రండి.. మనమే ముందుండి నడిపిద్దాం! - lessons to learn from freedom fighters in telugu
close
Published : 14/08/2021 17:25 IST

రండి.. మనమే ముందుండి నడిపిద్దాం!

భరతమాత ముద్దు బిడ్డలుగా చరిత్రలో నిలిచిపోయిన స్వాతంత్య్ర సమర యోధులు, మహానుభావుల నుంచి నేటి యువత అలవరచుకోవాల్సిన ఆదర్శ గుణాలు ఎన్నో ఉన్నాయి. ఆ మహామహుల వ్యక్తిత్వాల్లోనే కాదు.. ఆలోచనాధోరణిలో కూడా వాళ్ల ఔన్నత్యం ప్రస్ఫుటంగా కనిపిస్తుంది. అలాంటి మహానుభావుల నుంచి నేటి యువత నేర్చుకోవాల్సిన ముఖ్యమైన అంశాలు ఎన్నో ఉన్నాయి..

* తలపెట్టిన పని ఏదైనా విజయవంతంగా జరగాలంటే అందుకు మన మీద మనకు నమ్మకం ఉండటం చాలా ముఖ్యం. 'నువ్వు నీలాగే ఉండు.. నీలానే ఆలోచించు.. ఇతరుల ఆలోచనలకు, మాటలకు ప్రభావితం కావద్దు' అంటూ భారతీయులకు పిలుపునిచ్చిన నాయకులు ఎందరో. తనపై నమ్మకం అనేది ఉన్నప్పుడే ఎవరి ఆలోచనా తీరైనా సక్రమంగా సాగుతుంది.

* వ్యక్తిగతంగా మనం అభివృద్ధి చెందాలన్నా, దేశం పురోగతి సాధించాలన్నా భూత, భవిష్యత్తు కాలాల మీద కంటే వర్తమానం పైనే దృష్టి పెట్టాలి. సకాలంలో క్రమశిక్షణతో మన బాధ్యతలను నిర్వర్తించాలి. ఈ విషయంలో బద్ధకానికి పూర్తిగా స్వస్తి పలకాలి. సమయపాలనకు ప్రాముఖ్యం ఇవ్వాలి. అప్పుడే మన లక్ష్యాలు సాధించగలుగుతాం. దేశాభివృద్ధిలోనూ పాలుపంచుకోగలుగుతాం.

* 'ఎవరో వస్తారు.. ఏదో చేస్తారు..' అని ఎదురుచూడటం కాదు.. మనమే ఎందుకు ముందడుగు వేయకూడదు?? మనమే ముందుండి అందరినీ ఎందుకు నడిపించకూడదు?? అనే ధోరణితో ఆలోచించిన రోజున మన జీవితంలోనూ, సమాజంలోనూ మార్పొస్తుంది.. కాదంటారా? 

* చేపట్టిన పనిని పూర్తి చేయాలంటే కృషి, పట్టుదల రెండూ తప్పనిసరి. ఇవి మనలో ఉన్నప్పుడు ఏ పనినీ మధ్యలో విడిచిపెట్టే ప్రసక్తే రాదు. ఒప్పుకుంటారు కదూ!

* అసలు మనం ఎందుకు పుట్టాం? మన జీవిత లక్ష్యం ఏమిటి? దాన్ని చేరుకోవడానికి చేస్తున్న ప్రయత్నాలు ఏమిటి? మన వల్ల సమాజానికి, తద్వారా దేశానికి కలిగే ఉపయోగమేంటి?.. ఈవిధంగా ఎవరి మనస్సాక్షిని వాళ్లు స్వయంగా ప్రశ్నించుకుని చూడండి. ఆ తర్వాత మీరేం చేయాలన్నది మీ మనసే హితబోధ చేస్తుంది.

* మనిషికి ఎన్ని సుగుణాలు ఉన్నా.. భయం మాత్రం ఉండకూడదు. ఎందుకంటే అదే మనల్ని పక్కదారి పట్టించే అవకాశం ఉంది. ఎలాంటి పరిస్థితులనైనా ధైర్యంగా ఎదుర్కొన్న నాడే మన సంకల్పం మరింత దృఢపడుతుంది.

* చేసిన తప్పుల్ని, వాటి నుంచి నేర్చుకున్న గుణపాఠాలను జీవితాంతం గుర్తుపెట్టుకోవాలి. అప్పుడే ఆ తప్పులు పునరావృతం కాకుండా ఉంటాయి. మనం సన్మార్గంలో నడవడానికి కూడా అవి ఉపకరిస్తాయి.

వీటితో పాటు సమయపాలన, సమయస్ఫూర్తి, కచ్చితత్వం, నిరాడంబరత.. ఇలా చెప్పుకుంటూ పోతే వ్యక్తిగతంగా మనం అనుకున్న లక్ష్యాలను సాధించేందుకు తోడ్పడే లక్షణాలు ఎన్నో. వీటన్నిటినీ జాగ్రత్తగా అలవర్చుకోగలిగితే మనం ఉన్నతిని సాధించడమే కాదు.. దేశాభివృద్ధిలోనూ భాగస్వాములం కాగలుగుతాం... బిందువు బిందువు కలిస్తేనే కదా సింధువయ్యేది... అలాగే వ్యక్తులుగా మనందరం కలిస్తేనే, వ్యక్తిగతంగా విజయం సాధిస్తేనే - దేశం కూడా ప్రగతిపథంలో నడుస్తుంది.. మరి అభివృద్ధి బాటలో పయనించేందుకు ఇంతకంటే మంచి తరుణం మరొకటి ఏముంటుంది? కావాల్సిన ఆయుధాలన్నింటినీ సమకూర్చుకుని మీ కలల సాధనలో ముందుకు దూసుకుపోండి... విజయీభవ!


Advertisement


మరిన్ని

వీటితో పిల్లలకు పాలివ్వడం ఎంతో సులువు!

పసి పిల్లలకు ఆరు నెలలు అంతకుమించి ఏడాది వరకు తల్లిపాలు పట్టడం తప్పనిసరి అంటూ నిపుణులు చెప్పడం మనకు తెలిసిందే. అయితే ఇటు కుటుంబంతో పాటు అటు వృత్తి ఉద్యోగాలకూ సమప్రాధాన్యమిచ్చే అమ్మలున్న ఈ రోజుల్లో ఏడాది వరకు బిడ్డకు తానే నేరుగా పాలివ్వడం అంటే అది కాస్త కష్టమనే చెప్పుకోవాలి. అలాగని బిడ్డలను అలా వదిలేసి తల్లులూ తమ వృత్తిపై దృష్టి పెట్టలేరు. అందుకే అటు నేటి తల్లుల బ్రెస్ట్‌ఫీడింగ్ పనిని సులభతరం చేస్తూ, ఇటు పిల్లలకు తల్లిపాలు అందుబాటులో ఉండేలా చేసేందుకు వివిధ రకాల బ్రెస్ట్‌ఫీడింగ్ గ్యాడ్జెట్లు ప్రస్తుతం మార్కెట్లోకొచ్చేశాయి.

తరువాయి

సైజ్‌ జీరో కాదు.. ఆరోగ్యం ముఖ్యం!

‘మనసులో కలిగే ఆలోచనల్నే శరీరం ప్రతిబింబిస్తుంది..’ అంటోంది ఫిట్‌నెస్‌ ఫ్రీక్‌ అంకితా కొన్వర్‌. సైజ్‌ జీరో గురించి ఆలోచిస్తూ బాధపడితే మరింత బరువు పెరుగుతామని, అదే ఆరోగ్యంపై దృష్టి పెడితే శరీరం, మనసు రెండూ మన అధీనంలో ఉంటాయని చెబుతోంది. ఆరోగ్యం, ఫిట్‌నెస్‌పై ఎక్కువ శ్రద్ధ పెడుతూ.. ఆ చిట్కాల్ని సోషల్‌ మీడియాలో పంచుకుంటూ అందరిలో స్ఫూర్తి నింపే ఈ మిసెస్‌ సోమన్‌.. తాజాగా బాడీ పాజిటివిటీ గురించి ఇన్‌స్టాలో మరో స్ఫూర్తిదాయక పోస్ట్‌ పెట్టింది. సైజ్‌ జీరో కంటే ఆరోగ్యమే ముఖ్యమంటూ ఆమె షేర్‌ చేసిన పోస్ట్‌ ప్రస్తుతం సామాజిక మాధ్యమాల్లో వైరల్‌గా మారింది.

తరువాయి

ఆఫీసులో కోపం కట్టలు తెంచుకుంటోందా? ఇలా చేసి చూడండి..!

ఉద్యోగినులకు ఇటు ఇంటి పనులు, అటు ఆఫీస్‌ ఒత్తిళ్లు సర్వసాధారణమే అయినా.. కొంతమంది వీటిని అదుపు చేసుకోలేక ఒక్కోసారి పని ప్రదేశంలోనే ఎదుటివారిపై విరుచుకుపడుతుంటారు. దీన్నే ‘వర్క్‌ప్లేస్‌ బర్నవుట్’గా పేర్కొంటున్నారు నిపుణులు. నిజానికి ఇలాంటి దీర్ఘకాలిక ఒత్తిడి ఆరోగ్యానికే కాదు.. కెరీర్ పైనా ప్రతికూల ప్రభావం చూపే అవకాశాలు ఎక్కువగానే ఉన్నాయంటున్నారు. అందుకే దీన్ని ఆదిలోనే గుర్తించి మేనేజ్‌ చేసుకోగలిగితే దీనివల్ల కెరీర్‌పై మచ్చ పడకుండా జాగ్రత్తపడచ్చంటున్నారు. మరి, అదెలాగో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

సూపర్‌ విమెన్

మరిన్ని