చెత్త కుప్పల్లో ర్యాంప్ వాక్.. ఎందుకో తెలుసా? - jharkhand model uses rubbish as ramp to highlight health hazard
close
Published : 02/09/2021 18:25 IST

చెత్త కుప్పల్లో ర్యాంప్ వాక్.. ఎందుకో తెలుసా?

(Photo: Instagram)

సాధారణంగా మోడల్స్‌ రెడ్‌ కార్పెట్‌పై ర్యాంప్‌ వాక్‌లు, క్యాట్‌ వాక్‌లు చేస్తుంటారు. కానీ జార్ఖండ్‌కు చెందిన ఓ మోడల్‌ మాత్రం డంపింగ్‌ యార్డులో చెత్తపై ర్యాంప్‌ వాక్‌ చేసింది. ముక్కు పుటాలు అదిరిపోయే దుర్గంధం, కడుపులో దేవేసే వ్యర్థాల మధ్యన ఏకంగా అరగంట పాటు కలియతిరిగింది. మరి ఫ్యాషన్ షోల్లో హొయలు ఒలికించాల్సిన ఈ ముద్దుగుమ్మ ఇలా చెత్తకుప్పల్లో ఎందుకు ర్యాంప్‌ వాక్‌ చేసిందో తెలుసుకుందాం రండి.

డంపింగ్‌ యార్డ్‌లో ఫొటోషూట్!

రాంచీ పట్టణ శివారులో ఉండే ఝిరి ప్రాంత వాసులు గత కొన్నేళ్లుగా తీవ్ర అనారోగ్య సమస్యలు ఎదుర్కొంటున్నారు. అక్కడున్న భారీ డంపింగ్‌ యార్డే దీనికి ప్రధాన కారణం. రాంచీ పట్టణంలో పోగైన చెత్తనంతా గత కొన్నేళ్లుగా ఇక్కడే తెచ్చిపడేస్తున్నారు అధికారులు. నెలకు సుమారు 18 వేల టన్నుల చెత్తను ఇక్కడే డంప్‌ చేస్తున్నారట. ఇలా గత పదేళ్లలో సుమారు 2.1 మిలియన్ల టన్నుల చెత్తను అక్కడ పోగేశారట. చెత్త నిర్వహణ, రీసైక్లింగ్‌ కూడా లేకపోవడంతో ఈ చెత్తంతా ఓ పెద్ద కొండలా పేరుకుపోయింది. దీంతో ఆ ప్రాంతమంతా తీవ్ర దుర్గంధం వెదజల్లుతోంది. చుట్టు పక్కల ప్రజలు కూడా తీవ్ర అనారోగ్యాల బారిన పడుతున్నారు.

కాళ్లు ఇరుక్కుపోతున్నా !

ఈ క్రమంలో డంపింగ్‌ యార్డ్‌ నిర్వహణలో అధికారులకు కనువిప్పు కలిగేలా చేయాలనుకుంది మోడల్‌ సురభి. గతంలో ‘మిస్‌ జార్ఖండ్‌’ గానూ నిలిచిన ఆమె ఈ సమస్యను ప్రభుత్వంతో పాటు పర్యావరణ వేత్తలు, సామాజిక కార్యకర్తలు, వివిధ రంగాల సెలబ్రిటీల దృష్టికి తీసుకెళ్లాలనుకుంది. ఇందులో భాగంగా రెడ్‌ కలర్‌ దుస్తుల్లో అందంగా ముస్తాబై ఆ చెత్తకుప్పల్లోనే ర్యాంప్‌ వాక్‌ చేసింది. ఓవైపు భరించలేని దుర్గంధం....మరోవైపు మురికి కుప్పల్లో కాళ్లు ఇరుక్కుపోతున్నా ఏకంగా అరగంట పాటు అక్కడే కలియ తిరిగింది.

స్కిన్‌ ఇన్ఫెక్షన్స్‌ వచ్చాయి!

ప్రాంజల్‌ కుమార్‌ అనే ఫ్యాషన్ ఫొటోగ్రాఫర్‌ డ్రోన్‌ కెమెరాల సహాయంతో సురభి ఫొటోలు, వీడియోలను తీశాడు. అనంతరం వాటిని సోషల్‌ మీడియాలో షేర్‌ చేశాడు. కొద్ది సేపట్లోనే అవి వైరల్‌గా మారాయి. ‘ఫొటోగ్రాఫర్ ఈ సమస్య గురించి నాతో చర్చించాడు. పరిష్కారం కోసం ఏదైనా చేద్దామన్నాడు. అప్పుడే ర్యాంప్‌ వాక్‌ ఆలోచన వచ్చింది. వేలాది మంది ప్రాణాలు ముడిపడి ఉండడంతో నేను కూడా రెండో ఆలోచన చేయలేదు. వెంటనే డంపింగ్‌ యార్డ్‌ ఫొటోషూట్‌కి అంగీకరించాను.
అయితే ర్యాంప్‌ వాక్‌లో భాగంగా మొదటి అడుగు వేయగానే నా రెండు కాళ్లు చెత్తకుప్పల్లో ఇరుక్కు పోయాయి. అడుగు ముందుకు వేయడానికి చాలా ఇబ్బంది పడ్డాను. చుట్టూ చనిపోయిన జంతువుల కళేబరాలు, శానిటరీ న్యాప్‌కిన్లు, ప్లాస్టిక్‌ బాటిల్స్, పాలిథీన్ బ్యాగులు, మెడికల్‌ వ్యర్థాల నుంచి వస్తున్న దుర్వాసనను భరిస్తూనే అరగంట పాటు తిరిగాను. అక్కడి క్రిములు, కీటకాల వల్ల కొన్ని స్కిన్‌ ఇన్ఫెక్షన్స్‌ కూడా వచ్చాయి. అందుకే షూట్‌ తర్వాత డాక్టర్‌ దగ్గరికి వెళ్లి చికిత్స తీసుకున్నాను’ అని చెప్పుకొచ్చిందీ ముద్దుగుమ్మ.

కమిషనర్‌ స్పందించారు!

సురభి ఫొటోలు, వీడియోలు సోషల్‌ మీడియాలో వైరల్‌ కావడంతో రాంచీ మున్సిపల్‌ కార్పొరేషన్ అధికారులు స్పందించారు. త్వరలోనే ఝిరిలో చెత్త రీసైక్లింగ్‌ ప్లాంటును ఏర్పాటు చేస్తామని కమిషనర్‌ చెప్పుకొచ్చారు. అదేవిధంగా ఈ చెత్తతో కరెంటు ఉత్పత్తి చేసేలా ప్రణాళికలు రచిస్తామన్నారు.



మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

తరువాయి

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

తరువాయి

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

తరువాయి

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని