పాదరక్షలు ఎంచుకోండిలా
close
Published : 24/06/2021 01:27 IST

పాదరక్షలు ఎంచుకోండిలా

వానాకాలంలో కాలిని పూర్తిగా కప్పేసే బూట్లు, చెప్పులకు దూరంగా ఉండాలి. వీటితో వానలో తడిస్తే ఇబ్బందే. నీటిని పీల్చుకుని బరువుగా మారతాయి. త్వరగా ఆరవు. దాంతో వాటిలో సూక్ష్మ జీవులు ఆవాసం ఏర్పరుచు కుంటాయిక్కడ. ఈ కాలంలో చెప్పుల ఎంపికలో చాలా జాగ్రత్తలు తీసుకోవాలి. కాళ్లకు రక్షణతోపాటు అందంగా, సౌకర్యవంతంగా ఉండేలా చూసుకోవాలి. స్టైలిష్‌గా ఉండటమూ తప్పనిసరి. మరి అలాంటి వాటిని ఎలా ఎంచుకోవాలి?

ఫ్లిప్‌ఫ్లాప్స్‌... ఈ కాలంలో ఫ్లిప్‌ఫ్లాప్స్‌ చక్కటి ఎంపిక. వీటిపై నీళ్లు నిలిచి ఉండవు. త్వరగా ఆరిపోతాయి.

శాండిల్స్‌:  తడిచినా త్వరగా ఆరిపోతాయి. ఇబ్బంది పెట్టవు. స్ట్రాప్స్‌ను పెట్టి, తీయడం కూడా సులువే.

క్లాగ్స్‌...  వీటికి ఉండే రంధ్రాల  వల్ల ఇవి ఎప్పుడూ పొడిగానే ఉంటాయి. తేలికగానూ, వాటర్‌ ప్రూఫ్‌గానూ ఉంటాయి. సౌకర్యంతోపాటు స్టైలిష్‌గానూ కనిపిస్తాయి.

* ఈ కాలంలో తడిచిన చెప్పులు, బూట్లు ఆరడానికి సమయం పడుతుంది. అప్పుడు వాటి నుంచి దుర్వాసన వెలువడే ప్రమాదం ఉంది. అలా కాకుండా వోడర్‌ రెసిస్టెంట్‌ రకాలను ఎంచుకుంటే మేలు.

* వాటర్‌ ప్రూఫ్‌ రకాలు.. తేలికగా ఉండే మన్నికైన వాటర్‌ప్రూఫ్‌ పాద రక్షలను తీసుకోవాలి. ఎందుకంటే వీటిని సులువుగా శుభ్రం చేసి ఆరబెట్టొచ్చు కూడా.

* రబ్బరు సోల్‌ ఉండే బూట్ల రకాలను ఎంచుకుంటే సరి. ఇవి వాటర్‌ప్రూఫ్‌గానూ ఉండి నీటిని నిలవనీయవు.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి