‘బేకింగ్’ స్కిల్స్‌తో అద్భుతాలు చేస్తోంది! - meet 14 year old araditta goenka uses her baking skills to help the poor and needy
close
Published : 25/07/2021 16:37 IST

‘బేకింగ్’ స్కిల్స్‌తో అద్భుతాలు చేస్తోంది!

Image for Representation

‘సమాజం నుంచి చాలా తీసుకుంటాం... తిరిగి ఇచ్చేయాలి’ అన్న మాటలను చిన్న వయసులోనే తన మనసులో నాటుకుంది ఆ అమ్మాయి. అందుకే తనకున్న ‘బేకింగ్‌’ స్కిల్స్‌తో రుచికరమైన బేకరీ ఉత్పత్తులు, తినుబండారాలు చేసి విక్రయిస్తోంది. వాటి ద్వారా వచ్చిన మొత్తంతో కరోనా బాధితుల జీవితాల్లో వెలుగులు నింపుతోంది. ఇంతకీ ఎవరా అమ్మాయి?తన వెనక ఎవరున్నారు? తదితర విషయాలు తెలుసుకోవాలంటే ఈ స్టోరీ చదవాల్సిందే.

లాక్‌డౌన్‌ను సద్వినియోగం చేసుకుంటూ!

కోరుకోని అతిథిలా వచ్చిన కరోనా అందరి జీవితాలను ఏదో ఒక రకంగా ప్రభావితం చేసింది. ఉద్యోగులకు వర్క్‌ ఫ్రం హోంను అలవాటు చేసింది. పిల్లలు స్మార్ట్‌ఫోన్‌లో పాఠాలు నేర్చుకునేలా చేసింది. మొత్తానికి చాలామందిని ఇంటికి పరిమితం చేసిందీ మహమ్మారి. అదే సమయంలో వారిలో దాగున్న అద్భుత నైపుణ్యాలను ప్రపంచానికి పరిచయం చేసే అవకాశం కూడా కల్పించింది. అలా కరోనా కారణంగా దొరికిన ఖాళీ సమయాన్ని సద్వినియోగం చేసుకుని 14 ఏళ్ల వయసులోనే బెస్ట్ ఆంత్రప్రెన్యూర్‌గా మారిపోయింది ఆరాదితా గోయెంకా. గతేడాది లాక్‌డౌన్‌లో బేకింగ్‌పై మక్కువ పెంచుకున్న ఆమె రుచికరమైన, ఆరోగ్యకరమైన బేకరీ ఉత్పత్తులు, మిఠాయిలు తయారుచేసింది. వాటిని విక్రయించడం కోసం ‘మిరాకిల్‌ ప్రాజెక్టు 20’ పేరుతో ఓ ఆన్‌లైన్‌ వేదికను కూడా ఏర్పాటు చేసింది.

మంచి ఉద్దేశాన్ని అర్థం చేసుకుని!

ఇక ఈ ప్రాజెక్టు ప్రారంభించినప్పుడే దీని ద్వారా వచ్చిన మొత్తాన్ని సమాజ హితం కోసం వినియోగించాలనుకుంది ఆరాదిత.  ఇందులో భాగంగా కరోనాతో రోడ్డున పడిన మహిళలు, పిల్లలతో పాటు క్యాన్సర్‌ బాధితులకు సహాయార్థంగా ఆ సొమ్మును ఖర్చుపెట్టాలనుకుని నిర్ణయించుకుంది. ఈ నేపథ్యంలో ఆరాదిత రుచికరమైన ఉత్పత్తులే కాదు... ఆమె ఉద్దేశమూ చాలామందిని ఆకట్టుకుంది. దీంతో కొన్ని రోజుల్లోనే ‘మిరాకిల్‌ ప్రాజెక్టు’కు అద్భుతమైన స్పందన వచ్చింది.

ఎంతో కొంత తిరిగివ్వాలి!

‘మిరాకిల్‌ ప్రాజెక్టు 20 ’అనేది నా డ్రీమ్‌ ప్రాజెక్టు. మనకెంతో ఇచ్చిన సమాజానికి తిరిగి కొంతైనా ఇవ్వాలన్న ఆశయంతోనే దీనిని ఏర్పాటుచేశాను. లాక్‌డౌన్‌ రూపంలో గతేడాది నాకు చాలా సమయం దొరికింది. దాదాపు ఇంటికే పరిమితమైపోయాను. నాకు బేకింగ్‌పై ఆసక్తి ఉంది....దీంతో పాటు సమాజానికి సేవ చేయాలన్న ఆశయమూ ఉంది. ఈ రెండింటి సమ్మేళనమే ‘మిరాకిల్‌ ప్రాజెక్టు’. వీటి ద్వారా వచ్చిన మొత్తాన్ని నాకు తెలిసిన కొన్ని స్వచ్ఛంద సంస్థలకు అందజేశాను. కరోనాతో రోడ్డున పడిన మహిళలు, పిల్లలతో పాటు క్యాన్సర్‌ బాధితులకు ఈ సొమ్మును అందజేయాలని వారిని కోరాను’ అని అంటోందీ యంగ్‌ గర్ల్.

ఆ పుస్తకమే నన్ను మార్చేసింది!

‘మిరాకిల్‌’ ప్రాజెక్ట్‌ సక్సెస్‌ అవ్వడంలో తన తల్లిదండ్రుల కృషి కూడా ఉందంటోంది ఆరాదిత.  ‘ఈ ప్రాజెక్టు ప్రారంభం నుంచి మా అమ్మానాన్నలు నాకు అండగా నిలుస్తూ వస్తున్నారు. ముఖ్యంగా నాన్న (అమిత్‌ గోయెంకా) నాకు బహూకరించిన Danielle అనే పుస్తకం నాపై బాగా ప్రభావం చూపింది. ఓ యువతి తనకున్న నైపుణ్యంతో సమాజానికి ఎలా సేవ చేసిందన్నదే Danielle పుస్తక సారాంశం. ఇది చదివిన తర్వాత నా ఆలోచనలు మారిపోయాయి. నాలాంటి యువత కూడా సమాజం పట్ల బాధ్యతగా వ్యవహరించాలని అర్థమైంది. మనం చేసే చిన్న సహాయం కొందరికైనా మేలు చేస్తుందని అర్థమైంది. ఇక వంటకాల తయారీలో అమ్మ (నవ్యతా గోయెంకా) తగిన సలహాలు, సూచనలు అందిస్తుంటుంది’ అని చెబుతోంది ఆరాదిత.

రుచితో పాటు ఆరోగ్యానికీ ప్రాధాన్యం!

Panna cota, చాక్లెట్‌ మౌసీ, గ్రానోలా జార్స్‌, కుకీలు, బిస్కెట్లు ...తదితర ఎన్నో రుచికరమైన రెసిపీలను స్వయంగా తయారుచేసి ఆన్‌లైన్‌ ద్వారా విక్రయిస్తోంది ఆరాదిత. ఈ నేపథ్యంలో తన ఉత్పత్తులు కేవలం రుచికరంగా ఉండడమే కాదు.. ఆరోగ్యానికి కూడా ఎంతో మేలు చేస్తాయంటోంది.

‘నా ఉత్పత్తులకు ప్రతిఫలంగా కేవలం డబ్బులే ఇవ్వాలని లేదు. పేదలకు ఉపయోగపడే ఎలాంటి సహాయమైనా అందజేయవచ్చు. ఇక నా బేకింగ్‌ ఐటమ్స్‌ అన్నీ గ్లూటెన్‌ ఫ్రీ, షుగర్‌ ఫ్రీ వంటకాలే. ప్రొడక్ట్స్‌ నాణ్యత విషయంలోనూ నేను ఏ మాత్రం రాజీ పడను. ఎందుకంటే నాకు రుచితో పాటు కస్టమర్ల ఆరోగ్యం కూడా ముఖ్యమే. ముఖ్యంగా కరోనా సమయంలో రోగనిరోధక శక్తి పెంచుకునేలా నా ఉత్పత్తులు ఉండాలనుకుంటాను’ అని చెప్పుకొచ్చిందీ యంగ్‌ గర్ల్.

సమాజ హితం కోసం ఆరాదిత చేస్తున్న ప్రయత్నాన్ని సోషల్‌ మీడియా వేదికగా పలువురు మెచ్చుకుంటున్నారు. 

మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

తరువాయి

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

తరువాయి

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

తరువాయి

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని