పిస్టల్ ఎక్కుపెట్టిన చేతులే చిప్స్‌ అమ్ముతున్నాయి! - para shooter dilraj kaur sells chips and biscuits to make ends meet
close
Updated : 27/06/2021 13:42 IST

పిస్టల్ ఎక్కుపెట్టిన చేతులే చిప్స్‌ అమ్ముతున్నాయి!

దిల్‌రాజ్‌ కౌర్‌... ఉత్తరాఖండ్‌కు చెందిన ఆమె ఒకప్పుడు పేరుమోసిన పారా షూటర్‌. ప్రపంచ టోర్నీల్లో ఎయిర్ పిస్టల్ ఎక్కుపెట్టి పదుల సంఖ్యలో పతకాలు గెలుచుకుంది. అద్భుత విజయాలతో అంతర్జాతీయ వేదికలపై మన మువ్వన్నెల జెండాను రెపరెపలాడించింది. ఇలా తన ప్రతిభతో దేశ ఖ్యాతిని ఇనుమడింపజేసిన ఈ క్రీడాకారిణి ప్రస్తుతం కటిక పేదరికంతో కొట్టుమిట్టాడుతోంది. పొట్టకూటి కోసం రోడ్డు పక్కన చిప్స్‌, బిస్కట్‌ ప్యాకెట్లు అమ్ముతోంది.

కడుపు నింపని పతకాలు!

28 పసిడి, 8 రజత, 3 కాంస్య పతకాలు.. భారతదేశం నుంచి ప్రపంచ టోర్నీల్లో పోటీపడ్డ అతి కొద్దిమంది పారా షూటర్లలో ఒకరిగా గుర్తింపు పొందిన దిల్‌రాజ్‌ కౌర్‌ సాధించిన పతకాల జాబితా ఇది. దేశ ఘనతకు గుర్తింపుగా నిలుస్తోన్న ఈ పతకాలు ఆమెకు కనీసం కడుపు నింపుకోవడానికి కూడా ఉపయోగపడడం లేదు. 2004లో పారా షూటింగ్‌ గేమ్స్‌లోకి అడుగుపెట్టిన దిల్‌రాజ్‌.. అంతర్జాతీయ వేదికలపై ఎన్నో అద్భుత విజయాలు సాధించింది. ఓ దశలో దేశంలోని అత్యుత్తమ ఎయిర్ పిస్టల్ షూటర్లలో ఒకరిగా పేరు తెచ్చుకుంది.

రోడ్డు పక్కన చిప్స్ అమ్ముతూ..!

ఎయిర్ పిస్టల్‌తో పతకాల కోసం పోటీ పడిన దిల్‌రాజ్‌.. ప్రస్తుతం పొట్టకూటి కోసం పడరాని పాట్లు పడుతోంది. 2015లో క్రొయేషియా వేదికగా జరిగిన వరల్డ్‌ గేమ్స్‌లో చివరిసారిగా భారత్‌ తరఫున పాల్గొన్న ఆమె ఆర్థిక ఇబ్బందులను డజన్ల కొద్దీ సాధించిన పతకాలు ఏ మాత్రం తీర్చలేకపోయాయి. ఉద్యోగం...ఆర్థిక సాయం అందించి ఆదుకోవాల్సిన ప్రభుత్వాలు కూడా మిన్నకుండిపోయాయి. ఫలితంగా పిస్టల్ పట్టుకున్న చేతితోనే చిప్స్‌, బిస్కట్‌ ప్యాకెట్లు అమ్మాల్సిన దీన స్థితి వచ్చింది. ప్రస్తుతం డెహ్రాడూన్‌లోని గాంధీ పార్కు సమీపంలో రోడ్డు పక్కన చిప్స్ అమ్ముతూ దిల్‌రాజ్‌ జీవనం సాగిస్తోంది.

అమ్మ పెన్షన్‌తో లోన్లు తీరుస్తున్నాం!

‘కిడ్నీ సంబంధిత సమస్యలతో బాధపడుతూ రెండేళ్ల క్రితం మా నాన్న చనిపోయారు. నా సోదరుడు కూడా ఇటీవల కన్ను మూశాడు. వారిద్దరినీ బతికించుకునేందుకు మేం ఎంతో ఖర్చుపెట్టాం. బ్యాంకు నుంచి లోన్లు కూడా తీసుకున్నాం. ప్రస్తుతం అమ్మకు వస్తున్న పెన్షన్‌ డబ్బులతో ఈ లోన్లు తీరుస్తున్నాం. దేశానికి పతకాలు తెచ్చిపెట్టినందుకు మా ఇంట్లో వెలుగు వస్తుందనుకున్నాను. కానీ అలాంటిదేమీ జరగలేదు. దేశానికి అవసరమున్నప్పుడు నేను ముందుకు వచ్చాను. విజయాలు సాధించినప్పుడు చప్పట్లు కొట్టి మరీ అభినందించారు. కానీ నాకు కష్టమొచ్చినప్పుడు సాయం చేయడానికి ఎవరూ ముందుకు రాలేదు. ప్రస్తుతం నేను, మా అమ్మతో కలిసి ఓ అద్దె గదిలో ఉంటున్నాను. ప్రతినెలా 20వ తేదీ తర్వాత చేతిలో చిల్లి గవ్వ ఉండడం లేదు. షూటింగ్‌లో నేను సాధించిన ఘనతలను దృష్టిలో ఉంచుకుని నా అర్హతకు తగ్గ ఉద్యోగమివ్వాలని ఎన్నోసార్లు దరఖాస్తు చేసుకున్నాను. కానీ ఫలితం లేకుండా పోయింది. అందుకే ఇలా రోడ్డు పక్కన చిప్స్‌, బిస్కట్‌ ప్యాకెట్లు అమ్ముకుంటున్నాం. దేశంలో చాలామంది క్రీడాకారుల పరిస్థితి ఇలాగే ఉంది. వారందరినీ ఆదుకునేందుకు ప్రభుత్వాలు చర్యలు తీసుకోవాలి’ అని కన్నీళ్లతో వేడుకుంటోందీ మాజీ షూటర్.

చిప్స్‌, బిస్కట్‌ ప్యాకెట్లు విక్రయిస్తోన్న దిల్‌రాజ్‌ ఫొటోలు ప్రస్తుతం సోషల్ మీడియాలో వైరల్‌గా మారాయి. చాలామంది నెటిజన్లు ఆమెను ఆదుకోవాలంటూ కేంద్ర క్రీడల శాఖ మంత్రి కిరణ్‌ రిజిజు, ప్రధాని నరేంద్రమోదీ, సోనూసూద్‌, ఆనంద్‌ మహీంద్రా.. లాంటి ప్రముఖులను ట్యాగ్‌ చేస్తూ పోస్ట్‌లు షేర్‌ చేస్తున్నారు.


మరిన్ని

వీటితో పిల్లలకు పాలివ్వడం ఎంతో సులువు!

పసి పిల్లలకు ఆరు నెలలు అంతకుమించి ఏడాది వరకు తల్లిపాలు పట్టడం తప్పనిసరి అంటూ నిపుణులు చెప్పడం మనకు తెలిసిందే. అయితే ఇటు కుటుంబంతో పాటు అటు వృత్తి ఉద్యోగాలకూ సమప్రాధాన్యమిచ్చే అమ్మలున్న ఈ రోజుల్లో ఏడాది వరకు బిడ్డకు తానే నేరుగా పాలివ్వడం అంటే అది కాస్త కష్టమనే చెప్పుకోవాలి. అలాగని బిడ్డలను అలా వదిలేసి తల్లులూ తమ వృత్తిపై దృష్టి పెట్టలేరు. అందుకే అటు నేటి తల్లుల బ్రెస్ట్‌ఫీడింగ్ పనిని సులభతరం చేస్తూ, ఇటు పిల్లలకు తల్లిపాలు అందుబాటులో ఉండేలా చేసేందుకు వివిధ రకాల బ్రెస్ట్‌ఫీడింగ్ గ్యాడ్జెట్లు ప్రస్తుతం మార్కెట్లోకొచ్చేశాయి.

తరువాయి

సైజ్‌ జీరో కాదు.. ఆరోగ్యం ముఖ్యం!

‘మనసులో కలిగే ఆలోచనల్నే శరీరం ప్రతిబింబిస్తుంది..’ అంటోంది ఫిట్‌నెస్‌ ఫ్రీక్‌ అంకితా కొన్వర్‌. సైజ్‌ జీరో గురించి ఆలోచిస్తూ బాధపడితే మరింత బరువు పెరుగుతామని, అదే ఆరోగ్యంపై దృష్టి పెడితే శరీరం, మనసు రెండూ మన అధీనంలో ఉంటాయని చెబుతోంది. ఆరోగ్యం, ఫిట్‌నెస్‌పై ఎక్కువ శ్రద్ధ పెడుతూ.. ఆ చిట్కాల్ని సోషల్‌ మీడియాలో పంచుకుంటూ అందరిలో స్ఫూర్తి నింపే ఈ మిసెస్‌ సోమన్‌.. తాజాగా బాడీ పాజిటివిటీ గురించి ఇన్‌స్టాలో మరో స్ఫూర్తిదాయక పోస్ట్‌ పెట్టింది. సైజ్‌ జీరో కంటే ఆరోగ్యమే ముఖ్యమంటూ ఆమె షేర్‌ చేసిన పోస్ట్‌ ప్రస్తుతం సామాజిక మాధ్యమాల్లో వైరల్‌గా మారింది.

తరువాయి

ఆఫీసులో కోపం కట్టలు తెంచుకుంటోందా? ఇలా చేసి చూడండి..!

ఉద్యోగినులకు ఇటు ఇంటి పనులు, అటు ఆఫీస్‌ ఒత్తిళ్లు సర్వసాధారణమే అయినా.. కొంతమంది వీటిని అదుపు చేసుకోలేక ఒక్కోసారి పని ప్రదేశంలోనే ఎదుటివారిపై విరుచుకుపడుతుంటారు. దీన్నే ‘వర్క్‌ప్లేస్‌ బర్నవుట్’గా పేర్కొంటున్నారు నిపుణులు. నిజానికి ఇలాంటి దీర్ఘకాలిక ఒత్తిడి ఆరోగ్యానికే కాదు.. కెరీర్ పైనా ప్రతికూల ప్రభావం చూపే అవకాశాలు ఎక్కువగానే ఉన్నాయంటున్నారు. అందుకే దీన్ని ఆదిలోనే గుర్తించి మేనేజ్‌ చేసుకోగలిగితే దీనివల్ల కెరీర్‌పై మచ్చ పడకుండా జాగ్రత్తపడచ్చంటున్నారు. మరి, అదెలాగో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

సూపర్‌ విమెన్

మరిన్ని