భుజంలోని నరాలు దెబ్బతిన్నాయి... కుస్తీ మర్చిపోవాలన్నారు! - paralysed 3 years ago sonam malik aims for olympic glory
close
Updated : 18/07/2021 15:06 IST
Facebook Share Twitter Share WhatsApp Share Telegram Share Link Share

భుజంలోని నరాలు దెబ్బతిన్నాయి... కుస్తీ మర్చిపోవాలన్నారు!

Photo: Twitter

కుస్తీ పోటీలంటే భారతదేశంలో అందరికీ గుర్తుకు వచ్చేది హరియాణాకు చెందిన ‘ఫోగట్‌ కుటుంబమే’. గీత, బబిత, వినేశ్‌, ప్రియాంక, రితూ.. ఇలా ఈ ఐదుగురు ఫోగల్‌ సిస్టర్స్‌తో పాటు ఆ రాష్ట్రం నుంచి మరికొంతమంది రెజ్ల్లర్లు కూడా ఉన్నారు. అయితే ఇదే రాష్ట్రానికి చెందిన ఓ యంగ్‌ రెజ్లర్‌ కొద్దిరోజుల క్రితం రియో ఒలింపిక్స్ కాంస్య పతక విజేత సాక్షి మలిక్‌ను ఓడించి సంచలనం సృష్టించింది. ఆ తర్వాత ఒలింపిక్స్‌ బెర్తు ఖరారు చేసుకుని అందరి దృష్టినీ ఆకర్షించింది. ఆమే 19 ఏళ్ల సోనమ్‌ మలిక్‌.

నేలపైనే శిక్షణ!

మరికొన్ని రోజుల్లో ప్రారంభం కానున్న ఒలింపిక్స్‌లో అదృష్టం పరీక్షించుకోనున్న నలుగురు మహిళా రెజ్లర్లలో సోనమ్‌ కూడా ఒకరు. 62 కిలోల విభాగంలో ఆమె పోటీ పడనుంది. ఈ నేపథ్యంలోనే అతిపిన్న వయసులో ఒలింపిక్స్‌లో పాల్గొంటున్న భారత మహిళా రెజ్లర్‌గా రికార్డు సృష్టించిందీ యంగ్‌ సెన్సేషన్‌. 2002 ఏప్రిల్‌ 15న సోనిపట్‌ జిల్లాలోని మదీనా గ్రామంలో పుట్టింది సోనమ్‌. తండ్రి రాజేందర్‌ మలిక్‌తో పాటు కుటుంబంలో చాలామందికి కుస్తీలో అనుభవం ఉండడంతో ఆమె కూడా అదే ఆటపై ఆసక్తి పెంచుకుంది. తండ్రి స్నేహితుడు అజ్మెర్‌ మాలిక్‌ గ్రామంలోనే రెజ్లింగ్‌ అకాడమీ ప్రారంభించడంతో అక్కడకు వెళ్లి రెజ్లింగ్‌లో ఓనమాలు నేర్చుకుంది. అయితే ఆ అకాడమీ మొదలైన రోజుల్లో మ్యాట్‌ ఉండేది కాదు. దీంతో నేలపైనే శిక్షణ పొందేది సోనమ్‌. వర్షాకాలంలో అయితే ఆ నేలంతా బురదమయంగా మారిపోయేది.  దీంతో రోడ్లమీద తన ప్రాక్టీస్‌ను కొనసాగించేదీ యువ రెజ్లర్‌.

ఆ పతకంతో ఆత్మవిశ్వాసం!

కోచ్‌తో పాటు కుటుంబ సభ్యుల ప్రోత్సాహం బలంగా ఉండడంతో రెజ్లింగ్‌లో రాటు దేలిపోయింది సోనమ్‌. ఈ క్రమంలోనే 2016 నేషనల్‌ గేమ్స్‌లో స్వర్ణ పతకం గెల్చుకుంది. ఇది తనలో ఎనలేని ఆత్మవిశ్వాసాన్ని తెచ్చిపెట్టిందంటోందామె. ఇక సోనమ్‌ సత్తా పూర్తిగా బయటపడిన సంవత్సరం 2017. ఆ ఏడాది నేషనల్‌ క్యాడెట్‌ రెజ్లింగ్‌ ఛాంపియన్‌షిప్‌లో రజత పతకం సాధించిన ఆమె.. ఆ తర్వాత జరిగిన వరల్డ్‌ స్కూల్‌ గేమ్స్‌లో గోల్డ్‌ మెడల్‌ గెల్చుకుంది. ఆపై ఆసియా క్యాడెట్‌ రెజ్లింగ్‌ ఛాంపియన్‌షిప్‌లో కాంస్య పతకం, వరల్డ్‌ క్యాడెట్‌ రెజ్లింగ్‌ ఛాంపియన్‌షిప్‌ పోటీల్లో స్వర్ణ పతకాలు సొంతం చేసుకుంది. దీంతో కుస్తీ పోటీల్లో సోనమ్‌ పేరు మార్మోగిపోయింది.

కుస్తీని మర్చిపోవాలన్నారు!

ఇక అంతా బాగుందనుకున్న సమయంలో సోనమ్‌కు అయిన ఒక గాయం ఆమె కెరీర్‌ను కుదిపేసే పరిస్థితికి తీసుకొచ్చింది. 2017లో ఓ టోర్నీలో పోటీ పడుతున్న సమయంలో ఆమె తీవ్రంగా గాయపడింది. కుడిభుజంలో నరాలు దెబ్బతిని మొత్తం చేయి పనిచేయకుండా పోయేంత పరిస్థితి ఏర్పడింది. డాక్టర్లు కూడా ఇక ఆమె రెజ్లింగ్‌ను మర్చిపోవాల్సిందేనని తేల్చి చెప్పారు. దీంతో సుమారు ఒకటిన్నర సంవత్సరం పాటు ఆటకు దూరంగా ఉండిపోయిందీ యువ రెజ్లర్‌. ఆ సమయంలో తండ్రి, కోచ్‌లు ఆమెకు అండగా నిలిచారు. ధైర్యం చెప్పారు. వారి సహకారంతోనే మళ్లీ మ్యాట్‌పైకి బలంగా దూసుకొచ్చింది సోనమ్‌. 2018లో ఆసియా, వరల్డ్‌ క్యాడెట్‌ ఛాంపియన్‌షిప్‌లలో కాంస్య పతకాలు గెల్చుకుంది. ఆ మరుసటి ఏడాదే వరల్డ్‌ క్యాడెట్‌ ఛాంపియన్‌షిప్‌లో మరోసారి స్వర్ణంతో మెరిసింది. ఇక 2020లో రియో ఒలింపిక్స్ కాంస్య పతక విజేత సాక్షి మలిక్‌ను వరుసగా రెండుసార్లు ఓడించి అందరి దృష్టిని ఆకర్షించిందీ రెజ్లింగ్‌ క్వీన్‌.

ఆరోజు ఎవరినైనా ఓడిస్తాను!

ఒలింపిక్స్ బెర్తే లక్ష్యంగా ఆసియా ఒలింపిక్స్‌ క్వాలిఫయర్స్‌ పోటీల్లో బరిలోకి దిగింది సోనమ్‌. కజకిస్థాన్‌ వేదికగా జరిగిన ఈ పోటీల్లో 62 కిలోల విభాగంలో ఫైనల్‌ చేరి టోక్యో బెర్తును ఖాయం చేసుకుంది. ‘ఒలింపిక్స్‌లో పోటీ ఎక్కువగానే ఉంటుంది. నేను ఫేవరెట్‌ కాదని కూడా నాకు తెలుసు. అయితే నాదైన రోజు ఎవరినైనా ఓడిస్తాను’ అని ఆత్మవిశ్వాసం వ్యక్తం చేస్తోందీ యువ రెజ్లర్‌.


మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

ఆరోగ్యమస్తు

మరిన్ని

అనుబంధం

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని