ఈ రాధమ్మ... ఆడపిల్లల పాలిట ఆపద్భాందవి! - she canceled her child marriage and now creating awareness on early marriage effects
close
Published : 17/09/2021 17:42 IST

ఈ రాధమ్మ... ఆడపిల్లల పాలిట ఆపద్భాందవి!

(Photo: Twitter)

తనదింకా పుస్తకాలు పట్టుకునే వయసు. కానీ అప్పుడే పుస్తెల తాడు వేయాలనుకున్నారు. అయితే బాల్య వివాహాల కారణంగా తన తల్లి, అక్కలు పడిన బాధను ప్రత్యక్షంగా చూసి ‘నేను కూడా ఆ నరకంలోకి అడుగుపెట్టాలా?’ అని ధైర్యంగా ఎదురు తిరిగింది. ఓ స్వచ్ఛంద సంస్థ సహకారంతో మెడలో మూడు ‘ముళ్లు’ పడకుండా అడ్డుకుంది. ఇప్పుడు మళ్లీ పుస్తకాల బ్యాగు తీసుకుని పాఠశాలకెళుతోంది. ఆమే జార్ఖండ్‌లోని మధుబన్‌ పంచాయతీకి చెందిన 16 ఏళ్ల రాధా పాండే.

జిల్లా బ్రాండ్‌ అంబాసిడర్‌గా!

చిన్న వయసులో పెళ్లి చేయాలనుకున్న తల్లిదండ్రుల నిర్ణయాన్ని గట్టిగా వ్యతిరేకించి గెలిచిన రాధ ధైర్యసాహసాలను అధికారులు మెచ్చుకున్నారు. ఆమెను ఘనంగా సత్కరించారు. అదేవిధంగా బాల్యవివాహాలను నిర్మూలించేందుకు కోడెర్మా జిల్లా బ్రాండ్‌ అంబాసిడర్‌గా రాధను నియమించారు. తనకిచ్చిన బాధ్యతలను సమర్థంగా నిర్వర్తిస్తోన్న ఈ టీనేజ్‌ గర్ల్‌.. బాల్య వివాహాల వల్ల కలిగే అనర్థాలపై తల్లిదండ్రులకు అవగాహన కల్పిస్తోంది. అదేవిధంగా ఎక్కడైనా ఇలాంటి వివాహాలు జరుగుతున్నట్లు సమాచారం అందితే వెంటనే అక్కడ ప్రత్యక్షమై వాటిని ఆపేస్తోంది. అలా ఇప్పటివరకు 20కి పైగా బాల్య వివాహాలను అడ్డుకుందీ డేరింగ్‌ గర్ల్.

అలా నా పెళ్లిని ఆపాను!

‘ఉన్నత చదువులు అభ్యసించి టీచర్‌ కావాలన్నది నా కోరిక. కానీ మా నాన్న నాకు పెళ్లి చేసి అత్తారింటికి పంపించాలనుకున్నాడు. పక్క గ్రామానికి చెందిన 23 ఏళ్ల అబ్బాయితో పెళ్లి ముహూర్తం కూడా ఫిక్స్‌ చేశాడు. ‘నాకిప్పుడే పెళ్లి వద్దు. నేను బాగా చదువుకోవాలి’ అని వేడుకున్నా ఎవరూ వినలేదు. చివరకు పెళ్లి చేసుకోబోయే వరుడి తండ్రితో కూడా మాట్లాడాను. వారూ నా మాటలను పెడచెవిన పెట్టారు. దీంతో చివరి ప్రయత్నంగా కైలాస్‌ సత్యార్థి చిల్డ్రన్‌ ఫౌండేషన్ (KSCF)కు సమాచారమిచ్చాను. వారి సిబ్బంది వెంటనే మా ఇంటికి వచ్చారు. ‘బాల్య వివాహాలు చట్టరీత్యా నేరం. మా మాట కాదని మీరు ముందుకు వెళితే మాత్రం పోలీస్‌ స్టేషన్లో కూర్చోవాల్సి ఉంటుంది’ అని అమ్మానాన్నలతో పాటు వరుడి తల్లిదండ్రులకు కూడా కౌన్సెలింగ్‌ ఇచ్చారు. దీంతో నా పెళ్లి ఆగిపోయింది’ అని చెప్పుకొచ్చిందీ టీనేజ్‌ గర్ల్.

కఠిన పరిస్థితులకు ఎదురు నిలిచి మరీ తన పెళ్లి జరగకుండా చేసింది రాధ . ఈ విషయం తెలుసుకున్న జిల్లా డిప్యూటీ కమిషనర్‌ ఆమె ఇంటికి వచ్చారు. తన ధైర్యసాహసాలను మెచ్చుకుని ఘనంగా సన్మానించారు. అదేవిధంగా ‘ముఖ్యమంత్రి సుకన్య స్కీం’ పథకం కింద నెలకు 2 వేల రూపాయలు ఆ అమ్మాయికి అందేలా చేశారు. ఇక తల్లిదండ్రులకు రేషన్‌ కార్డు, వైద్యం కోసం గోల్డెన్‌ కార్డు, నెలవారీ పెన్షన్‌లు మంజూరు చేశారు. వీటితో పాటు జిల్లాలో బాల్య వివాహాలకు అడ్డుకట్ట వేయాలని మహిళా శిశు సంక్షేమ అధికారులకు సూచించారు. ఇందుకు రాధను జిల్లా బ్రాండ్ అంబాసిడర్‌గా నియమించారు.

బాల్యవివాహాలను అడ్డుకుంటూ!

KSCF సిబ్బంది, అధికారులతో కలిసి బాల్య వివాహాల అనర్థాలపై విస్తృతంగా అవగాహన కల్పిస్తోందీ టీనేజ్‌ గర్ల్‌. ఇక ఎక్కడైనా ఇలాంటి వివాహాలు జరిగినట్లు తెలిసినా అధికారులతో కలిసి అక్కడకు వెళుతోంది. తల్లిదండ్రులకు కౌన్సెలింగ్ ఇస్తోంది. అలా ఇప్పటివరకు జిల్లాలో 20కి పైగా బాల్య వివాహాలను అడ్డుకుని ఆడపిల్లల పాలిట ఆపద్భాందవిగా నిలుస్తోంది.

‘మాది సంప్రదాయ కుటుంబం. కట్టుబాట్లు, ఆచారాలంటూ మా అమ్మ, అక్కకు కూడా చిన్న వయసులోనే పెళ్లి చేసేశారు. ఫలితంగా వారు ఎదుర్కొన్న ఇబ్బందులను నేను ప్రత్యక్షంగా గమనించాను. మరి తెలిసి..తెలిసి నేనెలా ఆ నరకంలోకి అడుగుపెట్టాలి? ఇక్కడ నాలాంటి ఎందరో చదువుకుంటున్న అమ్మాయిలు తల్లిదండ్రుల ఒత్తిడికి తలొగ్గి పెళ్లి చేసుకుంటున్నారు. తమ బంగారు భవిష్యత్‌ను ప్రశ్నార్థకం చేసుకుంటున్నారు. అందుకే నా భవిష్యత్‌ను నిర్ణయించే అధికారం నా కుటుంబానికి ఇవ్వకూడదనుకున్నాను. కాలం మారుతున్నట్లే తల్లిదండ్రులు కూడా తమ ఆలోచనలను మార్చుకోవాలి. తమ ఆడబిడ్డలను చదువుకోనివ్వాలి. వారి కలలు నెరవేర్చుకునేందుకు తోడ్పాటునివ్వాలి’ అని అంటోందీ డేరింగ్ గర్ల్.

ఇక తన లక్ష్యం గురించి అడిగితే ‘ఉత్తరప్రదేశ్‌లోని బెనారస్‌ హిందూ యూనివర్సిటీలో చదవాలన్నది నా కోరిక. టీచర్‌గా స్థిరపడాలనుకుంటున్నాను’ అని చెప్పుకొచ్చింది రాధ.



మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

తరువాయి

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

తరువాయి

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

తరువాయి

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని