కోటి గెలవకపోయినా... కోట్లాది మనసులు గెలిచింది! - kolkata doctor to spend her kbc 13 cheque for underprivileged kids
close
Published : 16/09/2021 15:56 IST

కోటి గెలవకపోయినా... కోట్లాది మనసులు గెలిచింది!

(Photos: Screengrab)

కౌన్‌ బనేగా కరోడ్‌ పతి... సామాన్యులను లక్షాధికారులుగా, కోటీశ్వరులుగా మారుస్తోన్న బుల్లితెర షో. బాలీవుడ్‌ బిగ్‌ బీ అమితాబ్‌ బచ్చన్‌ హోస్ట్‌గా వ్యవహరిస్తోన్న ఈ గేమ్‌ షో 13 వ సీజన్‌ ఈ మధ్యే ప్రారంభమైంది. ఇటీవల ఈ కార్యక్రమంలో పాల్గొని కోటి రూపాయలు గెల్చుకొని అందరి దృష్టిని ఆకర్షించింది ఆగ్రాకు చెందిన హిమానీ బుందేల్‌. ఇప్పుడు కోల్‌కతాకు చెందిన ఓ డాక్టరమ్మ కేబీసీలో పాల్గొంది. షోలో కోటి రూపాయలు గెల్చుకోకపోయినా తన మంచి మనసుతో కోట్లాది మంది హృదయాలను కొల్లగొట్టింది.

వెనకబడిన పిల్లలకు విద్యా ఫలాలు!

ఈ సృష్టిలో దేవుడి తర్వాత అందరూ చేతులెత్తి మొక్కేది ఒక్క డాక్టర్లకే. అలాంటి గౌరవప్రదమైన వృత్తిలో ఉంటూనే ప్రజలకు వైద్య సేవలు అందిస్తోంది కోల్‌కతాకు చెందిన సంచాలీ చక్రవర్తి. ఓ ప్రభుత్వాస్పత్రిలో చిన్న పిల్లల వైద్య నిపుణురాలిగా విధులు నిర్వర్తిస్తోన్న ఆమెకు సామాజిక స్పృహ ఎక్కువ. వెనకబడిన పిల్లలకు కూడా విద్యా ఫలాలు అందించాలన్నది ఆమె కల. అయితే కేబీసీ పుణ్యమా అని ఇప్పుడు తన కలను నెరవేర్చుకునే అవకాశాన్ని అందుకుందీ డాక్టరమ్మ. ఇటీవలే ఈ గేమ్‌ షోలో పాల్గొన్న సంచాలి మొత్తం 6.40 లక్షలు గెల్చుకుంది. అయితే అందరినీ అడిగినట్లే ‘ఈ డబ్బును ఏం చేస్తారు?’ అని అమితాబ్‌ ఆమెను అడగ్గా.. ‘వెనకబడిన, పేద పిల్లలకు విద్యనందించేందుకు వినియోగిస్తాను’ అని చెప్పింది.

11 ప్రశ్నలు.. 6.40 లక్షలు!

చైనాలోని గ్వాంగ్జు సదరన్ మెడికల్‌ యూనివర్సిటీ నుంచి 2016లో ఎంబీబీఎస్‌ పూర్తి చేసింది సంచాలి. ఆ తర్వాత మూడేళ్ల ‘పీడియాట్రిక్‌ రెసిడెన్సీ ప్రోగ్రామ్‌ కోర్సు’ చేసింది. ఆపై కోల్‌కతా ఇనిస్టిట్యూట్‌ ఆఫ్‌ పోస్ట్‌ గ్రాడ్యుయేట్‌ మెడికల్‌ ఎడ్యుకేషన్‌ అండ్‌ రీసెర్చ్‌, సేథ్‌ సుఖ్‌లాల్‌ కర్నాణి మెమోరియల్‌ హాస్పిటల్‌ (SSKM) నుంచి డాక్టరేట్‌ అందుకుంది. ప్రస్తుతం పీడియాట్రీషియన్‌గా విధులు నిర్వర్తిస్తోన్న ఆమె ఇటీవల కేబీసీలో పాల్గొంది. 11 ప్రశ్నలకు సమాధానాలు చెప్పి రూ. 6.40 లక్షలు గెల్చుకుంది. అయితే ‘మహిళలకు మొదటిసారిగా నోబెల్‌ బహుమతిని ఎప్పుడు ప్రదానం చేశారు?’ అని అమితాబ్‌ అడిగిన 12వ ప్రశ్నకు ఆమె సమాధానం చెప్పలేకపోయింది. అప్పటికీ ఆమెకు ఒక లైఫ్‌ లైన్‌ వినియోగించుకునే అవకాశం ఉంది. అయితే అసలు తెలియని ప్రశ్నకు రిస్క్‌ చేయడం ఎందుకని ‘క్విట్‌’ చెప్పేసింది. ఈ ప్రశ్నకు ‘1903’ సరైన సమాధానం అని రివీల్‌ చేసిన అమితాబ్... 6.40 లక్షల చెక్కును సంచాలి చేతికి అందించారు.

ఆ పనులు ప్రారంభిస్తాను!

ఇక గేమ్‌ షోలో పాల్గొన్న అందరినీ అడిగినట్లే ‘గెల్చుకున్న డబ్బుతో ఏం చేస్తారు?’ అని బిగ్‌ బీ సంచాలిని అడిగారు. అప్పుడు ఆమె.. ‘నా జీవితంలో మరపురాని రోజు ఇది. అమితాబ్‌ గారి ఎదురుగా కూర్చోవడం నాకు దక్కిన గౌరవంగా భావిస్తున్నాను. పేదరికం కారణంగా పిల్లలు చదువుకు దూరం కాకూడదు. నా వంతు ప్రయత్నంగా కొద్దిమంది పేద పిల్లలకైనా విద్యను అందించాలని ఎప్పటి నుంచో అనుకుంటున్నాను. ఈ డబ్బుతో ఆ పనులు ప్రారంభిస్తాను...’ అని చెప్పుకొచ్చింది. దీంతో అమితాబ్‌, గ్యాలరీలో ఉన్న సంచాలి కుటుంబ సభ్యులు, ప్రేక్షకులు చప్పట్లు కొడుతూ ఆమెను అభినందించారు. కోటి గెలవకపోయినా ఇలా తన సమాధానంతో కోట్లాది మంది హృదయాలను కొల్లగొట్టిందీ డాక్టరమ్మ.




మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

తరువాయి

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

తరువాయి

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

తరువాయి

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని