శ్రావణం.. జాగ్రత్తగా ఉంటేనే శుభప్రదం! - significance of sravanamasam in telugu
close
Published : 09/08/2021 15:52 IST

శ్రావణం.. జాగ్రత్తగా ఉంటేనే శుభప్రదం!

పచ్చ తోరణాలు, నిత్య పూజలు, అతివల సంప్రదాయ కట్టూబొట్టు, పండగలు, పర్వదినాలు, పెళ్లిళ్లు, పేరంటాలు.. వంటివన్నింటికీ ఆలవాలం 'శ్రావణ మాసం'. ఈ నెలలో మహిళలకు ప్రతిరోజూ పండగే. ఇక మహిళలెంతో భక్తిశ్రద్ధలతో, నిష్ఠగా చేసే 'వరలక్ష్మీ వ్రతం', 'మంగళగౌరీ వ్రతం'.. మరింత ప్రత్యేకం. అయితే ఈ డిజిటల్‌ యుగంలో మహిళలు ఎంత తీరిక లేకుండా ఉన్నప్పటికీ.. శ్రావణంలో ఆచరించే పూజా పునస్కారాలకు మాత్రం ఎలాంటి లోటూ లేకుండా కొనసాగిస్తున్నారు. మరి, ఇంతటి వైశిష్ట్యం కలిగిన ఈ మాసం ప్రాముఖ్యం గురించి మరిన్ని విషయాలు తెలుసుకుందాం రండి...

పవిత్రమాసం

భారతదేశం సంస్కృతీ సంప్రదాయాలకు పెట్టింది పేరు. అందులోనూ హిందూ క్యాలండర్ ప్రకారం వచ్చే ఐదో మాసమైన శ్రావణం అంటే తెలుగువారికి.. అందులోనూ మహిళలకైతే మరింత ప్రియం. అందుకే మహిళలంతా ఈ మాసాన్ని అత్యంత పవిత్రంగా భావించి ఇటు ఇంట్లోనూ, అటు దేవాలయాల్లోనూ నిత్య పూజలు నిర్వహిస్తుంటారు. అంతేకాదు.. నిష్ఠగా భావించి ఉపవాస దీక్ష చేస్తారు. వారి కుటుంబం అష్త్టెశ్వర్యాలతో, ఆయురారోగ్యాలతో తులతూగాలని అతివలు ఈ మాసంలో ప్రతి శుక్రవారం ప్రత్యేక పూజలు చేస్తారు. శ్రావణంలో లక్ష్మీదేవిని మనసారా పూజిస్తే సకల సిరి సంపదలు చేకూరతాయని వారి నమ్మకం.

ప్రతిరోజూ ప్రత్యేకమే!

మహిళలు అత్యంత పవిత్రంగా, ప్రత్యేకంగా భావించే శ్రావణమాసంలో ప్రతిరోజుకూ ఓ ప్రత్యేకత ఉంది. సాక్షాత్తూ శ్రీ మహావిష్ణువే శ్రవణా నక్షత్రంలో జన్మించాడని పురాణాలు చెబుతున్నాయి. మాఘమాసంలో ఆదివారాలు, కార్తీకమాసంలో సోమవారాలు, మార్గశిర మాసంలో గురువారాలకు ఎంతటి ప్రాధాన్యం ఉంటుందో.. అదేవిధంగా శ్రావణమాసంలో అమ్మవారికి ప్రియమైన మంగళ, శుక్రవారాలతో పాటు మిగిలిన రోజులని కూడా పవిత్రంగానే భావిస్తుంటారు తెలుగు పడుచులు.

పూజలు-వ్రతాలు

శ్రావణమాసంలో మహిళలు నిత్యపూజలతో పాటు మంగళవారం 'మంగళగౌరీ వ్రతం', శుక్రవారం 'వరలక్ష్మీ వ్రతం'.. వంటివి ఆచరిస్తుంటారు. 'మంగళగౌరీ వ్రతం'లో భాగంగా మంగళవారం నాడు పసుపు ముద్దను తయారుచేసి, కుంకుమ, పూలు అద్ది అక్షతలతో పూజలు చేస్తారు. ఇక శ్రావణం మొదలైన రెండో శుక్రవారం నాడు 'వరలక్ష్మీ వ్రతం' నిర్వహిస్తారు. ముఖ్యంగా కొత్త పెళ్లికూతుళ్లతో ఈ వ్రతాన్ని తప్పనిసరిగా చేయిస్తారు. ముత్త్తెదువుల్ని ఇంటికి పిలిచి పూజలు చేసి, వాయనాలిచ్చి వారి ఆశీస్సులు పొందుతారు. శ్రావణంలో మహిళలు అత్యంత పవిత్రంగా భావించే మరో పర్వదినం 'నాగ పంచమి'. ఈ శ్రావణం మొదలైన ఐదో రోజున వచ్చే ఈ పండగ రోజున స్త్రీలంతా పాలు, పూలు, నైవేద్యాలతో నాగేంద్రుడికి ప్రత్యేక పూజలు నిర్వహిస్తారు.

పండగలెన్నో!

శ్రావణమాసంలో మహిళలకు ప్రీతిపాత్రమైన పర్వదినాలే కాదు.. ఎన్నో పండగలు కూడా జరుపుకొంటాం. శ్రావణంలో వచ్చే పౌర్ణమి రోజును 'రాఖీ పౌర్ణమి'గా పిలుస్తారు. అన్నాచెల్లెళ్ల, అక్కాతమ్ముళ్ల అనురాగ బంధానికి ప్రతీకగా ఈ పండగను జరుపుకొంటారు. ఈ రోజున స్త్రీలు తమ సోదరులకు రాఖీ కట్టి, ఎల్లవేళలా తమకు అండగా ఉండాలని కోరుకుంటారు. సోదరులకు తీపి తినిపించి, వారు ప్రేమతో ఇచ్చే కానుకలను పుచ్చుకుంటూ.. వారి ఆశీస్సులు తీసుకుంటారు. ఇక ఈ మాసంలో వచ్చే మరో పండగ 'శ్రీకృష్ణ జన్మాష్టమి'. శ్రావణం చివరిలో వచ్చే ఈ పండగను చిన్నా, పెద్దా తేడా లేకుండా దేశవ్యాప్తంగా కోలాహలంగా నిర్వహిస్తారు. సాయంత్రం వేళల్లో ఉట్టికొట్టి సంబరాలు చేసుకుంటారు.

అయితే ఇంకా కరోనా పూర్తిగా పోలేదు. ఈ క్రమంలో- నోములు, వ్రతాలు చేసుకునేటప్పుడు అవసరమైన అన్ని జాగ్రత్తలు తీసుకోవడం మర్చిపోవద్దు. ఎప్పటిలా అందరినీ పిలిచి పేరంటాలు చేసి, వాయనాలు ఇవ్వలేకపోయినా- ఎవరింట్లో వాళ్ళుండి భక్తి శ్రద్ధలతో ఆ అమ్మ వారిని మనసారా కొలుచుకోవడం మాత్రం మానకూడదు... ఏమంటారు?


Advertisement


మరిన్ని

ఇంట్లో పదే పదే తాకే వాటిని ఇలా శుభ్రం చేయాల్సిందే!

ప్రస్తుత ప్రతికూల పరిస్థితుల్లో రోజూ మనం ఇంట్లో ఉన్నా, బయటికి వెళ్లొచ్చినా వ్యక్తిగత శుభ్రత పాటించడం, మనతో పాటు తెచ్చిన వస్తువుల్ని శానిటైజ్‌ చేయడం.. వంటివి కచ్చితంగా పాటిస్తున్నాం.. మరి, మనం ఇంట్లో పదే పదే తాకే వస్తువుల సంగతేంటి? మనం బయటికెళ్లినా అవి ఇంట్లోనే ఉంటున్నాయి కదా.. అంటారా? అయినా సరే.. వాటిని రోజూ శుభ్రం చేయాల్సిందే అంటున్నారు నిపుణులు. తద్వారా వాటిపై చేరే వైరస్‌, బ్యాక్టీరియా, క్రిములు ఒకరి నుంచి మరొకరికి అంటుకోకుండా జాగ్రత్తపడచ్చు. ఇంతకీ మనం ఇంట్లో తరచూ తాకే ప్రదేశాలు, వస్తువులేంటి? వాటిని ఎలా శానిటైజ్‌ చేయాలి? రండి తెలుసుకుందాం..!

తరువాయి

అందుకే టవల్స్ విషయంలోనూ శుభ్రంగా ఉండాల్సిందే!

ఉదయం నిద్ర లేచింది మొదలు.. రాత్రి నిద్రపోయే వరకు రోజులో ఎన్నోసార్లు ముఖాన్ని, చేతుల్ని కడుక్కుంటూ ఉంటాం. ఇలా కడిగిన ప్రతిసారీ కచ్చితంగా టవల్‌తో తుడుచుకోవాల్సిందే. ఇలా మనకు తెలియకుండానే రోజులో చాలాసార్లు టవల్‌ను వాడుతూనే ఉంటాం. మరి, మీరు నిత్యం ఉపయోగించే ఈ టవళ్లు బ్యాక్టీరియాలకు మంచి ఆవాసాలనే విషయం మీకు తెలుసా? కరోనా విలయ తాండవం చేస్తున్న నేపథ్యంలో - ప్రతి రోజూ మీరు ఉపయోగించే టవల్ విషయంలో ఎంతవరకు జాగ్రత్త వహిస్తున్నారు? ఇంతకీ టవళ్లను ఎప్పటికప్పుడు శుభ్రం చేసుకోకపోతే కలిగే నష్టాలేంటి..? వీటిని అధిగమించడానికి ఎలాంటి జాగ్రత్తలు తీసుకోవాలి?.. రండి తెలుసుకుందాం..

తరువాయి

మాడ్యులర్ కిచెన్ ఎలా ఉండాలంటే..

కొత్త ట్రెండ్స్ కేవలం ఫ్యాషన్‌కు మాత్రమే పరిమితం అనుకుంటే పొరపాటే. మనం కొత్తగా సిద్ధమవ్వడమే కాదు.. మన ఇంటినీ కొంగొత్త ఇంటీరియర్స్‌తో సరికొత్తగా మార్చేయవచ్చు. అందులోనూ.. ప్రస్తుతం మహిళలందరూ మారుతున్న ట్రెండ్స్‌కు అనుగుణంగా తమ ఇంటిని ట్రెండీగా, స్త్టెలిష్‌గా తీర్చిదిద్దుకోవాలని భావిస్తున్నారు కూడా.. ఈ నేపథ్యంలో చాలామంది మాడ్యులర్ కిచెన్స్‌కు ఓటేస్తున్నారు. అయితే వీటి నిర్మాణ క్రమంలో కొన్ని ముఖ్యమైన అంశాలు దృష్టిలో పెట్టుకుంటేనే వంటగది సౌకర్యవంతంగా నిర్మించుకోవడానికి అవకాశం ఉంటుందంటున్నారు ఇంటీరియర్ నిపుణులు. మరి, ఆ అంశాలేంటో మనమూ తెలుసుకుందాం రండి..

తరువాయి

కరోనా వేళ నగల్ని కూడా ఇలా శానిటైజ్ చేయాల్సిందేనట!

కరోనా కేసులు క్రమంగా తగ్గుతున్నంత మాత్రాన వైరస్‌ పీడ విరగడైంది అనుకోవడానికి లేదు.. ఎందుకంటే ఈ మాయదారి మహమ్మారి ఎప్పుడెలా విరుచుకుపడుతుందో ఎవరికీ అంతు చిక్కట్లేదు. అందుకే కొవిడ్‌ తగ్గుముఖం పట్టినా, టీకా వేసుకున్నా కనీస జాగ్రత్తలు పాటించాల్సిందే అని నిపుణులు పదే పదే చెబుతున్నారు. ఇక బయటి నుంచి తెచ్చిన ప్రతి వస్తువునూ శానిటైజ్‌ చేయాల్సిందే అంటున్నారు. మనం రోజూ ధరించే వివిధ రకాల ఆభరణాలూ ఇందుకు మినహాయింపు కాదంటున్నారు. ఎందుకంటే కరోనా వైరస్‌ లోహాలపై మూడు గంటల నుంచి మూడు రోజుల దాకా జీవించి ఉంటుందని సెంటర్స్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ (సీడీసీ) సంస్థ చెబుతోంది. ఈ నేపథ్యంలో మనం రోజూ ధరించే ఆభరణాలను ఎలా శానిటైజ్‌ చేయాలో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


వర్క్‌ & లైఫ్

మరిన్ని

సూపర్‌ విమెన్

మరిన్ని