ఆ సమస్యతో పిల్లలు పుట్టి చనిపోతున్నారు.. మళ్లీ గర్భం ధరిస్తానా? - gynecologist advice on bicornuate uterus
close
Updated : 20/06/2021 13:15 IST
Facebook Share Twitter Share WhatsApp Share Telegram Share Link Share

ఆ సమస్యతో పిల్లలు పుట్టి చనిపోతున్నారు.. మళ్లీ గర్భం ధరిస్తానా?

హలో మేడమ్.. నాకు Bicornuate Uterus సమస్య ఉంది. పిల్లలు పుట్టి చనిపోతున్నారు. ఇప్పుడు మళ్లీ గర్భం ధరించా. అది నిలిచే మార్గం చెప్పండి.

- ఓ సోదరి

జ: మీకు పిల్లలు పుట్టి చనిపోతున్నారని రాశారు.. కానీ ఏ నెలలో పుట్టారు? ఎంతమంది పుట్టి చనిపోయారు? గర్భసంచిలో సమస్యతో పాటు ఇతరత్రా సమస్యలేమైనా ఉన్నాయేమో తెలుసుకోవడానికి అవసరమైన యాంటీబాడీ పరీక్షలు, జన్యు పరీక్షలు.. మొదలైనవి చేయించుకున్నారా? లేదా?.. ఈ వివరాలన్నీ తెలిస్తే తప్ప మీకు సలహా ఇవ్వడం కష్టం.
మా దగ్గరికి వచ్చే చాలామంది పేషెంట్స్‌ Bicornuate Uterus అనే సమస్య ఉందని చెప్పినా సరే.. అది 3డి ట్రాన్స్‌ వెజైనల్‌ స్కాన్‌, లేదా ఎంఆర్‌ఐ చేయడం ద్వారా గర్భాశయ లోపాన్ని పూర్తిగా అంచనా వేయాల్సి ఉంటుంది. ఈ క్రమంలో కొంతమందికి పూర్తి సెప్టమ్‌ లేదా పూర్తిగా రెండుగా విడిపోయిన గర్భాశయం.. ఇలా రకరకాల అదనపు వివరాలు తెలుస్తాయి. అసలు మీరు తిరిగి గర్భం ధరించే ముందుగానే ఈ పరీక్షలన్నీ చేయించుకోవాల్సింది. ఒకవేళ సెప్టమ్‌ గనుక ఉంటే దాన్ని హిస్టరోస్కోపీ సర్జరీ ద్వారా పూర్తిగా తొలగించి గర్భాశయాన్ని ఒకటిగా చేయచ్చు. అలాగే వ్యాధి నిరోధక శక్తిలో సమస్యలైతే.. దానికి మాత్రలు, ఇంజెక్షన్ల రూపంలో చికిత్స మొదలుపెట్టచ్చు. జన్యుపరమైన లోపాలైతే ప్రి-ఇంప్లాంటేషన్‌ జెనెటిక్‌ డయాగ్నోసిస్‌ ద్వారా మెరుగైన ఫలితాలు సాధించచ్చు.


మరిన్ని

యోగాలో ఈ పొరపాట్లు దొర్లకుండా..!

మానసిక ఒత్తిడి, టెన్షన్ల నుంచి తక్షణమే విముక్తి లభిస్తే బాగుండు.. అనిపిస్తోందా? అధిక పనితో అలసిపోయిన శరీరాన్ని శక్తిమంతం చేసుకోవాలనుకుంటున్నారా? ఇవన్నీ ఒకేసారి సాధ్యమైతే.. అంతకంటే ఆనందమేముంటుంది చెప్పండి.. అటు శారీరకంగా, ఇటు మానసికంగా సంపూర్ణ దృఢత్వాన్ని సాధించవచ్చు. ఇందుకు సహకరించే ప్రక్రియే 'యోగా'. అయితే ఈ యోగాసనాల వల్ల పూర్తి ఫలితం పొందాలంటే.. చేసే క్రమంలో ఎలాంటి పొరపాట్లు దొర్లకుండా జాగ్రత్తపడాలి. కానీ కొంతమంది మాత్రం అవగాహన లోపంతో యోగా చేసేటప్పుడు కొన్ని చిన్న చిన్న తప్పులు చేస్తుంటారు. ఫలితంగా యోగా చేసిన ఫలం దక్కకుండా పోతుంది. మరి ఆ పొరపాట్లేంటో ముందే తెలుసుకుని, తగిన జాగ్రత్తలు తీసుకుంటే పూర్తి ఫిట్‌నెస్‌ను సొంతం చేసుకోవచ్చు.

అనుబంధం

మరిన్ని

యూత్ కార్నర్

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని