అందుకే 8 నెలల గర్భంతో ఇలా..!  - neha dhupia opens up about working during third trimester
close
Updated : 27/08/2021 18:18 IST

అందుకే 8 నెలల గర్భంతో ఇలా..! 

కడుపులో నలుసు పడిందని తెలియగానే సున్నితంగా మారిపోతుంటారు కొందరు మహిళలు. కడుపులోని బిడ్డకు ఏదైనా అసౌకర్యం కలుగుతుందేమోనని చిన్న చిన్న పనులు చేసుకోవడానికి కూడా భయపడిపోతుంటారు. అయితే కొంతమంది మాత్రం నెలలు నిండుతున్న కొద్దీ మరింత ఉత్సాహంగా పనిచేస్తుంటారు. ఇంటినీ- పనినీ సమర్థంగా బ్యాలన్స్‌ చేస్తుంటారు. రోజువారీ కూలి పనులు చేసే గర్భిణుల దగ్గర్నుంచి సెలబ్రిటీల దాకా ఎంతోమంది నిండు గర్భంతోనే తమ పనులు కొనసాగించడం మనం చూస్తూనే ఉన్నాం.

8 నెలల గర్భంతో షూటింగ్స్‌కి..!

తాజాగా బాలీవుడ్‌ నటి నేహా ధూపియా కూడా అదే చేసింది. త్వరలో రెండోసారి అమ్మ కాబోతున్న ఈ ముద్దుగుమ్మ...ఎనిమిది నెలల గర్భంతో సినిమా షూటింగ్స్‌కి హాజరవుతోంది...అదీ కరోనా ప్రతికూల పరిస్థితుల్లో. ఈ నేపథ్యంలో నేటితో (ఆగస్టు 27) 41వ వసంతంలోకి అడుగుపెడుతోన్న ఈ అందాల తార తన గర్భం, మూడేళ్ల కూతురు మెహ్ర్‌ గురించి పలు ఆసక్తికర విషయాలు పంచుకుంది.

అందుకే ఇలా చేస్తున్నాను!

2018లో నటుడు అంగద్‌ బేడీని ప్రేమ వివాహం చేసుకున్న నేహ అదే ఏడాది మెహ్ర్‌ అనే ముద్దుల పాపాయికి జన్మనిచ్చింది. ఇక ఈ ఏడాది జులైలో రెండోసారి గర్భం దాల్చినట్లు ఇన్‌స్టాగ్రామ్‌ ద్వారా వెల్లడించింది. గతంలో బ్రెస్ట్‌ ఫీడింగ్, బాడీ షేమింగ్‌ విషయాల్లో మహిళలకు స్ఫూర్తినిచ్చే సందేశాలిచ్చిన ఈ సూపర్‌ మామ్ ప్రస్తుతం 8 నెలల గర్భంతో ఉంది. అయినా నటనకు విరామం ఇవ్వకుండా ఉత్సాహంగా సినిమా షూటింగ్స్‌లో పాల్గొంటోంది.

‘కొవిడ్‌ ప్రతికూల పరిస్థితుల్లో సినిమా చిత్రీకరణలకు హాజరవ్వడం ఇబ్బందిగానే ఉంటోంది. పైగా నేను మూడో త్రైమాసికంలో ఉన్నాను. చాలా అలసటగా అనిపిస్తోంది. అయితే నేను నా విధులు సమర్థంగా నిర్వర్తించగలిగితే నన్ను చూసి మరికొంతమంది మహిళలు స్ఫూర్తి పొందుతారు. అందుకే ఇలా నిర్విరామంగా షూటింగ్స్‌కి హాజరవుతున్నాను.’

నేను అలా ఖాళీగా కూర్చోలేను!

‘మహిళలు ఇంటి బాధ్యతలతో పాటు వృత్తిగత పనులను కూడా సమర్థంగా నిర్వహించుకోగలరు. కానీ కొన్ని పరిస్థితుల వల్ల చాలామంది మహిళలు పర్సనల్‌ /ప్రొఫెషనల్‌ లైఫ్‌లలో ఏదో ఒకదానిని ఎంచుకోవాల్సి వస్తోంది. దాదాపు నా పరిస్థితి కూడా ఇదే. అయితే నేను నా పనిని, ప్రైవేట్‌ లైఫ్‌ను సమర్థంగా సమన్వయం చేసుకుంటే ఇండస్ట్రీలో మహిళలపై ఉన్న దృక్పథం మారిపోతుంది. ముఖ్యంగా గర్భిణులకు సినిమా ఇండస్ట్రీలో మరిన్ని మంచి అవకాశాలు, పాత్రలు వస్తాయనుకుంటున్నాను. ఇక గర్భంతో ఉన్న మహిళలు ఇంటికే పరిమితమవ్వాలన్న భావనలకు నేను పూర్తిగా వ్యతిరేకం. అసలు మేం అలా ఎందుకు ఇంట్లోనే ఉండాలి? ప్రస్తుతం నేను ఉన్న పరిస్థితులు, పనులతో పోల్చుకుంటే నాకు ఎంతో విశ్రాంతి కావాలి. కానీ నేను అలా ఖాళీగా కూర్చోలేను. మీరు కూడా అలా చేయద్దు. కడుపుతో ఉన్నంత మాత్రాన మహిళ తన కెరీర్‌, ఆశలను కోల్పోకూడదు. ఇందుకు నేను ఉదాహరణగా నిలవాలని అనుకుంటున్నాను. మరికొంతమంది నా దారిలో నడుస్తారని ఆకాంక్షిస్తున్నాను.’

నేను సూపర్‌ ప్రెగ్నెంట్‌ని!

‘ఇక నా పుట్టిన రోజు ప్రణాళికలంటూ పెద్దగా ఏమీ లేవు. సరదాగా గడిపేందుకు మా ఫ్యామిలీ అంతా ఎక్కడికైనా వెళ్లాలనుకుంటున్నాం. మరీ దూరం కాకుండా ఓ 2-3 గంటల ప్రయాణం చేద్దామనుకుంటున్నాం. ప్రస్తుతం నేను ఉన్న పరిస్థితుల్లో ఇంతకు మించి ఎక్కువ ప్రయాణం చేయకూడదు. సాధారణంగా నా పుట్టిన రోజు అంటే ఎక్కడైనా లాంగ్‌ వెకేషన్స్‌కి వెళ్లేవాళ్లం. అయితే గత రెండేళ్లుగా ఆ అవకాశం రావడం లేదు. గతేడాది కరోనా కారణంగా ముంబయిని విడిచిపెట్టి వెళ్లలేకపోయాం. ఈసారి కూడా ఎక్కడికీ వెళ్లలేని పరిస్థితి. ఎందుకంటే నేను ప్రస్తుతం సూపర్‌ ప్రెగ్నెంట్‌ని’ అని అంటోందీ సూపర్‌ మామ్.



మరిన్ని

వీటితో పిల్లలకు పాలివ్వడం ఎంతో సులువు!

పసి పిల్లలకు ఆరు నెలలు అంతకుమించి ఏడాది వరకు తల్లిపాలు పట్టడం తప్పనిసరి అంటూ నిపుణులు చెప్పడం మనకు తెలిసిందే. అయితే ఇటు కుటుంబంతో పాటు అటు వృత్తి ఉద్యోగాలకూ సమప్రాధాన్యమిచ్చే అమ్మలున్న ఈ రోజుల్లో ఏడాది వరకు బిడ్డకు తానే నేరుగా పాలివ్వడం అంటే అది కాస్త కష్టమనే చెప్పుకోవాలి. అలాగని బిడ్డలను అలా వదిలేసి తల్లులూ తమ వృత్తిపై దృష్టి పెట్టలేరు. అందుకే అటు నేటి తల్లుల బ్రెస్ట్‌ఫీడింగ్ పనిని సులభతరం చేస్తూ, ఇటు పిల్లలకు తల్లిపాలు అందుబాటులో ఉండేలా చేసేందుకు వివిధ రకాల బ్రెస్ట్‌ఫీడింగ్ గ్యాడ్జెట్లు ప్రస్తుతం మార్కెట్లోకొచ్చేశాయి.

తరువాయి

సైజ్‌ జీరో కాదు.. ఆరోగ్యం ముఖ్యం!

‘మనసులో కలిగే ఆలోచనల్నే శరీరం ప్రతిబింబిస్తుంది..’ అంటోంది ఫిట్‌నెస్‌ ఫ్రీక్‌ అంకితా కొన్వర్‌. సైజ్‌ జీరో గురించి ఆలోచిస్తూ బాధపడితే మరింత బరువు పెరుగుతామని, అదే ఆరోగ్యంపై దృష్టి పెడితే శరీరం, మనసు రెండూ మన అధీనంలో ఉంటాయని చెబుతోంది. ఆరోగ్యం, ఫిట్‌నెస్‌పై ఎక్కువ శ్రద్ధ పెడుతూ.. ఆ చిట్కాల్ని సోషల్‌ మీడియాలో పంచుకుంటూ అందరిలో స్ఫూర్తి నింపే ఈ మిసెస్‌ సోమన్‌.. తాజాగా బాడీ పాజిటివిటీ గురించి ఇన్‌స్టాలో మరో స్ఫూర్తిదాయక పోస్ట్‌ పెట్టింది. సైజ్‌ జీరో కంటే ఆరోగ్యమే ముఖ్యమంటూ ఆమె షేర్‌ చేసిన పోస్ట్‌ ప్రస్తుతం సామాజిక మాధ్యమాల్లో వైరల్‌గా మారింది.

తరువాయి

ఆఫీసులో కోపం కట్టలు తెంచుకుంటోందా? ఇలా చేసి చూడండి..!

ఉద్యోగినులకు ఇటు ఇంటి పనులు, అటు ఆఫీస్‌ ఒత్తిళ్లు సర్వసాధారణమే అయినా.. కొంతమంది వీటిని అదుపు చేసుకోలేక ఒక్కోసారి పని ప్రదేశంలోనే ఎదుటివారిపై విరుచుకుపడుతుంటారు. దీన్నే ‘వర్క్‌ప్లేస్‌ బర్నవుట్’గా పేర్కొంటున్నారు నిపుణులు. నిజానికి ఇలాంటి దీర్ఘకాలిక ఒత్తిడి ఆరోగ్యానికే కాదు.. కెరీర్ పైనా ప్రతికూల ప్రభావం చూపే అవకాశాలు ఎక్కువగానే ఉన్నాయంటున్నారు. అందుకే దీన్ని ఆదిలోనే గుర్తించి మేనేజ్‌ చేసుకోగలిగితే దీనివల్ల కెరీర్‌పై మచ్చ పడకుండా జాగ్రత్తపడచ్చంటున్నారు. మరి, అదెలాగో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

సూపర్‌ విమెన్

మరిన్ని