వాళ్ల కోసమే ఈ 'జీవితం'! - meet manisha krishnaswamy who rehabilitated over 340 road dwellers in erode to provide them better l
close
Updated : 18/08/2021 19:09 IST

వాళ్ల కోసమే ఈ 'జీవితం'!

(Photo: Instagram)

సైన్యంలో చేరి దేశానికి సేవ చేయాలనుకుంది... అదీ సాధ్యపడకపోతే డాక్టరై కనీసం ప్రజలకైనా సాయపడదామనుకుంది. అయితే కుటుంబ ఆర్థిక పరిస్థితులు సహకరించలేదు. బీఎస్సీ నర్సింగ్ చదివి లెక్చరర్‌ అయ్యింది. అయితేనేం... తన కలను పక్కన పెట్టినా సేవా గుణాన్ని మాత్రం వదల్లేదు. తన జీతంలో చాలా భాగాన్ని మానసిక రోగుల బాగుకే వెచ్చిస్తోంది. ఓ స్వచ్ఛంద సంస్థను నెలకొల్పి వారి జీవితాలను అందంగా మార్చేందుకు ప్రయత్నిస్తోంది. ఇంతలా సేవ చేస్తోన్న తనది మరీ పెద్ద వయసేమీ కాదు. కేవలం 24 ఏళ్లే... పేరు మనీషా కృష్ణస్వామి. తమిళనాడులోని ఈరోడ్‌ ఆమె సొంతూరు.

మధ్య తరగతి కుటుంబంలో పుట్టిన మనీషా కళ్లెదుట కష్టం ఉంటే తట్టుకోలేదు. అందుకే చిన్నప్పుడు తండ్రి ఒంటరిగా మటన్‌ కొట్టులో కష్టపడుతుంటే అతనికి చేదోడువాదోడుగా నిలిచింది. ఇంటి పనుల్లో తల్లికీ సహాయమందించింది. ఈ క్రమంలోనే సైనికురాలిగా మారి సరిహద్దుల్లో దేశ సేవ చేయాలనుకుంది...లేకపోతే వైద్యురాలిగా మారి కనీసం పేద ప్రజలకైనా ఉపయోగపడాలనుకుంది. అయితే అంతంతమాత్రంగానే ఉన్న కుటుంబ ఆర్థిక పరిస్థితులు ఆమె కలను నెరవేరనీయలేదు. దీంతో బీఎస్సీ నర్సింగ్‌ పూర్తి చేసి ఈరోడ్‌లోని ఓ కాలేజీలో లెక్చరర్‌గా చేరింది.

జీతం డబ్బులు వెచ్చిస్తూ!

ఉద్యోగంలో చేరిన మొదట్లో తనకొచ్చిన జీతంలో కొంచెం కుటుంబానికి అందిస్తూనే... మిగతా భాగం పేదల అవసరాలకే వెచ్చించింది మనీషా. ఫుట్‌పాత్‌పై ఉన్న అనాథలు, వృద్ధుల ఆకలిని కూడా తీర్చింది. అయితే ఈ సహాయం ఆమెకు సంతృప్తినివ్వలేదు. వారికి ఆవాసంతో పాటు మూడుపూటలా వారి కడుపు నిండేలా ఏదైనా చేయాలనుకుంది. ఇందుకోసం పలు స్వచ్ఛంద సంస్థలతో చేతులు కలిపింది. ప్లాంటేషన్‌ డ్రైవ్స్‌, రిహ్యాబిలిటేషన్‌ కార్యక్రమాలు విస్తృతంగా నిర్వహించింది. అయితే ఇది క్రమంగా ఆ ఎన్‌జీవోల మధ్య పోటీ తత్వానికి దారి తీసింది. సంస్థల్లోని కొందరు మగవారు ఆమెపై ఆధిపత్యం చెలాయించేందుకు ప్రయత్నించారు. తన పనులను సక్రమంగా చేయనియ్యలేదు. దీంతో సొంతంగా ఫౌండేషన్‌ను స్థాపించాలనుకుందీ యంగ్‌ గర్ల్.

అదే నా ఫౌండేషన్‌కు పునాది!

‘ఈ ప్రయత్నాల్లో ఉండగానే నాకు ఫేస్‌బుక్‌లో ఒక పోస్టు కనిపించింది. ఓ 80 ఏళ్ల గుర్తు తెలియని వృద్ధుడు బాగా చిక్కిపోయి రోడ్డు పక్కన పడి ఉన్నాడని ఆ పోస్టు సారాంశం. ఆ పోస్టు పెట్టిన యూజర్లను అడిగి వెంటనే తిరుచ్చి నుంచి తంజావూరుకు బయలుదేరాను. సంఘటనా స్థలానికి వెళ్లి చూడగానే నా మనసు తరుక్కుపోయింది. అతను పోషకాహార లోపంతో బాగా బక్కచిక్కిపోయి ఉన్నాడు. తిండి తిని చాలా రోజులైంది. వెంటనే తంజావూరులోని వృద్ధుల ఆశ్రమంలో అతడిని చేర్పించాను. అతనొక్కడే కాదు... రోడ్డుపై వెళుతుంటే చాలామంది వృద్ధులు ఇలాగే కనిపించారు. అందులో కొందరు మానసిక రోగులు కాగా... మరికొందరు మాదక ద్రవ్యాలకు బానిసైన వారు. వీరికి ఏదైనా మంచి చేయాలన్న ఆకాంక్షే నా ‘జీవితం ఫౌండేషన్‌’ కు పునాది వేసింది. 

అదే మా ప్రధాన లక్ష్యం!

‘ఈ ఫౌండేషన్‌ ప్రధాన లక్ష్యం... అనాథలైన వృద్ధులు, మానసిక రోగులకు పునరావాసం కల్పించడం... మాదక ద్రవ్యాలకు బానిసైన వారిని మామూలు మనుషులుగా మార్చడం. ఇందులో భాగంగా మొదట ఆహారం, దుస్తులతో పాటు ఇతర ప్రాథమిక సౌకర్యాలను కల్పిస్తాం. వారితో మమేకమై పూర్తి వివరాలు తెలుసుకునేందుకు ప్రయత్నిస్తాం. కుటుంబ సభ్యులెవరైనా ఉంటే వారికి సమాచారమందిస్తాం. లేకపోతే ఈరోడ్‌లోని మా కేర్‌ ఫెసిలిటీ సెంటర్‌లోనే వారికి అన్ని సదుపాయాలు అందజేస్తాం. ఏదైనా పనిచేసే సామర్థ్యముంటే వారి కాళ్లపై వారు నిలబడేలా ఉపాధి కూడా కల్పిస్తున్నాం’..

అదొక్కటే నాకు బాధ కలిగిస్తోంది!

2018లో ప్రారంభమైన ‘జీవితం ఫౌండేషన్’ ద్వారా ఇప్పటివరకు సుమారు 340 మందికి పైగా వృద్ధులు, మానసిక రోగులను అక్కున చేర్చుకుంది మనీషా. కొవిడ్‌ సమయంలోనూ పలు సేవా కార్యక్రమాలు నిర్వహించి మన్ననలు అందుకుంది.
‘నా స్నేహితులతో పాటు క్రౌడ్‌ ఫండింగ్‌ ప్లాట్‌ఫామ్స్‌ ద్వారా విరాళాలు సేకరిస్తూ ఈ ఫౌండేషన్‌ను నిర్వహిస్తున్నాం. ఇప్పటికీ నాకు సొంతిల్లు లేదు. పెద్దగా డబ్బులు కూడా లేవు. అయితేనేం... ఎంతో సంతృప్తిగా ఉంటోంది. అయితే ఈ పని చేయడం నా తల్లిదండ్రులకు ఏ మాత్రం ఇష్టం లేదు. మూడేళ్లుగా వారు నాకు దూరంగా ఉంటున్నారు. ఇదొక్కటే నాకు చాలా బాధ కలిగిస్తోంది’ అని అంటోంది మనీషా.



మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

తరువాయి

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

తరువాయి

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

తరువాయి

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని