రైలు ప్రమాదం.. అయినా ఆగని ఆమె కలల ప్రయాణం! - inspirational journey of upsc ranker preeti beniwal
close
Published : 27/09/2021 20:12 IST

రైలు ప్రమాదం.. అయినా ఆగని ఆమె కలల ప్రయాణం!

(Image for Representation)

ప్రమాదవశాత్తూ రైలులోంచి కింద పడిపోయిన ఆమె పైనుంచి చూస్తుండగానే మూడు బోగీలు వెళ్లిపోయాయి. బైపాస్‌ సర్జరీతో పాటు 14 ఆపరేషన్లు చేశాక కానీ ప్రాణాలతో బయటపడలేదు. దాదాపు ఏడాది పాటు మంచానికే పరిమితమైంది. ఇలా తన దీన పరిస్థితిని చూసి భర్త, అత్తమామాలు నిర్దాక్షిణ్యంగా ఆమెను వదిలి వెళ్లిపోయారు. అయినా ఆ బాధను పంటిబిగువన భరిస్తూ గుండె రాయి చేసుకుంది. దెబ్బ తగిలింది తన శరీరానికే కానీ తన సంకల్పానికి కాదని నిరూపించాలనుకుంది. అమ్మానాన్నల ప్రోత్సాహంతో సివిల్స్‌కు సన్నద్ధమైంది. రెండుసార్లు విఫలమైనా ఎట్టకేలకు మూడో ప్రయత్నంలో తన లక్ష్యాన్ని చేరుకుంది.

ఐఏఎస్‌ కలను సాకారం చేసుకుంది!

ఐఏఎస్‌, ఐపీఎస్‌, ఐఎఫ్‌ఎస్‌ లాంటి దేశ అత్యున్నత ఉద్యోగాల కోసం నిర్వహించిన సివిల్‌ సర్వీసెస్‌ -2020 ఫలితాలు ఇటీవల విడుదలయ్యాయి. ఈ ఫలితాల్లో అబ్బాయిలతో పోటీగా ఎందరో అమ్మాయిలు ఆలిండియా ర్యాంకులు సాధించి స్ఫూర్తిగా నిలిచారు. అందులో హరియాణాలోని కర్నాల్‌ జిల్లా దుపెడా గ్రామానికి చెందిన ప్రీతి బెనివాల్‌ కూడా ఒకరు. చిన్నప్పటి నుంచి ఐఏఎస్‌ కావాలని కలలు కన్న ఆమె.. సివిల్స్‌-2020 ఫలితాల్లో 754వ ర్యాంకును సొంతం చేసుకుంది.

ప్రీతి తండ్రి సురేష్‌కుమార్‌ ఓ ప్రభుత్వ ఇంజినీరు. తల్లి బబిత అంగన్‌వాడీ టీచర్‌. ఆమెకు పంకజ్‌ బెనివాల్‌ అనే సోదరుడు ఉన్నాడు. ఐఏఎస్‌ లక్ష్యంతోనే తన విద్యాభ్యాసాన్ని కొనసాగించిన ప్రీతి.. 2011లో ఎలక్ర్టానిక్స్‌ కమ్యూనికేషన్‌ ఇంజినీరింగ్‌ పూర్తిచేసింది. 2013లో ఎంటెక్‌ పూర్తి చేసి వెంటనే గ్రామీణ బ్యాంకులో క్లర్క్‌గా చేరింది. 2013 నుంచి మూడేళ్ల పాటు బహదూర్‌గఢ్‌లో విధులు నిర్వర్తించాక ఫుడ్‌ కార్పొరేషన్‌ ఆఫ్‌ ఇండియా(FCI)లో అసిస్టెంట్‌ జనరల్‌ గ్రేడ్‌-2 ఉద్యోగం సంపాదించింది. 2016లో మట్లౌడా బ్లాక్‌కు చెందిన ఓ వ్యక్తిని వివాహం చేసుకున్న ఆమె ఎన్నో కలలతో అత్తారింట్లోకి అడుగుపెట్టింది.

రైలులో నుంచి కింద పడి!

ఇలా అంచెలంచెలుగా ఎదుగుతోన్న ప్రీతిని చూసి కాలానికి కన్ను కుట్టిందేమో! ఓ భయంకరమైన ప్రమాదం రూపంలో ఆమెను ఆస్పత్రి పాల్జేసింది. 2016లో ఎఫ్‌సీఐ డిపార్ట్‌మెంటల్‌ పరీక్ష కోసం రైలులో ఘజియాబాద్‌కు బయలుదేరిన ప్రీతి ప్రమాదవశాత్తూ కాలు జారి పడిపోయింది. చూస్తుండగానే మూడు రైల్వే బోగీలు ఆమె శరీరం పైనుంచి వెళ్లిపోయాయి. తీవ్రంగా గాయపడిన ప్రీతిని బతికించడానికి డాక్టర్లు బైపాస్‌ సర్జరీతో పాటు 14 ఆపరేషన్లు చేయాల్సి వచ్చింది. ఎన్ని శస్త్రచికిత్సలు చేసినా ఏడాది పాటు బెడ్‌పైనే ఉండాలని వైద్యులు తేల్చి చెప్పారు. ఈ సమయంలో తన దగ్గరుండి మనోధైర్యం నింపాల్సిన భర్త నిర్దాక్షిణ్యంగా ఆమెను వదిలేసి వెళ్లిపోయాడు. ఇక ఇలాంటి కోడలు తమకు వద్దంటూ అత్తమామలు కూడా అదే దారిలో నడిచారు.

16 గంటలు చదివాను!

రైలు ప్రమాదం శారీరకంగా ఆమెను ఇబ్బంది పెడితే... భర్త, అత్తమామల తీరు తనను మరింత మానసిక క్షోభకు గురిచేసింది. దీంతో మళ్లీ అమ్మానాన్నలే తనను అక్కున చేర్చుకున్నారు. ఇదే క్రమంలో తన లక్ష్యం వైపు మళ్లీ మెల్లగా అడుగులేయడం ప్రారంభించింది ప్రీతి. ఉద్యోగం చేస్తున్నప్పుడు పుస్తకాలు పట్టుకునేందుకు సరైన సమయం దొరక్కపోవడంతో బెడ్‌ రెస్ట్‌ సమయాన్ని సివిల్స్‌ సన్నద్ధతకు ఉపయోగించుకుందామె. మొదటిసారి సివిల్స్‌ పరీక్ష రాసినప్పుడు ప్రిలిమ్స్‌ను దాటలేకపోయాను. రెండో ప్రయత్నంలో ప్రిలిమ్స్ పాసైనా మెయిన్స్‌లో ఫెయిల్‌ అయ్యాను. అయితే నేను నిరాశపడలేదు. ఎక్కడ తప్పులు చేస్తున్నానో తెలుసుకున్నాను. నా ప్రిపరేషన్‌ సమయాన్ని మరింత పొడిగించాను. రోజుకు కనీసం 14-16 గంటల పాటు చదివాను. నా శ్రమకు తగ్గ ఫలితం దక్కింది. మూడో ప్రయత్నంలో నా లక్ష్యం నెరవేరింది.’

‘రైలు ప్రమాదం జరిగినప్పుడు నాన్న నాతో పాటే ఉన్నారు. నన్ను కాపాడేందుకు శతవిధాలా ప్రయత్నించారు. ఇక ఆస్పత్రిలో ఉన్నన్ని రోజులు నాన్నతో పాటు అమ్మ నన్ను దగ్గరుండి చూసుకుంది. నా సోదరుడు పంకజ్‌ ప్రతి విషయంలోనూ నాకు  సహకరించాడు. వీరి సహకారంతోనే ఐఏఎస్‌ లక్ష్యాన్ని నెరవేర్చుకున్నాను.’ అని అంటోంది ప్రీతి.

ఎన్ని కష్టాలెదురైనా పట్టుదలతో ముందుకు సాగింది ప్రీతి. తన చిన్ననాటి కలను సాకారం చేసుకుంది. ఈ క్రమంలో పలువురు ప్రముఖులు, నెటిజన్లు సోషల్‌ మీడియా వేదికగా ఆమెను అభినందిస్తున్నారు. ఆమె ప్రయాణం స్ఫూర్తిదాయకమని ప్రశంసిస్తున్నారు.



మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

తరువాయి

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

తరువాయి

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

తరువాయి

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని