సైకిల్‌ తొక్కితే రాళ్లు విసిరారు.. చంపేస్తామన్నారు! - masomah ali zada inspiring journey to tokyo olympics
close
Updated : 08/07/2021 20:52 IST

సైకిల్‌ తొక్కితే రాళ్లు విసిరారు.. చంపేస్తామన్నారు!

Photo: Instagram

అఫ్గానిస్థాన్‌కు చెందిన ఆమె చిన్నతనంలోనే సైకిల్‌ నేర్చుకుంది. అందులోనే జీవితాన్ని వెతుక్కోవాలనుకుంది. కానీ అక్కడి తాలిబన్లు, మత ఛాందసవాదులు ‘ఆడపిల్లలు సైకిల్‌ తొక్కడమేంటి?’ అంటూ ఆమె ఆశయానికి అడ్డుపడ్డారు. ధైర్యం చేసి సైకిల్‌తో రోడ్డుపై కొస్తే రాళ్లు విసిరారు. చంపేస్తామని బెదిరించారు. అందుకే ఉన్న వూరును విడిచిపెట్టి ప్రాణాలు అరచేతిలో పెట్టుకుని ఫ్రాన్స్‌కు వలస వెళ్లిపోయింది. అక్కడే తన సైక్లింగ్‌ లక్ష్యానికి మెరుగులు దిద్దుకుంది. ప్రతిష్ఠాత్మక ఒలింపిక్స్‌లో శరణార్థుల జట్టు తరఫున పాల్గొనే సువర్ణావకాశం సొంతం చేసుకుంది. ఆమే 24 ఏళ్ల మసోమా అలీ జాదా.

తండ్రి సహాయంతో సైక్లింగ్‌!

ప్రపంచంలోని ముస్లిం దేశాల్లో మహిళలపై ఎలాంటి ఆంక్షలుంటాయో ప్రత్యేకించి చెప్పుకోవాల్సిన పనిలేదు. ఇందుకు అఫ్గానిస్థాన్‌ కూడా అతీతమేమీ కాదు. పైగా తాలిబన్ల దాడులతో నిత్యం యుద్ధ వాతావరణాన్ని తలపిస్తుందీ దేశం. ఆడపిల్లలు బయటకు రావడమే తప్పుగా భావించే ఆ దేశంలో సైకిల్‌తో రోడ్ల పైకి అమ్మాయిలను రానిస్తారా?...సరిగ్గా ఇలాంటి వివక్షనే ఎదుర్కొంది మసోమా అలీ జాదా. అఫ్గానిస్థాన్‌లో పుట్టినప్పటికీ చిన్నతనంలో ఎక్కువగా ఇరాన్‌లోనే గడిపిందీ యంగ్‌ సైక్లిస్ట్‌. తన తండ్రి సహాయంతో సైక్లింగ్‌ కూడా నేర్చుకుంది. అయితే పదేళ్ల వయసులో మళ్లీ తన కుటుంబంతో కలిసి అఫ్గానిస్థాన్‌కు చేరుకుంది.

రాళ్లు విసిరారు!

ఈ క్రమంలోనే సైక్లింగ్‌లో మరిన్ని మెలకువలు నేర్చుకోవాలన్న మసోమాకు అక్కడి మత ఛాందసవాదులు అడ్డు తగిలారు. ‘చదువు, సైక్లింగ్‌ లాంటి పనులు చేయాల్సింది మగాళ్లు! నువ్వు గడప దాటి బయటికి రావడానికి వీల్లేదు’ అంటూ కఠిన ఆంక్షలు విధించారు. ‘సైక్లింగ్‌ అనేది ఏ మత సంప్రదాయానికి వ్యతిరేకం కాదు. కానీ అక్కడి తాలిబన్లు, మత ఛాందసవాదులకు మాత్రం ఇది తప్పుగా అనిపించింది. అమ్మాయిలు సైకిల్‌ తొక్కడం ముస్లిం మత సంప్రదాయాలకు వ్యతిరేకమంటూ నన్ను, నా స్నేహితులను బెదిరించారు. మా కమ్యూనిటీలోని కొందరు మాపై రాళ్లు కూడా విసిరారు. సైక్లింగ్‌ను మానేసి పెళ్లి చేసుకుని ఒద్దికగా ఇంట్లో ఉండమని హెచ్చరించారు’ అని ఓ సందర్భంలో చెప్పుకొచ్చిందీ డేరింగ్‌ వుమన్‌.

డాక్యుమెంటరీ సహాయంతో!

ఈ క్రమంలో తాలిబన్ల కారణంగా అఫ్గాన్‌లో అమ్మాయిలు ఎదుర్కొంటున్న దీన పరిస్థితులపై 2016లో ‘ది లిటిల్‌ క్వీన్స్‌ ఆఫ్‌ కాబూల్’ పేరుతో ఓ టీవీ డాక్యుమెంటరీ విడుదలైంది. ఇందులో మసోమాతో పాటు ఆమె సోదరి జహ్రా, సైక్లింగ్‌ నేర్చుకుంటున్న మరికొంతమంది అమ్మాయిలు భాగమయ్యారు. ఇక్కడి కఠిన ఆంక్షలతో తమ ఆశలు, ఆశయాలు ఎలా మూలన పడుతున్నాయో ప్రపంచానికి చాటి చెప్పారు. ఈ డాక్యుమెంటరీని చూసిన ప్యాట్రిక్‌ కమ్యూనల్‌ అనే ఓ రిటైర్డ్‌ ఫ్రెంచి న్యాయవాది మసోమా, వారి కుటుంబ సభ్యులతో మాట్లాడారు. హ్యూమనిటేరియన్ (శరణార్థులకు రక్షణ కల్పించేందుకు కొన్ని దేశాలు అమలు చేస్తున్నాయి) వీసాపై వారందరూ ఫ్రాన్స్‌కు వచ్చేలా ఏర్పాట్లు చేశారు. అలా 2017లో అఫ్గాన్‌ ఆంక్షల చట్రం నుంచి మసోమాకు విముక్తి లభించింది.

ఒలింపిక్స్‌కు ఎందుకు వెళ్లకూడదు?

అక్కడ మళ్లీ పాఠశాల మెట్లెక్కిన మసోమా క్రమంగా ఫ్రెంచిపై పట్టు సాధించింది. లిల్లేలోని యూనివర్సిటీ ఆఫ్‌ పాలిటెక్నిక్‌ స్కూల్‌లో చదువుకుంటూనే సైక్లింగ్‌లో మరిన్ని మెలకువలు నేర్చుకుంది. ఆ తర్వాత ప్రతిష్ఠాత్మక ‘యూనివర్సిటీ ఆఫ్‌ లిల్లే’లో సివిల్‌ ఇంజినీరింగ్‌లో సీటు దక్కించుకుంది. అక్కడి ప్రొఫెషనల్‌ కోచ్‌ల శిక్షణతో సైక్లింగ్‌లో మరింత రాటుదేలింది. క్లబ్‌ల తరఫున పోటీల్లో పాల్గొని సత్తా చాటింది. అప్పుడే ఆమె మదిలో ఒలింపిక్స్‌ ఆలోచన మెదిలింది. తనను శరణార్థుల జట్టు విభాగంలో ఒలింపిక్స్‌కు పంపించాలని ఫ్రాన్స్‌ సైక్లింగ్‌ ఫెడరేషన్‌, ఒలింపిక్స్‌ గేమ్స్‌ కమిటీలను అభ్యర్థించింది. మసోమా నైపుణ్యాన్ని గుర్తించిన వారు కూడా ఆమెకు పచ్చజెండా ఊపారు.

నా దేశంలో శాంతిని కోరుకుంటున్నా!

ఈ క్రమంలో టోక్యో ఒలింపిక్స్‌లో పాల్గొంటున్న తొలి ఫ్రాన్స్‌ శరణార్థిగా చరిత్ర పుటల్లోకి ఎక్కనుంది మసోమా. దీనికి మరింత ఊతమిస్తూ 2019 నవంబర్‌లో ఐవోసీ రెఫ్యూజీ అథ్లెట్‌ స్కాలర్‌షిప్‌ ప్రోగ్రామ్‌కు అర్హత సాధించిందీ యంగ్‌ సెన్సేషన్‌. ‘సైక్లింగ్‌ అనేది కేవలం మగవారికి సంబంధించినది మాత్రమే అని చాలామంది అనుకుంటారు. ఇక మా దేశంలో అయితే సైకిల్‌ నడిపేంత శక్తిసామర్థ్యాలు ఆడవారికి ఉండవనుకుంటున్నారు. అయితే మేం అనుకుంటే ఏదైనా సాధించగలం. మగవారి లాగానే మాకు ఎన్నో ఆశలు, ఆశయాలుంటాయి. ఇష్టమైన దుస్తులు ధరించాలని, ఆసక్తి ఉన్న రంగంలో రాణించాలని అనుకుంటున్నాం. మగవారి లాగే మాకు సైకిల్‌, బైక్‌ నడిపే హక్కుందని చాటిచెప్పడానికి ఈ ఒలింపిక్స్‌ క్రీడలను వేదికగా చేసుకుంటున్నాను. అయితే ఈ ప్రతిష్ఠాత్మక క్రీడల్లో నా సొంత దేశం తరఫున అధికారికంగా పాల్గొనలేకపోతున్నందుకు ఎంతో బాధగా ఉంది. కానీ నేను ఎప్పటికీ అఫ్గాన్‌ మహిళనే. ఓ శరణార్థి క్రీడాకారిణిగా ఒలింపిక్‌ జెండా పట్టుకుని ఈ విశ్వక్రీడల్లో బరిలోకి దిగబోతున్నాను. ఈ జెండాలోని తెలుపురంగు శాంతికి చిహ్నమంటారు. అలాంటి శాంతిస్థాపన నా సొంతదేశంలో జరగాలని నేను మనస్ఫూర్తిగా కోరుకుంటున్నాను’ అని ఈ సందర్భంగా చెప్పుకొచ్చిందీ యంగ్‌ సైక్లిస్ట్‌.

మరిన్ని

నారీ... వ్యాయామ దారి!

ఇంట్లో పనే ఎక్సర్‌సైజు... ఒక గృహిణి అభిప్రాయం. ఆఫీసుకెళ్లొచ్చే సరికే టైం అయిపోతుంది. మళ్లీ జిమ్‌కు వెళ్లే తీరిక ఎక్కడిది? ఒక ఉద్యోగిని ఆవేదన. జిమ్‌ కెళ్లినా అక్కడ మగవాళ్లతో పాటు చేయలేం... ఇదో యువతి సమస్య... ఆరోగ్యాన్ని కాపాడుకోవాలనే ఆలోచన ఉంటే మార్గాలు బోలెడు ఉన్నాయంటున్నారు...జీరోసైజ్‌ లేదా సన్నగా, నాజూగ్గా ఉండాల్సిన అవసరం సినీతారలు, మోడల్స్‌కు మాత్రమే. మేమెందుకు నోరు కట్టేసుకోవాలి, కసరత్తులంటూ చెమటోడ్చాలి అనే భావన చాలా మంది మహిళల్లో ఉండేది. గృహిణులకు ఇంటిపనే సరిపోతుందిలే’ అనే అపోహ ఉండేది. ఇప్పుడు మహిళలకూ ఉద్యోగ, ఉపాధి అవకాశాలు పెరగటంతో జీవనశైలిలో మార్పులు వచ్చాయి.

తరువాయి

చదువుల రాణి.. పసిడి కొల్లగొట్టింది..!

సాధారణంగా చదువులో ముందున్న వారు ఆటల్లో వెనకబడతారు.. అదే ఆటల్లో ముందున్న వారు చదువులో రాణించరు.. అంటుంటారు. కానీ చదువులో, ఆటల్లో.. రెండింట్లోనూ సత్తా చాటే వారు చాలా అరుదుగానే ఉంటారు. ఆస్ట్రియా సైక్లిస్ట్‌ అన్నా కిసెనోఫర్‌ కూడా అలాంటి మహిళే! వృత్తిరీత్యా గణిత విద్యావేత్త అయిన ఆమె.. అండర్‌ డాగ్‌గా టోక్యో ఒలింపిక్స్‌ బరిలోకి దిగింది. అందరి అంచనాల్ని తలకిందులు చేస్తూ ఫైనల్‌ ఫేవరెట్‌ను చిత్తు చేసి పసిడి పతకాన్ని కొల్లగొట్టింది. ఫలితంగా 125 ఏళ్లలో సైక్లింగ్‌ విభాగంలో ఒలింపిక్స్‌ పతకం గెలుచుకున్న తొలి ఆస్ట్రియా అథ్లెట్‌గా చరిత్ర సృష్టించింది. దీంతో ఆమె పేరు ప్రపంచమంతా మార్మోగిపోతోంది.

తరువాయి

సైకిల్‌ తొక్కితే రాళ్లు విసిరారు.. చంపేస్తామన్నారు!

అఫ్గానిస్థాన్‌కు చెందిన ఆమె చిన్నతనంలోనే సైకిల్‌ నేర్చుకుంది. అందులోనే జీవితాన్ని వెతుక్కోవాలనుకుంది. కానీ అక్కడి తాలిబన్లు, మత ఛాందసవాదులు ‘ఆడపిల్లలు సైకిల్‌ తొక్కడమేంటి?’ అంటూ ఆమె ఆశయానికి అడ్డుపడ్డారు. ధైర్యం చేసి సైకిల్‌తో రోడ్డుపై కొస్తే రాళ్లు విసిరారు. చంపేస్తామని బెదిరించారు. అందుకే ఉన్న వూరును విడిచిపెట్టి ప్రాణాలు అరచేతిలో పెట్టుకుని ఫ్రాన్స్‌కు వలస వెళ్లిపోయింది. అక్కడే తన సైక్లింగ్‌ లక్ష్యానికి మెరుగులు దిద్దుకుంది. ప్రతిష్ఠాత్మక ఒలింపిక్స్‌లో శరణార్థుల జట్టు తరఫున పాల్గొనే సువర్ణావకాశం సొంతం చేసుకుంది. ఆమే 24 ఏళ్ల మసోమా అలీ జాదా.

తరువాయి

సృజనాత్మక పరిష్కారానికి అరుదైన పురస్కారం!

యూరోపియన్‌ ఇన్వెంటర్‌ అవార్డ్‌.. వివిధ రంగాల్లో ఆవిష్కరణలు చేసి ఓ సరికొత్త ట్రెండ్‌ క్రియేట్‌ చేసిన వారికి ఏటా అందించే ప్రతిష్ఠాత్మక పురస్కారమిది! ఐరోపాతో పాటు ఇతర దేశాల వారు చేసిన అద్భుత ఆవిష్కరణల్ని గుర్తించి.. వాటి సృష్టికర్తలకు బహూకరించే ఈ పురస్కారం ఈసారి భారత సంతతికి చెందిన రసాయన శాస్త్రవేత్త సుమితా మిత్రాను వరించింది. ‘నాన్‌ యూరోపియన్‌ పేటెంట్‌ ఆఫీస్‌ కంట్రీస్‌’ విభాగం కింద యూరోపియన్‌ పేటెంట్‌ ఆఫీస్‌ (EPO) ఆమెకు ఇటీవలే ఈ అవార్డు అందించింది. దంత వైద్యంలో భాగంగా ఆమె చేసిన ఓ అసాధారణ ఆవిష్కరణతో ఎంతోమంది దంత సమస్యలకు పరిష్కారం దొరికినట్లయింది. ఈ నేపథ్యంలోనే ఈ అరుదైన అవార్డు అందుకున్న సందర్భంగా ఈ ఇండో-అమెరికన్‌ గురించి కొన్ని విశేషాలు మీకోసం..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని