అప్పుడు తలపై మజ్జిగ పోసి అవమానించాడు! - how this woman braved domestic violence and abuse to find her dreams as a fitness trainer
close
Published : 01/08/2021 08:43 IST

అప్పుడు తలపై మజ్జిగ పోసి అవమానించాడు!

Photo: Instagram

మూడుముళ్ల బంధంలో అడుగుపెట్టిన ఆడవారికి భర్త అండగా నిలవాలి. ఆమె ఆకాంక్షలు, ఇష్టాయిష్టాలను తెలుసుకుని ఆ దిశగా తనను ప్రోత్సహించాలి. అంతేకానీ తనే అడ్డుపుల్లగా మారకూడదు. అలా తన కలలకు అడ్డుపడ్డాడని కట్టుకున్న వాడికి విడాకులిచ్చింది సుదీప్త మొండల్‌. ఫిట్‌నెస్‌ ట్రైనర్‌గా కొత్త జీవితాన్ని ప్రారంభించింది. సరికొత్త ఆరోగ్య సూత్రాలతో సెలబ్రిటీ ఫిట్‌నెస్‌ కోచ్‌గా క్రేజ్‌ సంపాదించుకుంది.

16 ఏళ్లకే ఇంటిని వదిలిపెట్టి!

జార్ఖండ్‌లోని సింద్రీ ప్రాంతానికి చెందిన సుదీప్త... టీనేజ్‌ వయసులోనే తన కాళ్లపై తాను నిలబడాలనుకుంది. తన తల్లిదండ్రులతో పాటు ఎవరికీ భారంగా మారకూడదనుకుంది. అందుకే 16 ఏళ్ల వయసులోనే తన ఇంటిని వదిలిపెట్టి దిల్లీ చేరుకుంది. అక్కడ ఓ గదిని అద్దెకు తీసుకుని ఓ న్యూస్‌ పేపర్‌లో జర్నలిస్టుగా చేరింది. ఏడాది తర్వాత ఆ ఉద్యోగానికి రాజీనామా చేసి లైవ్‌ థియట్రికల్‌ షో ‘Zangoora’ లో ఆర్టిస్ట్‌గా చేరి సుమారు 1,400 షోలకు పని చేసింది.  షైమక్‌ దావర్‌ డ్యాన్స్‌ బృందంలో టాప్‌ డ్యాన్సర్‌గా కూడా పేరందుకుంది సుదీప్త. వీటితో పాటు ఫిట్‌నెస్‌ పాఠాలు కూడా చెప్పేది.

తలపై మజ్జిగ పోసి అవమానించాడు!

‘పెళ్లి’ అనేది ఎవరి జీవితంలోనైనా ఓ మేలి మలుపు కావాలి. అయితే దురదృష్టవశాత్తూ సుదీప్త జీవితంలో పెళ్లి అనేది మరిచిపోలేని ఓ చేదు జ్ఞాపకంగా మారిపోయింది. ఆరేళ్ల క్రితం వైవాహిక బంధంలోకి అడుగుపెట్టిన సుదీప్త దిల్లీ నుంచి ముంబయికి తన మకాం మార్చింది.  అయితే అక్కడ ఆమె భర్త తనపై అన్ని రకాలుగా ఆధిపత్యం చెలాయించేందుకు ప్రయత్నించాడు. మొదట తన జుంబా ట్రైనింగ్‌ క్లాసులకు అడ్డుపడ్డాడు. ప్రత్యేకించి మగాళ్లకు ట్రైనింగ్‌ వద్దన్నాడు. ఆ తర్వాత తల్లిదండ్రులతో కలిసి శారీరకంగా, మానసికంగా ఆమెను వేధించడం మొదలుపెట్టాడు.

‘నా భర్త ఎంతగా హింసించినా ఓ సగటు భారతీయ మహిళగా సర్దుకుపోయి కాపురం చేయడానికే ప్రయత్నించాను. అతను మారతాడంటూ ఓపికతో ఎన్నో రోజులు వేచి చూశాను. కలహాలను దూరం చేసుకుని సజావుగా కాపురం చేసేందుకు ప్రయత్నించాను.  అతను ఎప్పుడూ నా మాటలను పట్టించుకోలేదు. ఒకరోజు మాట్లాడుతుండగానే నా తలపై లస్సీ (మజ్జిగ) పోసి అవమానించాడు. ఇలా రోజులు గడిచే కొద్దీ మా మధ్య గొడవలు పెరిగాయే కానీ తగ్గలేదు. అందుకే  అతని నుంచి విడిపోవాలనుకున్నాను’ అని ఓ సందర్భంలో తను పడిన కష్టాలను గుర్తుకు తెచ్చుకుందీ ఫిట్‌నెస్‌ ట్రైనర్‌.

ఆర్థికంగానూ నష్టపోయాను!

దాంపత్య బంధాన్ని తెంచుకుని తన జీవితం తాను బతకాలన్న సుదీప్త ఆశ అంత సులభంగా నెరవేరలేదు. విడాకులు ఇవ్వడానికి భర్త, అత్తింటివారు నిరాకరించారు. సుమారు రెండేళ్లకు పైగా ఆమెను విసిగించి ఆ తర్వాత విడాకుల అంగీకారపత్రంపై సంతకాలు చేశారు.

‘నా భర్త, అత్తింటివారు నా హక్కులన్నిటినీ కాలరాశారు. వారికి దూరంగా కొన్ని రోజులు నా స్టూడెంట్‌ గదిలో ఉన్నాను. విడాకుల కోసం తిరుగుతూ నా దగ్గర దాచుకున్న మొత్తాన్ని ఖర్చు చేశాను. ఈ వ్యవహారం నన్ను మానసికంగానూ, ఆర్థికంగానూ బాగా దెబ్బతీసింది. అందుకే ఫిట్‌నెస్‌ ట్రైనర్‌గా అదనపు గంటలు పని చేశాను. అలా వచ్చిన డబ్బుతో జుంబా, పిలాటిస్‌, ఫంక్షనల్‌ ఫిట్‌నెస్‌ ట్రైనింగ్‌లో మరిన్ని మెలకువలు నేర్చుకున్నాను’ అని ఓ సందర్భంలో చెప్పుకొచ్చింది సుదీప్త.

నూనె లేని వీగన్‌ ఆహారం!

గత మూడేళ్లలో ఫిట్‌నెస్‌ కోచ్‌గా ఎంతో పాపులారిటీ సంపాదించింది సుదీప్త. పలువురు  సెలబ్రిటీలు కూడా ఆమె దగ్గర ఫిట్‌నెస్‌ పాఠాలు నేర్చుకుంటున్నారు. ఇక పర్యావరణ పరిరక్షణలో భాగంగా 2018 నుంచి ఎకో ఫ్రెండ్లీ లైఫ్‌స్టైల్‌ను అనుసరిస్తోందీ ఫిట్‌నెస్‌ ఫ్రీక్. ఇందులో భాగంగా నూనె లేని వీగన్‌ ఆహారాన్ని అలవాటు చేసుకుంది. దీంతో పాటు తన దగ్గరున్న దుస్తులు, పుస్తకాలు, ఫర్నిచర్‌లో సగ భాగాన్ని ఇతరులకు దానం చేసి తన దాతృత్వాన్ని చాటుకుంది. ప్రస్తుతం జుంబా, పిలాటిస్‌, ఫంక్షనల్‌ ఫిట్‌నెస్‌ ట్రైనింగ్‌కు సంబంధించి ఆన్‌లైన్‌ సెషన్లు నిర్వహిస్తోంది సుదీప్త. అదేవిధంగా పోషకాహారం, లైఫ్‌స్టైల్‌ కోచింగ్‌కు సంబంధించి అవగాహన వీడియోలను సోషల్‌ మీడియాలో పంచుకుంటోంది.

మనం ఏదైనా సాధించగలుగుతాం!

ఎన్ని సమస్యలు ఎదురైనా ఎవరిపై ఆధారపడకుండా తన కాళ్లపై తాను నిలబడింది సుదీప్త. ఫిట్‌నెస్‌ ట్రైనర్‌గా తన కలను నెరవేర్చుకుంది. ఈ సందర్భంగా మహిళలకు మీరిచ్చే సలహా ఏమిటని అడిగితే  ‘ప్రతి మహిళలో సహజ సిద్ధమైన బలం, శక్తి దాగి ఉంటాయి. వాటిని గుర్తించినప్పుడు మనం ఏదైనా సాధించగలుగుతాం’ అని స్ఫూర్తిని పంచిందీ సూపర్‌ వుమన్‌.

మరిన్ని

నారీ... వ్యాయామ దారి!

ఇంట్లో పనే ఎక్సర్‌సైజు... ఒక గృహిణి అభిప్రాయం. ఆఫీసుకెళ్లొచ్చే సరికే టైం అయిపోతుంది. మళ్లీ జిమ్‌కు వెళ్లే తీరిక ఎక్కడిది? ఒక ఉద్యోగిని ఆవేదన. జిమ్‌ కెళ్లినా అక్కడ మగవాళ్లతో పాటు చేయలేం... ఇదో యువతి సమస్య... ఆరోగ్యాన్ని కాపాడుకోవాలనే ఆలోచన ఉంటే మార్గాలు బోలెడు ఉన్నాయంటున్నారు...జీరోసైజ్‌ లేదా సన్నగా, నాజూగ్గా ఉండాల్సిన అవసరం సినీతారలు, మోడల్స్‌కు మాత్రమే. మేమెందుకు నోరు కట్టేసుకోవాలి, కసరత్తులంటూ చెమటోడ్చాలి అనే భావన చాలా మంది మహిళల్లో ఉండేది. గృహిణులకు ఇంటిపనే సరిపోతుందిలే’ అనే అపోహ ఉండేది. ఇప్పుడు మహిళలకూ ఉద్యోగ, ఉపాధి అవకాశాలు పెరగటంతో జీవనశైలిలో మార్పులు వచ్చాయి.

తరువాయి

చదువుల రాణి.. పసిడి కొల్లగొట్టింది..!

సాధారణంగా చదువులో ముందున్న వారు ఆటల్లో వెనకబడతారు.. అదే ఆటల్లో ముందున్న వారు చదువులో రాణించరు.. అంటుంటారు. కానీ చదువులో, ఆటల్లో.. రెండింట్లోనూ సత్తా చాటే వారు చాలా అరుదుగానే ఉంటారు. ఆస్ట్రియా సైక్లిస్ట్‌ అన్నా కిసెనోఫర్‌ కూడా అలాంటి మహిళే! వృత్తిరీత్యా గణిత విద్యావేత్త అయిన ఆమె.. అండర్‌ డాగ్‌గా టోక్యో ఒలింపిక్స్‌ బరిలోకి దిగింది. అందరి అంచనాల్ని తలకిందులు చేస్తూ ఫైనల్‌ ఫేవరెట్‌ను చిత్తు చేసి పసిడి పతకాన్ని కొల్లగొట్టింది. ఫలితంగా 125 ఏళ్లలో సైక్లింగ్‌ విభాగంలో ఒలింపిక్స్‌ పతకం గెలుచుకున్న తొలి ఆస్ట్రియా అథ్లెట్‌గా చరిత్ర సృష్టించింది. దీంతో ఆమె పేరు ప్రపంచమంతా మార్మోగిపోతోంది.

తరువాయి

సైకిల్‌ తొక్కితే రాళ్లు విసిరారు.. చంపేస్తామన్నారు!

అఫ్గానిస్థాన్‌కు చెందిన ఆమె చిన్నతనంలోనే సైకిల్‌ నేర్చుకుంది. అందులోనే జీవితాన్ని వెతుక్కోవాలనుకుంది. కానీ అక్కడి తాలిబన్లు, మత ఛాందసవాదులు ‘ఆడపిల్లలు సైకిల్‌ తొక్కడమేంటి?’ అంటూ ఆమె ఆశయానికి అడ్డుపడ్డారు. ధైర్యం చేసి సైకిల్‌తో రోడ్డుపై కొస్తే రాళ్లు విసిరారు. చంపేస్తామని బెదిరించారు. అందుకే ఉన్న వూరును విడిచిపెట్టి ప్రాణాలు అరచేతిలో పెట్టుకుని ఫ్రాన్స్‌కు వలస వెళ్లిపోయింది. అక్కడే తన సైక్లింగ్‌ లక్ష్యానికి మెరుగులు దిద్దుకుంది. ప్రతిష్ఠాత్మక ఒలింపిక్స్‌లో శరణార్థుల జట్టు తరఫున పాల్గొనే సువర్ణావకాశం సొంతం చేసుకుంది. ఆమే 24 ఏళ్ల మసోమా అలీ జాదా.

తరువాయి

సృజనాత్మక పరిష్కారానికి అరుదైన పురస్కారం!

యూరోపియన్‌ ఇన్వెంటర్‌ అవార్డ్‌.. వివిధ రంగాల్లో ఆవిష్కరణలు చేసి ఓ సరికొత్త ట్రెండ్‌ క్రియేట్‌ చేసిన వారికి ఏటా అందించే ప్రతిష్ఠాత్మక పురస్కారమిది! ఐరోపాతో పాటు ఇతర దేశాల వారు చేసిన అద్భుత ఆవిష్కరణల్ని గుర్తించి.. వాటి సృష్టికర్తలకు బహూకరించే ఈ పురస్కారం ఈసారి భారత సంతతికి చెందిన రసాయన శాస్త్రవేత్త సుమితా మిత్రాను వరించింది. ‘నాన్‌ యూరోపియన్‌ పేటెంట్‌ ఆఫీస్‌ కంట్రీస్‌’ విభాగం కింద యూరోపియన్‌ పేటెంట్‌ ఆఫీస్‌ (EPO) ఆమెకు ఇటీవలే ఈ అవార్డు అందించింది. దంత వైద్యంలో భాగంగా ఆమె చేసిన ఓ అసాధారణ ఆవిష్కరణతో ఎంతోమంది దంత సమస్యలకు పరిష్కారం దొరికినట్లయింది. ఈ నేపథ్యంలోనే ఈ అరుదైన అవార్డు అందుకున్న సందర్భంగా ఈ ఇండో-అమెరికన్‌ గురించి కొన్ని విశేషాలు మీకోసం..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని