అమ్మాయిలు చదువుకు దూరం కాకూడదని! - nishita has deposited the school fees of thousands of girl students
close
Published : 22/09/2021 18:12 IST

అమ్మాయిలు చదువుకు దూరం కాకూడదని!

(Photo: Instagram)

చాలామంది తల్లిదండ్రులు తమ అబ్బాయిలను కార్పొరేట్‌ స్కూళ్లు, ప్రైవేటు పాఠశాలల్లో చేర్పిస్తే అమ్మాయిలను మాత్రం ప్రభుత్వ పాఠశాలలకు పంపిస్తారు. కొందరైతే ‘అమ్మాయిలకు చదువెందుకు?’ అని అది కూడా చేయరు. ఈ క్రమంలో చిన్నప్పటి నుంచి ఇలాంటి అసమానతలను చూస్తూ పెరిగిన నిషితా రాజ్‌పుత్‌ భవిష్యత్‌లోనైనా వీటికి తెరదించాలంటోంది. అందుకే ఆడపిల్లల చదువు కోసం విస్తృతంగా విరాళాలు సేకరిస్తోంది!

రూ.3.80 కోట్ల విరాళాలు

‘నువ్వు నీళ్లను దానం చేస్తే ఓ 5-6 గంటల వరకు తాగచ్చు. అదే ఆహారం అందిస్తే 2-3 రోజుల వరకు తినవచ్చు. ఇక దుస్తులు వితరణ చేస్తే ఓ 2-3 ఏళ్ల వరకు వినియోగించుకోవచ్చు. అదే విద్యను అందిస్తే రాబోయే ఏడు తరాల జీవితాలను మార్చవచ్చు. అందుకే అన్ని దానాల్లో కెల్లా విద్యాదానం గొప్పది’ అని అంటుంది వడోదరకు చెందిన 29 ఏళ్ల నిషితా రాజ్‌పుత్‌. ఈ క్రమంలోనే గత 11 ఏళ్ల కాలంలో ఏకంగా 3.80 కోట్ల రూపాయలను విరాళాలుగా సేకరించింది. భవిష్యత్‌లో అమ్మాయిల చదువుకు ఏ ఆటంకం కలగకుండా ఈ మొత్తాన్నంతా ఓ బ్యాంకులో ఫిక్స్‌డ్‌ డిపాజిట్‌ చేసింది.

పెళ్లి డబ్బులు కూడా అందుకే!

మరి ఇంత పెద్ద మొత్తంలో విరాళాలు అందుతున్నప్పుడు నిషిత వెనక స్వచ్ఛంద సంస్థలు/ఫౌండేషన్లు ఏమైనా ఉన్నాయేమోనని చాలామంది అనుకోవచ్చు. కానీ ఆమెకు ఎలాంటి ఎన్‌జీవో/ ఫౌండేషన్లతోనూ సంబంధం లేదు. కేవలం తండ్రి సహకారంతో ఈ కార్యక్రమాన్ని ముందుకు నడిపిస్తోంది. ఇక ఇటీవల దాంపత్య బంధంలోకి అడుగుపెట్టింది నిషిత. పెళ్లిలో ఎలాంటి హంగులు, ఆర్భాటాలకు చోటివ్వకుండా సింపుల్‌గా తన పెళ్లి తతంగాన్ని పూర్తి చేసింది. ఈ డబ్బులతో ఒక్కొక్కరి పేరు మీద రూ.5 వేల చొప్పున మొత్తం 21 మంది పేరున ఫిక్స్‌డ్ డిపాజిట్‌ చేసింది.

వారు చదువుకు దూరం కాకూడదు!

‘చిన్నప్పుడు అమ్మానాన్నలు నా పుట్టిన రోజు వేడుకలను అనాథాశ్రమాలు, వృద్ధాశ్రమాల్లో నిర్వహించేవారు. ఇక చదువనేది అందరి ప్రాథమిక హక్కు. కానీ చాలామంది అమ్మాయిలు పేదరికం, లింగ వివక్ష కారణంగా విద్యకు దూరమవ్వడం నన్ను బాధించింది. అందుకే నేను కూడా ‘బేటీ బచావో బేటీ పడావో అభియాన్‌’లో భాగమయ్యాను. చిన్నప్పుడు నా పుట్టిన రోజుతో పాటు ప్రత్యేక సందర్భాలొచ్చినప్పుడల్లా బాలికల విద్య కోసం విరాళాలు సేకరించాను.’

పారదర్శకత ఉండాలని!

‘నేను సోషల్‌ వర్క్‌లో డిగ్రీ పట్టా అందుకున్నాను. ఆ తర్వాత బరోడాలోని MSU (ది మహారాజ సయాజీ రావ్‌ యూనివర్సిటీ) నుంచి లేబర్‌ స్టడీస్‌లో డిప్లొమా పూర్తి చేశాను. ఇక అమ్మాయిల కోసం ప్రస్తుతం జరుగుతున్న క్యాంపెయిన్‌ 11 ఏళ్ల క్రితం ప్రారంభమైంది. మొదట 151 మంది బాలికల చదువు కోసం విరాళాలు సేకరిద్దామనుకున్నాను. ఇంటింటికీ వెళ్లి నా ఉద్దేశాన్ని వివరించాను. మొదట చాలా తక్కువమంది స్పందించారు. అయితే క్రమంగా ఆ సంఖ్య పెరుగుతూ పోయింది. ఇప్పుడు దేశ, విదేశాల నుంచి కూడా విరాళాలు అందిస్తున్నారు. నేను విరాళాల సేకరణ, వినియోగంలో పారదర్శకత ఉండాలని కోరుకుంటాను. అందుకే దాతలు విరాళమిచ్చిన తర్వాత వారి డబ్బుతో చదువుకుంటోన్న అమ్మాయి పేరు, వారి తల్లిదండ్రులు, కుటుంబ పరిస్థితుల వివరాలను సమగ్రంగా దాతలకు అందిస్తాను. అంతేకాదు.. అమ్మాయికి సంబంధించిన పరీక్ష, అకడమిక్‌ ఫలితాలను కూడా పంపుతాను. ఇలా పారదర్శకత పాటించడం వల్ల మరికొందరు దాతలు ముందుకు వస్తారని నా అభిప్రాయం. కొంతమంది దాతలు డబ్బులు కాకుండా స్కూల్‌ బ్యాగులు, నోట్‌ బుక్స్‌, వాటర్‌ బాటిల్స్, దుస్తులు తదితర విద్యా సామగ్రిని అందిస్తున్నారు. నేను ఎలాంటి స్వచ్ఛంద సంస్థ/ఫౌండేషన్లు నిర్వహించడం లేదు. పాఠశాలలు, దాతల మధ్య నేను జస్ట్‌ ఒక వారధిలా పనిచేస్తున్నాను.. అంతే’ అంటోందీ యంగ్‌ లేడీ.

గత 11 ఏళ్ల కాలంలో మొత్తం 3.80 కోట్ల రూపాయలను విరాళాలుగా సేకరించింది నిషిత. వీటిని 34, 500 మంది విద్యార్థినుల స్కూల్‌ ఫీజ్‌ పేరుతో బ్యాంకులో ఫిక్స్‌డ్ డిపాజిట్‌ చేసింది. ఇక కరోనా కాలంలో పది, ఇంటర్ విద్యార్థినుల ఆన్‌లైన్‌ క్లాసుల కోసం స్మార్ట్‌ఫోన్లు కూడా పంపిణీ చేసింది. అదేవిధంగా వృద్ధులు, అనాథల కడుపు నింపేందుకు పలు సేవా కార్యక్రమాలు నిర్వహించింది.



మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

తరువాయి

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

తరువాయి

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

తరువాయి

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని