలిగే లాభాలేంటో చూద్దామా...

పనసలో ఫోలేట్‌, నియాసిన్‌, పొటాషియం, మెగ్నీషియం, మాంగనీస్‌ లాంటి ఖనిజాలు ఉంటాయి.
*ఈ పండులోని పీచు జీర్ణక్రియ సాఫీగా జరిగేలా చేసి మలబద్ధకాన్నీ దూరం చేస్తుంది.
* కెలొరీలు తక్కువ. కాబట్టి బరువు తగ్గాలనుకునేవారు నిరభ్యంతరంగా తీసుకోవచ్చు.
* ఈ పండులో పొటాషియం అధిక మొత్తంలో ఉండి రక్తపోటును నియంత్రిస్తుంది. గుండె ఆరోగ్యాన్ని కాపాడుతుంది. దీనిలోని ఖనిజ లవణాలు థైరాయిడ్‌ గ్రంథి ఆరోగ్యాన్ని కాపాడతాయి.
* దీనిలో వ్యాధినిరోధకతను పెంచే విటమిన్‌-సి ఎక్కువగా ఉంటుంది. ఇది ఇమ్యూనిటీని పెంచడంతోపాటు చర్మ నిగారింపునకూ తోడ్పడుతుంది.
* దీంట్లోని ఇనుము రక్తహీనత సమస్యను తగ్గిస్తుంది.
పనస గింజల్లో బోలెడు పోషకాలుంటాయి. పనస గింజలను కాల్చుకుని తింటారు.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి