Miss Universe Singapore: ఈ అందాల రాశి గురించి మీకివి తెలుసా? - some facts you must know about miss universe singapore 2021 nandita banna in telugu
close
Published : 19/09/2021 18:19 IST

Miss Universe Singapore: ఈ అందాల రాశి గురించి మీకివి తెలుసా?

(Photo: Instagram)

అందాల కిరీటం అందుకోవాలంటే కేవలం బాహ్య సౌందర్యమే కాదు.. అంతః సౌందర్యమూ కీలకమే! అలాంటి అందమైన మనసుకే ఈ ఏటి ‘మిస్‌ యూనివర్స్‌ సింగపూర్‌’ టైటిల్‌ దక్కింది. ఆమే.. నందితా బన్నా. తను మన తెలుగమ్మాయి కావడం మరో విశేషం. ఈ అందాల పోటీల వేదికగా రేసిజం (జాత్యంహంకారం)పై గళమెత్తిన నందిత.. తెర వెనుక చిన్నారుల అభివృద్ధి/సంక్షేమమే ధ్యేయంగా ఓ స్వచ్ఛంద సంస్థతో కలిసి పనిచేస్తోంది. తుది పోటీల్లో ఏడుగురిని వెనక్కి నెట్టి మరీ అందాల కిరీటం చేజిక్కించుకున్న ఈ ముద్దుగుమ్మ గురించి కొన్ని ఆసక్తికర విశేషాలు తెలుసుకుందాం రండి..

* నందితా బన్నా.. 21 ఏళ్ల ఈ అందాల రాశి పుట్టిపెరిగిందంతా సింగపూర్‌లోనే! అయితే ఆమె అమ్మానాన్నలది ఆంధ్రప్రదేశ్‌లోని శ్రీకాకుళం. పాతికేళ్ల క్రితమే వాళ్లు సింగపూర్‌లో స్థిరపడ్డారు.

* పుట్టినప్పట్నుంచి సింగపూర్‌లోనే ఉంటోన్నా.. తన రక్తంలోనే తెలుగు మూలాలున్నాయంటోందీ సొగసరి. ఇందుకు ప్రతిగా తన ఇన్‌స్టా పేజీలో తన పేరుని ఇంగ్లిష్‌తో పాటు తెలుగులోనూ రాసుకుంది.

* ప్రస్తుతం సింగపూర్‌ మేనేజ్‌మెంట్‌ యూనివర్సిటీలో బిజినెస్‌ అనలిటిక్స్‌ కోర్సు చదువుతోన్న ఈ తెలుగమ్మాయికి.. ఎప్పుడూ ఏదో ఒక కొత్త నైపుణ్యం నేర్చుకోవడం అలవాటు. అలా ప్రస్తుతం కోడింగ్‌ నేర్చుకుంటున్నానంటోంది. వంట చేయడం, స్కేటింగ్‌ అంటే తనకు అమితమైన ఇష్టమట!

* ఓవైపు చదువుకుంటూనే మరోవైపు పార్ట్‌టైమ్‌ మోడల్‌గానూ కొనసాగుతోంది నందిత. ఈ క్రమంలోనే పలు ప్రకటనల్లోనూ భాగమైంది.

* డ్యాన్స్‌ అంటే తనకు విపరీతమైన మక్కువ అంటోందీ అందాల రాశి. ఈ క్రమంలోనే స్కూల్లో చదువుకునే రోజుల్లో విభిన్న డ్యాన్స్‌ కన్సర్ట్‌లలో పాల్గొని తన ప్రతిభను నిరూపించుకుంది నందిత.

* ఓవైపు చదువు కొనసాగిస్తూనే.. మరోవైపు ఉద్యోగం కూడా చేసింది నందిత. ‘The Pique Lab Learning Centre’లో పార్ట్‌టైమ్‌ డేటా అసిస్టెంట్‌గా, అక్కడి ఓ యూనివర్సిటీలోని ఎన్విరాన్‌మెంటల్‌ క్లబ్‌కి ఫుల్‌టైమ్‌ సెక్రటరీ జనరల్‌గానూ కొన్ని నెలల పాటు విధులు నిర్వర్తించింది.

* సేవలోనూ తానెప్పుడూ ముందే ఉంటానంటోందీ బ్యూటీ. ప్రస్తుతం ‘Care Corner Singapore’ అనే స్వచ్ఛంద సంస్థతో కలిసి పనిచేస్తోన్న నందిత.. ఈ క్రమంలో ప్రాథమిక తరగతుల విద్యార్థులకు మెంటార్‌గా వ్యవహరిస్తూ.. వారి అభివృద్ధికి దోహదం చేసే పలు నైపుణ్యాలు నేర్పుతోంది.

* అందాల పోటీలపై మక్కువతో ఈ ఏటి ‘మిస్‌ యూనివర్స్‌ సింగపూర్‌’ కంటెస్ట్‌లో పాల్గొని తుది పోటీలకు అర్హత సాధించింది. తొలిసారిగా వర్చువల్‌గా నిర్వహించిన ఈ ఈవెంట్‌లో.. తుది పోరులో భాగంగా ఏడుగురితో పోటీ పడిన ఆమె.. అందరినీ వెనక్కి నెట్టి టైటిల్‌ను చేజిక్కించుకుంది. ఈ వేదికగా సింగపూర్‌లో వేళ్లూనుకుపోయిన రేసిజం (జాత్యహంకార ధోరణి)పై తన స్పందనను వినిపించింది.

* డిసెంబర్‌ 2020-జనవరి 2021 వోగ్‌ సింగపూర్‌ ఎడిషన్‌ కవర్‌ పేజీ పైనా దర్శనమిచ్చింది నందిత.

ఇలా తన అందం, ఆత్మసౌందర్యంతో ఈ ఏటి ‘మిస్‌ యూనివర్స్‌ సింగపూర్‌’గా నిలిచిన నందిత.. డిసెంబర్‌లో జరగబోయే ‘మిస్‌ యూనివర్స్‌’ పోటీల్లో తన దేశం తరఫున పాల్గొనబోతోంది. మరి, అక్కడా టైటిల్‌ నెగ్గి అటు తన దేశానికి, ఇటు తెలుగు వారికీ మరోసారి పేరు తీసుకురావాలని మనస్ఫూర్తిగా కోరుకుందాం..!

ఆల్‌ ది బెస్ట్‌ నందిత!



మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

తరువాయి

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

తరువాయి

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

తరువాయి

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని