‘పంచ్‌’లు విసరడానికి బదులు పార్కింగ్‌ టికెట్లు అమ్ముతోంది! - once national level boxer now sells parking tickets in chandigarh to make ends meet
close
Published : 10/08/2021 17:43 IST

‘పంచ్‌’లు విసరడానికి బదులు పార్కింగ్‌ టికెట్లు అమ్ముతోంది!

(Image for Representation)

మీరాబాయి చాను, లవ్లీనా, రాణి రాంపాల్‌, పీవీ సింధు... కాసింత ప్రోత్సాహం అందిస్తే క్రీడల్లో ఎంతటి సంచలనాలు సృష్టిస్తారో టోక్యో ఒలింపిక్స్‌ వేదికగా మరోసారి నిరూపించారీ అమ్మాయిలు. ఈ పరిస్థితుల్లో ఆటలో అద్భుత నైపుణ్యం ఉన్నా ప్రోత్సాహం లేకపోవడంతో ప్రపంచ వేదికలపై మెరవాల్సిన ఓ యువ క్రీడా కుసుమం రోడ్డున పడింది. పొట్టకూటి కోసం పార్కింగ్‌ టికెట్లు విక్రయిస్తోంది. ఇంతకీ ఎవరామె? ఎందుకీ దీన పరిస్థితి దాపురించిందో తెలుసుకుందాం రండి..

తండ్రి జబ్బు పడడంతో...

రితు... చండీగఢ్‌కు చెందిన ఈ యువ బాక్సర్‌ మూడేళ్ల క్రితం వరకు బాక్సింగ్‌ రింగ్‌లోనే ఎక్కువగా కనిపించేది. అంతకుముందు జాతీయ, రాష్ట్రస్థాయి పోటీల్లో పాల్గొని పలు పతకాలు కూడా సాధించింది. ప్రొఫెషనల్‌ బాక్సర్‌గా ఎదగాలని ఎన్నో కలలు కూడా కంది. అయితే అదే సమయంలో రితు తండ్రి రామ్‌ అవతార్‌ జబ్బుతో మంచాన పడ్డాడు. దీంతో పాటు ఆమె ఆశయం కూడా మూలన పడింది. అప్పటిదాకా పతకాలు సాధిస్తే ఆమెను ప్రశంసించిన ప్రభుత్వాలు, సాయం కోసం చేతులు చాపితే మాత్రం పట్టించుకోలేదు. ఎక్కడ డబ్బులు అడుగుతుందోనని సొంత మనుషులు కూడా దూరమయ్యారు.

పదేళ్ల వయసు నుంచే!

పదేళ్ల వయసులోనే బాక్సింగ్‌పై ఆసక్తి పెంచుకుంది రితు. ఆ తర్వాత స్కూల్‌ పీఈటీ సహకారంతో మరింత రాటుదేలింది. ఈ క్రమంలోనే 2016లో చండీగఢ్‌ యూటీ అడ్మినిస్ట్రేషన్‌ ఆధ్వర్యంలో జరిగిన ఇంటర్‌ స్కూల్‌ కాంపిటీషన్‌లో బంగారు పతకం గెల్చుకుంది. ఆ వెనువెంటనే ఓపెన్‌ ఇంటర్‌ స్కూల్‌ టోర్నమెంట్‌లో వెండి పతకం సాధించింది. ఇక అదే ఏడాది తెలంగాణలో జరిగిన నేషనల్‌ స్కూల్‌ గేమ్స్లో కాంస్య పతకాన్ని కూడా ముద్దాడింది. ఇదే టోర్నీలో వాలీబాల్‌, కుస్తీ పోటీల్లోనూ రితు పాల్గొనడం విశేషం.

అందుకే బాక్సింగ్‌ను వదిలేశాను!

‘నాకు చిన్నప్పటి నుంచి బాక్సింగ్‌, వాలీబాల్‌, కుస్తీ పోటీలంటే ఎంతో ఇష్టం. అయితే మా స్కూల్‌ పీఈటీ సలహాతో బాక్సింగ్ పైనే పూర్తి దృష్టి సారించాను. నేను బాక్సింగ్‌ రింగ్‌లోకి ప్రవేశించినప్పుడు కుటుంబమంతా నాకు తోడుగా నిలిచింది. వారి సహకారంతోనే స్కూల్‌ నేషనల్స్‌ స్థాయి వరకు వెళ్లగలిగాను. అయితే 2017లో నాన్న జబ్బు పడ్డాడు. ఆయన కష్టపడి రిక్షా తొక్కితే కానీ మాకు మూడు పూటలా తిండి దొరికేది కాదు. అలాంటిది ఆయన పూర్తిగా మంచానికే పరిమితం కావడంతో నా చదువుతో పాటు బాక్సింగ్‌ను పక్కన పెట్టేయాల్సి వచ్చింది. స్పోర్ట్స్‌ కోటాలో ఏదైనా ఉద్యోగం దొరుకుతుందేమోనని ప్రయత్నించాను. ఆర్మీ, బిహార్‌ పోలీసు...చివరకు హోంగార్డు పోస్టు కోసం కూడా దరఖాస్తు చేశాను. అయినా ఫలితం లేదు.’

మళ్లీ రింగ్‌లోకి దిగాలని ఉంది!

‘బాక్సింగ్‌లో నేను రాణిస్తున్నప్పుడు కుటుంబమంతా నన్ను వెన్నుతట్టి ప్రోత్సహించింది. ఇప్పుడు నా కుటుంబ పరిస్థితి ఏం బాగోలేదు. నేను ఎన్నో పతకాలు సాధించినా ఎవరూ ఎలాంటి ప్రోత్సాహకాలు, స్కాలర్‌షిప్‌లు ఇవ్వలేదు. అనారోగ్యంతో ఉన్న నాన్నను బతికించుకోవడానికే.. ఇలా ఏడాది నుంచి పార్కింగ్‌ అటెండెంట్‌గా పని చేస్తున్నాను. రోజంతా కష్టపడితే 350 రూపాయలు వస్తున్నాయి. నా ముగ్గురు సోదరులు కూడా దినసరి కార్మికులుగా పని చేస్తున్నారు. ఇలా మేమంతా కష్టపడితేనే కానీ మా కుటుంబం కడుపు నిండదు. ఇప్పటికీ నాకు బాక్సింగ్‌ రింగ్‌లో దిగాలని, దేశం తరఫున పతకాలు సాధించాలని ఉంది. అందుకు ప్రభుత్వమే నాకు సహాయ సహకారాలు అందించాలి’ అని రితు ప్రార్థిస్తోంది.

బాక్సింగ్‌ రింగ్‌లో పంచ్‌లు కురిపించాల్సిన రితు రోడ్డుపై పార్కింగ్‌ టికెట్లు అమ్ముకోవాల్సి రావడం పలువురినీ కదిలిస్తోంది. సోషల్‌ మీడియాలో ఆమె ఫొటోలు వైరల్‌గా మారాయి.


1424753364806496262


మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

తరువాయి

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

తరువాయి

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

తరువాయి

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని