మానసికంగా డిస్టర్బ్‌ అవుతున్నారా? అయితే ఇలా చేసి చూడండి! - mental breakdown how to cope with it
close
Updated : 10/07/2021 19:47 IST

మానసికంగా డిస్టర్బ్‌ అవుతున్నారా? అయితే ఇలా చేసి చూడండి!

గతంలో జరిగిన భయంకరమైన సంఘటనలు పదే పదే గుర్తొస్తున్నాయా? మీపై మీకున్న నమ్మకం కోల్పోయి చచ్చిపోవాలన్న పిచ్చి ఆలోచనలు మీ మనసును తొలిచేస్తున్నాయా? వీటితో పాటు అలసట, నీరసం.. వంటివీ మిమ్మల్ని ఉక్కిరి బిక్కిరి చేస్తున్నాయా? అయినా కాస్త ఒత్తిడికి గురైనప్పుడు ఇలాంటి సమస్యలు సహజమేనంటూ వాటిని నిర్లక్ష్యం చేస్తున్నారా? అదిగో అలాంటి అలక్ష్యమే తగదంటున్నారు నిపుణులు. ఎందుకంటే దీన్నే మానసికంగా తీవ్ర ఒత్తిడి ఎదుర్కొంటున్న స్థితి (మెంటల్‌ బ్రేక్‌డౌన్‌ లేదా నెర్వస్‌ బ్రేక్‌డౌన్‌)గా పేర్కొంటున్నారు. సరైన సమయంలో దీన్ని గుర్తించి చికిత్స తీసుకోకపోతే మానసికంగా మరింత దిగజారే ప్రమాదం ఉందంటున్నారు.

శరీరం, మనసు ఆరోగ్యంగా ఉంటేనే ఏ పనైనా చురుగ్గా చేసుకోగలం. అదే ప్రతికూల ఆలోచనలు మనసులోకి చేరితే.. మానసికంగా ఒత్తిడిని ఎదుర్కోవడమే కాదు.. ఏ పని పైనా ఏకాగ్రత పెట్టలేం. అందుకే ఇలాంటి మానసిక సమస్యను ఆదిలోనే గుర్తించాలంటున్నారు నిపుణులు. అయితే చాలామంది ఈ విషయాన్ని తేలిగ్గా తీసుకోవడంతో పాటు సరైన సమయంలో గుర్తించలేకపోతున్నారని.. తద్వారా అది క్రమంగా తీవ్రమైన మానసిక ఒత్తిడిని ఎదుర్కొనే స్థితి (మెంటల్‌ బ్రేక్‌డౌన్‌)గా పరిణమిస్తుందని అంటున్నారు.

ఈ లక్షణాలున్నాయా?

మానసికంగా మనం ఎదుర్కొనే తీవ్రమైన ఒత్తిడిని కొన్ని లక్షణాలతో గుర్తించచ్చని చెబుతున్నారు నిపుణులు.

* బీపీ పెరిగి విపరీతమైన కోపం రావడం

* మనపై మనం నమ్మకం కోల్పోవడం.. ఒక దశలో ఆత్మహత్యకు సంబంధించిన ఆలోచనలు రావడం

* ప్రతికూల ఆలోచనలతో రాత్రుళ్లు నిద్ర పట్టకపోవడం.. తద్వారా ఇది క్రమంగా నిద్రలేమికి దారితీస్తుంది.

* విపరీతమైన అలసట, ఆహారం సరిగ్గా జీర్ణం కాకపోవడం

* ఏదైనా విషయం జరగకపోయినా జరుగుతుందేమోనని భ్రమపడడం

* ఉన్నట్లుండి ఒక్కసారిగా భయంతో ఉలిక్కిపడడం

* గతంలో జరిగిన భయంకరమైన సంఘటనలు పదే పదే గుర్తుకు రావడం

* నలుగురిలోకి వెళ్లడానికి ఆసక్తి చూపకపోవడం.. ఎక్కువ సమయం ఒంటరిగానే గడపాలనిపించడం

* ఆహారం సరిగ్గా తీసుకోకపోవడం

దానికి కారణాలెన్నో!

ఇలా మనం మానసికంగా తీవ్ర ఒత్తిడికి గురవుతున్నామంటే మన చుట్టూ ఉన్న వాతావరణం, వ్యక్తులతో పాటు ఈ అంశాలు కూడా కారణం కావచ్చంటున్నారు నిపుణులు.

* నిరంతరాయంగా పనిలో కలిగే ఒత్తిడి ఇలాంటి మానసిక స్థితికి కారణమవుతుందంటున్నారు నిపుణులు. అలాగే కొంతమంది ఉద్యోగమైనా, ఇతర పనైనా తప్పక చేస్తుంటారు. అలాంటివారు అయిష్టంగానే ఆ పనిని పూర్తిచేస్తుంటారు. ఈ క్రమంలో రోజూ ఎదుర్కొనే ఒత్తిడి వల్ల కూడా ఈ స్థితి రావచ్చంటున్నారు నిపుణులు.

* బాగా ఇష్టమైన కుటుంబ సభ్యుల్ని కోల్పోవడం/దూరమవడం, అలాగే ఆర్థిక స్థితి బాగోలేక పదే పదే డబ్బు గురించే మథన పడడం కూడా ఈ తీవ్రమైన మానసిక ఒత్తిడికి ఓ కారణంగా చెప్పుకోవచ్చు.

* దీర్ఘకాలం పాటు నిద్ర సరిగ్గా లేకపోవడం, విశ్రాంతి తీసుకోవడానికీ సమయం దొరక్కపోవడం, దీర్ఘకాలిక అనారోగ్యాలు.. వంటివి కూడా మానసికంగా మనల్ని దెబ్బతీసేందుకు ప్రధాన కారణాలంటున్నారు నిపుణులు.

ఇలా జయించచ్చు!

ఇలా మీరు ఎదుర్కొంటోన్న ఈ తీవ్రమైన మానసిక స్థితిని గుర్తించిన వెంటనే కొన్ని జాగ్రత్తలు తీసుకోవాల్సి ఉంటుంది..

* అన్నింటికంటే ముందుగా మీ ఫిజీషియన్ సలహా మేరకు కంప్లీట్‌ బాడీ చెకప్‌ చేయించుకోవాలి. తద్వారా మీ మానసిక స్థితి మీ శరీరంపై ఎలాంటి ప్రభావం చూపుతోందో తెలుసుకోవచ్చు.

* ఇక ఈ మానసిక స్థితి నుంచి బయటపడేందుకు టాక్‌ థెరపీ/కాగ్నిటివ్‌ బిహేవియరల్‌ థెరపీ.. వంటివి ఉపయోగపడతాయి.

* ఈ మానసిక స్థితి లక్షణాలను ఎదుర్కోవడానికి డాక్టర్‌ సలహా మేరకు యాంటీ డిప్రెసెంట్, యాంటీ యాంగ్జైటీ మందులు వాడచ్చు.

* అలాగే నిపుణుల సలహా ప్రకారం ఆక్యుపంక్చర్‌, యోగా, ధ్యానం, మసాజ్‌ చేయించుకోవడం.. చక్కటి ఫలితాన్నిస్తాయి.

* తీసుకునే ఆహారంలో కెఫీన్‌ లేకుండా చూసుకోవాలి.

ఇక వీటితో పాటు సుఖ నిద్ర, పడుకునే ముందు గోరువెచ్చటి నీటితో స్నానం చేయడం, గ్యాడ్జెట్స్‌కి దూరంగా ఉండడం, మనసుకు నచ్చిన పనులు చేయడంతో పాటు స్వీయ ప్రేమ కూడా అవసరమే అంటున్నారు నిపుణులు. అంతేకాదు.. ఈ క్రమంలో సమస్యతో బాధపడుతోన్న వారికి కుటుంబ సభ్యుల నుంచి తగిన మద్దతు లభించడం కూడా ముఖ్యమే!

మరిన్ని

వీటితో పిల్లలకు పాలివ్వడం ఎంతో సులువు!

పసి పిల్లలకు ఆరు నెలలు అంతకుమించి ఏడాది వరకు తల్లిపాలు పట్టడం తప్పనిసరి అంటూ నిపుణులు చెప్పడం మనకు తెలిసిందే. అయితే ఇటు కుటుంబంతో పాటు అటు వృత్తి ఉద్యోగాలకూ సమప్రాధాన్యమిచ్చే అమ్మలున్న ఈ రోజుల్లో ఏడాది వరకు బిడ్డకు తానే నేరుగా పాలివ్వడం అంటే అది కాస్త కష్టమనే చెప్పుకోవాలి. అలాగని బిడ్డలను అలా వదిలేసి తల్లులూ తమ వృత్తిపై దృష్టి పెట్టలేరు. అందుకే అటు నేటి తల్లుల బ్రెస్ట్‌ఫీడింగ్ పనిని సులభతరం చేస్తూ, ఇటు పిల్లలకు తల్లిపాలు అందుబాటులో ఉండేలా చేసేందుకు వివిధ రకాల బ్రెస్ట్‌ఫీడింగ్ గ్యాడ్జెట్లు ప్రస్తుతం మార్కెట్లోకొచ్చేశాయి.

తరువాయి

సైజ్‌ జీరో కాదు.. ఆరోగ్యం ముఖ్యం!

‘మనసులో కలిగే ఆలోచనల్నే శరీరం ప్రతిబింబిస్తుంది..’ అంటోంది ఫిట్‌నెస్‌ ఫ్రీక్‌ అంకితా కొన్వర్‌. సైజ్‌ జీరో గురించి ఆలోచిస్తూ బాధపడితే మరింత బరువు పెరుగుతామని, అదే ఆరోగ్యంపై దృష్టి పెడితే శరీరం, మనసు రెండూ మన అధీనంలో ఉంటాయని చెబుతోంది. ఆరోగ్యం, ఫిట్‌నెస్‌పై ఎక్కువ శ్రద్ధ పెడుతూ.. ఆ చిట్కాల్ని సోషల్‌ మీడియాలో పంచుకుంటూ అందరిలో స్ఫూర్తి నింపే ఈ మిసెస్‌ సోమన్‌.. తాజాగా బాడీ పాజిటివిటీ గురించి ఇన్‌స్టాలో మరో స్ఫూర్తిదాయక పోస్ట్‌ పెట్టింది. సైజ్‌ జీరో కంటే ఆరోగ్యమే ముఖ్యమంటూ ఆమె షేర్‌ చేసిన పోస్ట్‌ ప్రస్తుతం సామాజిక మాధ్యమాల్లో వైరల్‌గా మారింది.

తరువాయి

ఆఫీసులో కోపం కట్టలు తెంచుకుంటోందా? ఇలా చేసి చూడండి..!

ఉద్యోగినులకు ఇటు ఇంటి పనులు, అటు ఆఫీస్‌ ఒత్తిళ్లు సర్వసాధారణమే అయినా.. కొంతమంది వీటిని అదుపు చేసుకోలేక ఒక్కోసారి పని ప్రదేశంలోనే ఎదుటివారిపై విరుచుకుపడుతుంటారు. దీన్నే ‘వర్క్‌ప్లేస్‌ బర్నవుట్’గా పేర్కొంటున్నారు నిపుణులు. నిజానికి ఇలాంటి దీర్ఘకాలిక ఒత్తిడి ఆరోగ్యానికే కాదు.. కెరీర్ పైనా ప్రతికూల ప్రభావం చూపే అవకాశాలు ఎక్కువగానే ఉన్నాయంటున్నారు. అందుకే దీన్ని ఆదిలోనే గుర్తించి మేనేజ్‌ చేసుకోగలిగితే దీనివల్ల కెరీర్‌పై మచ్చ పడకుండా జాగ్రత్తపడచ్చంటున్నారు. మరి, అదెలాగో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

సూపర్‌ విమెన్

మరిన్ని