బాస్ ప్రవర్తన శృతి మించుతోంది.. ఏం చేయాలి? - how to handle harassment in the workplace in telugu
close
Published : 11/08/2021 20:25 IST

బాస్ ప్రవర్తన శృతి మించుతోంది.. ఏం చేయాలి?

నేను ఓ సంస్థలో ఏడాదిగా పనిచేస్తున్నా.. నా పనికి సంబంధించి ఎలాంటి ఫిర్యాదులూ లేవు. నేనూ ఉత్సాహంగానే కష్టపడుతున్నాను. అయితే ఈ మధ్యే నా పై అధికారుల్లో ఒకరి వల్ల సమస్య మొదలైంది. కారణం అతని ప్రవర్తనే. మొదట్లో ఆయన నాతో బాగా మాట్లాడుతుంటే సలహాలిస్తున్నారనీ, బృందంలో ఒకరిగా భావించి మాట్లాడుతున్నారని అనుకునేదాన్ని.. క్రమంగా సాయం, సూచనల పేరుతో సన్నిహితంగా ఉండేందుకు ప్రయత్నిస్తున్నారు. కొన్ని రోజుల క్రితం నేను ధరించిన దుస్తులు, నా శరీరాకృతి గురించి వ్యాఖ్యానించారు. తర్వాత మరీ శృతి మించుతూ, మంచి పని చేసినప్పుడల్లా 'శభాష్' అంటూ భుజం తడుతుంటే చాలా ఇబ్బందిగా ఉంది. ఈ ఉద్యోగం నాకు చాలా అవసరం. ఈ పరిస్థితిని ఎలా చక్కదిద్దుకోవాలో చెప్పండి. - ఓ సోదరి

జ. పని చేసే చోట ఉద్యోగినులకు ఎదురయ్యే ఇలాంటి పరిస్థితి లైంగిక వేధింపుల కిందకే వస్తుంది. మీకొక్కరికే కాదు. ఉద్యోగ వాతావరణంలో చాలామందికి ఇలాంటి సమస్యలు ఎదురవుతూ ఉంటాయి. మిగిలిన వాళ్లకు చెబితే వాళ్లేం అనుకుంటారో అని, నలుగురిలో అవమాన పడతామని, ఉద్యోగం పోతుందని చాలామంది భయపడి వూరుకుంటారు. మౌనంగానే బాధపడుతూ ఉంటారు. ఇది సరికాదు. అయినా ఈ సమస్యను సాధ్యమైనంత వరకు మూడో వ్యక్తికి తెలియకుండానే పరిష్కరించుకోవచ్చు. ఆ దృష్టిగా మీ ప్రయత్నాలు చేయండి. ఏం చేస్తారంటే, మీ పై అధికారితో వ్యక్తిగతంగా మాట్లాడేందుకు అనుమతి తీసుకోండి. 'లైంగిక వేధింపులు' అనే మాట రాకుండా అతని ప్రవర్తన మీకు ఎంత ఇబ్బందికరంగా ఉంటోందో, దాని వల్ల మీరెంత అసౌకర్యానికి గురవుతున్నారో అతనికి తెలియజేయండి. భయపడుతున్నట్లో, లేక కోపంగానో కాకుండా అలాంటి పనులను మానేయమని మామూలుగానే వివరించండి. మీరు చెప్పే విషయాన్ని స్పష్టంగా వివరించండి. దాని వల్ల ఇన్నాళ్లూ మీరు మౌనం వహించింది ఇష్టం వల్ల కాదనే విషయం ఆయనకు అర్థమవుతుంది.

ఇలా చెప్పిన తర్వాత కూడా అతను తన ప్రవర్తనను మార్చుకోకపోతే 'అతని పనులు లైంగిక వేధింపుల కిందకు వస్తాయని, ఇప్పటికైనా మారకపోతే సంస్థ యాజమాన్యానికి తెలియజేస్తాననీ' గట్టిగా హెచ్చరించండి. యాజమాన్యానికి ఫిర్యాదు చేస్తామంటే ఉద్యోగంపై ప్రభావం చూపుతుందని చాలామంది భయపడతారు. దాంతో ఈ సమస్య సాధ్యమైనంత వరకు పరిష్కారమవుతుంది. ఇంత చేసినా వినకపోతే, మీరేమాత్రం భయపడాల్సిన అవసరం లేదు. ఏ సంస్థలూ ఇలాంటి ప్రవర్తనను, ఈ రకమైన తీరును ప్రోత్సహించవు. కచ్చితంగా మీ ఫిర్యాదును పరిశీలించి, విషయాన్ని గోప్యంగా ఉంచుతూ తగిన చర్యలు తీసుకుంటాయి.


Advertisement


మరిన్ని

వీటితో పిల్లలకు పాలివ్వడం ఎంతో సులువు!

పసి పిల్లలకు ఆరు నెలలు అంతకుమించి ఏడాది వరకు తల్లిపాలు పట్టడం తప్పనిసరి అంటూ నిపుణులు చెప్పడం మనకు తెలిసిందే. అయితే ఇటు కుటుంబంతో పాటు అటు వృత్తి ఉద్యోగాలకూ సమప్రాధాన్యమిచ్చే అమ్మలున్న ఈ రోజుల్లో ఏడాది వరకు బిడ్డకు తానే నేరుగా పాలివ్వడం అంటే అది కాస్త కష్టమనే చెప్పుకోవాలి. అలాగని బిడ్డలను అలా వదిలేసి తల్లులూ తమ వృత్తిపై దృష్టి పెట్టలేరు. అందుకే అటు నేటి తల్లుల బ్రెస్ట్‌ఫీడింగ్ పనిని సులభతరం చేస్తూ, ఇటు పిల్లలకు తల్లిపాలు అందుబాటులో ఉండేలా చేసేందుకు వివిధ రకాల బ్రెస్ట్‌ఫీడింగ్ గ్యాడ్జెట్లు ప్రస్తుతం మార్కెట్లోకొచ్చేశాయి.

తరువాయి

సైజ్‌ జీరో కాదు.. ఆరోగ్యం ముఖ్యం!

‘మనసులో కలిగే ఆలోచనల్నే శరీరం ప్రతిబింబిస్తుంది..’ అంటోంది ఫిట్‌నెస్‌ ఫ్రీక్‌ అంకితా కొన్వర్‌. సైజ్‌ జీరో గురించి ఆలోచిస్తూ బాధపడితే మరింత బరువు పెరుగుతామని, అదే ఆరోగ్యంపై దృష్టి పెడితే శరీరం, మనసు రెండూ మన అధీనంలో ఉంటాయని చెబుతోంది. ఆరోగ్యం, ఫిట్‌నెస్‌పై ఎక్కువ శ్రద్ధ పెడుతూ.. ఆ చిట్కాల్ని సోషల్‌ మీడియాలో పంచుకుంటూ అందరిలో స్ఫూర్తి నింపే ఈ మిసెస్‌ సోమన్‌.. తాజాగా బాడీ పాజిటివిటీ గురించి ఇన్‌స్టాలో మరో స్ఫూర్తిదాయక పోస్ట్‌ పెట్టింది. సైజ్‌ జీరో కంటే ఆరోగ్యమే ముఖ్యమంటూ ఆమె షేర్‌ చేసిన పోస్ట్‌ ప్రస్తుతం సామాజిక మాధ్యమాల్లో వైరల్‌గా మారింది.

తరువాయి

ఆఫీసులో కోపం కట్టలు తెంచుకుంటోందా? ఇలా చేసి చూడండి..!

ఉద్యోగినులకు ఇటు ఇంటి పనులు, అటు ఆఫీస్‌ ఒత్తిళ్లు సర్వసాధారణమే అయినా.. కొంతమంది వీటిని అదుపు చేసుకోలేక ఒక్కోసారి పని ప్రదేశంలోనే ఎదుటివారిపై విరుచుకుపడుతుంటారు. దీన్నే ‘వర్క్‌ప్లేస్‌ బర్నవుట్’గా పేర్కొంటున్నారు నిపుణులు. నిజానికి ఇలాంటి దీర్ఘకాలిక ఒత్తిడి ఆరోగ్యానికే కాదు.. కెరీర్ పైనా ప్రతికూల ప్రభావం చూపే అవకాశాలు ఎక్కువగానే ఉన్నాయంటున్నారు. అందుకే దీన్ని ఆదిలోనే గుర్తించి మేనేజ్‌ చేసుకోగలిగితే దీనివల్ల కెరీర్‌పై మచ్చ పడకుండా జాగ్రత్తపడచ్చంటున్నారు. మరి, అదెలాగో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

సూపర్‌ విమెన్

మరిన్ని