అమ్మానాన్న దూరమైనా నేను బలమైన అమ్మాయినే..! - losing parents to covid 19 cbse topper aspires to fulfill her fathers wish
close
Updated : 05/08/2021 18:24 IST

అమ్మానాన్న దూరమైనా నేను బలమైన అమ్మాయినే..!

(Image for Representation)

ప్రాణంగా చూసుకునే తల్లిదండ్రులు ఒక్క క్షణం పక్కన లేకపోతే అల్లాడిపోతారు చాలామంది పిల్లలు. మరి అలాంటిది అమ్మానాన్నలు ఇంకెప్పుడూ రారని తెలిస్తే... భోపాల్‌కు చెందిన 16 ఏళ్ల వనిశా పాఠక్‌కు మూడు నెలల క్రితం ఇదే పరిస్థితి ఎదురైంది. కరోనా మహమ్మారి ఆ అమ్మాయి తల్లిదండ్రుల్ని బలి తీసుకుంది. తనతో పాటు పదేళ్ల తమ్ముడు వియాన్‌ను ఒంటరిని చేసింది.

భోపాల్‌ టాపర్‌గా!

సాధారణంగా ఇలాంటి విషాదాల నుంచి బయటపడాలంటే ఎంతో మానసిక ధైర్యం ఉండాలి. అది కూడా ఎంత సమయం పడుతుందో చెప్పలేం. అయితే కరోనా మిగిల్చిన చీకట్లను చీల్చుకుంటూ త్వరగానే తేరుకుంది వనిశా. తల్లిదండ్రులకు ఇచ్చిన మాటను నెరవేర్చేందుకు, తమ్ముడి భవిష్యత్‌ను అందంగా తీర్చిదిద్దేందుకు సిద్ధమైంది. ఈ క్రమంలోనే సీబీఎస్‌ఈ పదో తరగతి ఫలితాల్లో 99.8 శాతం మార్కులు సాధించి భోపాల్‌ టాపర్‌గా నిలిచింది.

కరోనా ఆ కుటుంబాన్ని చిదిమేసింది!

కరోనా రెండో దశ ఉధృతి ఎంతోమంది జీవితాలను అంధకారంలోకి నెట్టింది. అలా మూడు నెలల క్రితం వనిశా కుటుంబాన్ని కరోనా చిదిమేసింది. ఫైనాన్షియల్‌ అడ్వైజర్‌గా పనిచేస్తోన్న ఆమె తండ్రి జితేంద్ర కుమార్‌, ప్రభుత్వ పాఠశాలలో ఉపాధ్యాయురాలిగా విధులు నిర్వహిస్తోన్న తల్లి సీమా పాఠక్‌ ఈ ఏడాది మేలో కొవిడ్‌తో కన్ను మూశారు. అప్పటి నుంచి తమ్ముడితో కలిసి మేనమామ దగ్గరే ఉంటూ చదువుకుంటోంది వనిశా.

అదే వారిని చివరిసారి చూడడం!

‘మేలో నా స్నేహితులందరూ పుస్తకాలు పట్టుకుని పరీక్షల కోసం ప్రిపేరవుతుంటే నేను మాత్రం విషాదంలో మునిగిపోయాను. అమ్మానాన్నలిద్దరూ పది రోజుల వ్యవధిలో నాకు దూరమయ్యారు. ఆ రోజు నాకు బాగా గుర్తుంది. చిన్న చెకప్‌ కోసం వెళుతున్నాం... త్వరగా ఇంటికి వచ్చేస్తామని అమ్మానాన్నలిద్దరూ ఆస్పత్రికి వెళ్లారు. కానీ వారి బదులు వారి మరణవార్తలు ఇంటికొచ్చాయి. నేను మే 2 న అమ్మతో ఫోన్‌లో మాట్లాడాను. అయితే అదే చివరిసారి అని అసలు అనుకోలేదు. మే 4 ఉదయమే ఆమె కన్ను మూసింది. అప్పటికీ నాన్న ఇంకా ఆస్పత్రిలో చికిత్స పొందుతున్నాడు. అయితే ఈ విషయాలేవీ మాకు తెలియకుండా మా బంధువులు ఎంతో గోప్యంగా ఉంచారు. మే 10న నాన్న నాకు ఫోన్‌ చేసి ‘జాగ్రత్తగా ఉండు తల్లీ’ అని చెప్పారు. మే 15న ఆయన గొంతు కూడా శాశ్వతంగా మూగబోయింది. నాన్న చనిపోయాక కానీ మాకు అసలు విషయం తెలియలేదు. అమ్మ పార్థివ దేహాన్ని కూడా చూడలేకపోయాం’ అని అప్పటి చీకటి రోజులను గుర్తుకు తెచ్చుకుంది వనిశా.

తమ్ముడికి అమ్మగా మారిపోయాను!

ఇటీవల విడుదలైన సీబీఎస్ఈ పదో తరగతి ఫలితాల్లో ఆమె ఇంగ్లిష్‌, సంస్కృతం, సైన్స్‌, సోషల్‌ సబ్జెక్టుల్లో 100 మార్కులు, గణితంలో 100 మార్కులు తెచ్చుకుంది. మరో ఇద్దరితో కలిసి భోపాల్‌ టాపర్‌ స్థానాన్ని పంచుకుంది. ‘అమ్మానాన్నలు లేని లోటు తీర్చలేనిది. వారు దూరమయ్యాక నా చుట్టూ చీకటి అలుముకుంది. జీవితంలో అన్నీ కోల్పోయినట్లు అనిపించింది. అదే సమయంలో వియాన్‌ను చూశాను. త్వరగా ఈ విషాదం నుంచి బయటపడి వాడి కోసం నా వంతు ఏదైనా చేయాలనుకున్నాను. ఈ క్రమంలో నాకు నేను ధైర్యం చెప్పుకుంటూ తమ్ముడికి అమ్మగా, నాన్నగా మారిపోయాను.’

ఇప్పుడది నా కల!

‘నేను చేసే ప్రతి పనిలో అమ్మానాన్నే కనిస్తున్నారు. వారిని తలచుకోని రోజంటూ లేదు. అమ్మానాన్నలు గుర్తుకు వచ్చినప్పుడల్లా నా భావాలను పద్యాల రూపంలో అక్షరీకరిస్తున్నాను. అదే సమయంలో నా లక్ష్యం వైపు కూడా దృష్టి సారిస్తున్నాను. నాన్న నన్ను ఐఐటీలో చదివించాలనుకున్నారు. యూపీఎస్సీ పరీక్షలు రాసి దేశానికి సేవ చేయాలన్నది ఆయన కల. ఇప్పుడది నా కల కూడా! దీనిని నెరవేర్చడానికి ఎంతైనా కష్టపడతాను. అమ్మానాన్న దూరమైనా నేను బలమైన అమ్మాయినని నిరూపించుకుంటాను’ అంటోందీ చదువుల తల్లి.

మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

తరువాయి

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

తరువాయి

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

తరువాయి

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని