ఆదివారం అచ్చంగా.. మన కోసం.. ఇలా గడిపేద్దాం! - spend sunday for your sake in telugu
close
Published : 26/06/2021 06:33 IST

ఆదివారం అచ్చంగా.. మన కోసం.. ఇలా గడిపేద్దాం!

ఉద్యోగం చేసే మహిళలం ఆదివారం వచ్చిందంటే వీకెండ్ పార్టీలకు వెళ్లాలనో, రోజంతా విశ్రాంతి తీసుకోవాలనో అనుకుంటాం. కానీ వారంనుంచీ పేరుకుపోయిన బట్టలు వెక్కిరిస్తూ కనిపిస్తాయి. ప్రతి ఆదివారం ఇల్లు క్లీన్ చేయాలనుకున్నా చేయకుండా వాయిదా వేస్తూ వస్తున్న కారణంగా ఇంట్లో పేరుకున్న బూజు, చిందవందరగా మారిన గూళ్లు, అస్తవ్యస్తమైన వంటిల్లు.. ఇన్నిటి మధ్య ఎవరైనా 'హ్యాపీ వీకెండ్' అని విష్‌చేస్తే.. కాస్త నవ్వు, మరి కాస్త విరక్తీ ముంచుకొస్తాయి కదూ.! 

నిజమే మరి.. వారమంతా ఉద్యోగానికి వెళ్లే హడావుడిలో చేయలేకపోయిన పనులన్నీ వారాంతంలో ఓపిక లేకున్నా చెయ్యాల్సి వస్తుంది. ఈ పరిస్థితికి ఇక నుంచైనా చెక్ పెడదాం. మరి ఆదివారం, మనకోసమే కేటాయించుకోవాలంటే ఏం చెయ్యాలో.. ఎలా గడపాలో తెలుసుకుందామా..!

ప్రేమను మాత్రమే కాదు.. పని కూడా పంచాలి..!

భార్యాభర్తలిద్దరూ ఉద్యోగస్తులైనప్పుడు ఇంట్లో ఎవరికి వీలున్న పని వారు చేయడం కొత్తేమీకాదు. కానీ అవతలి వారికి అప్పగించిన పని పర్ఫెక్టుగా లేదనో, ఆలస్యమవుతోందనో మనమే చేసేయడం మనలో చాలామంది చేసే పొరపాటే.. ఇకపై అలా చేయకండి. పెరిగిన వాతావరణం వల్లనో వ్యక్తిగత కారణాల వల్లనో కొంతమంది మగవారు ఇంటి పనులను చేయడంలో చొరవ చూపించలేరు. అలాంటప్పుడు వారికి కాస్త సమయం ఇవ్వండి. ఆలస్యంగా అయినా వారికి కేటాయించిన పనులు వారినే చేయనివ్వండి. స్కూలుకు వెళ్లే పిల్లలకూ ఇది వర్తిస్తుంది. ఇంటి పనులన్నీ ఒక్కరే చూసుకోడం వల్ల మీకు కలిగే ఒత్తిడి గురించి కుటుంబ సభ్యులకు చెప్పండి. ఏరోజు చేయాల్సిన పనులు ఆరోజు పూర్తయితే వారాంతంలో ఎలా సరదాగా గడపవచ్చో వివరించండి. అందరూ కలిసి ఇంటిపనులు చేయడం వల్ల కుటుంబ సభ్యుల మధ్య సంబంధాలు మెరుగుపడతాయి. పిల్లలు ఎటువంటి వాతావరణంలో అయినా సులభంగా సర్దుకుపోవడం నేర్చుకుంటారు. క్రమశిక్షణ అలవడుతుంది.

ఆదివారం ఎందుకు ముఖ్యమంటే...

ఆదివారం ఆనందంగా గడపడం వల్ల వారమంతా ఉత్సాహంగా పని చేయగలుగుతాం. పని ఒత్తిడిని క్రమంగా అధిగమించడమే కాకుండా పని సామర్థ్యం కూడా పెరుగుతుంది. తగినంత విశ్రాంతినివ్వడం వల్ల మెదడు పనితీరు మెరుగుపడుతుంది. అలాగే ఏవిషయంలో అయినా సరే పాజిటివ్‌గా ఆలోచించ గలుగుతాం . దీనివల్ల మానవ సంబంధాలు బలపడతాయి. అన్నిటికీ మించి మానసిక ఒత్తిడి వల్ల కలిగే అనేక ఆరోగ్య సమస్యలను దూరం చేసుకోగలుగుతాం. జీవితంలో మెరుగైన నిర్ణయాలు తీసుకోగలుగుతాం.

హాయిగా నిద్రపోండి !

కావల్సినంత సేపు నిద్రపోండి..కానీ పగలు నిద్రపోవడం వల్ల రాత్రిళ్లు నిద్రపట్టని వారైతే మాత్రం ఆదివారం పగలంతా పడుకునే ఆలోచనని కాస్త వాయిదా వేసుకోవాలి. ఎందుకంటే ఆదివారం పగలు నిద్ర పోవడం వల్ల ఆరోజు రాత్రి మేల్కోవాల్సి వస్తుంది. తెల్లవారి ఆఫీసులో ఆ నిద్రలేమి మీ పనితీరుపై ప్రభావం చూపుతుంది. కాబట్టి పగలంతా సరదాగా గడిపి, రాత్రి నిద్రకు వీలైనంత త్వరగా ఉపక్రమిస్తే మండే బ్లూస్‌ని అధిగమించవచ్చు.

సరదాగా స్టెప్పులేయండి..!

రోజంతా కూర్చుని చేసే ఉద్యోగంలో ఉన్నవారు మంచి పాటలు వింటూ నాలుగు స్టెప్పులేయండి. ఆటలు ఆడే అలవాటు ఉన్నవారు ఆదివారాన్ని అందుకు కేటాయించండి. ఇక ఇంట్లో పిల్లలు ఉంటే వారితో కలిసి ఆడుకుంటూ ఈ ఆదివారాన్ని ఆనందంగా గడపండి. పిల్లలతో అనుబంధం బలపర్చుకోడానికి ఇదొక మంచి అవకాశం. అంతే కాదు ఆటలాడటం వల్ల శారీరక శ్రమ కలిగి ఎండార్ఫిన్ హార్మోన్లు ఉత్పత్తి అవుతాయి. ఇవి మెదడు పనితీరును మరింత చురుగ్గా మారుస్తాయి.

ఫ్రెండ్స్‌తో సరదాగా...

ఇల్లు, ఆఫీసు, పని.. ఈ చక్రంలో ఇరుక్కుపోయి స్నేహితులను మర్చిపోయామని ఎన్నోసార్లు అనిపిస్తుంది కదూ.. మంచి స్నేహాలు అందమైన జీవితానికి గుర్తులు. మనకు కష్టం వచ్చినప్పుడు మాత్రమే పలకరిస్తే స్నేహం కూడా ఓ వ్యాపార సంబంధం అవుతుంది. కాబట్టి ఈ ఆదివారం స్నేహితులను కలవండి.. అయితే ప్రస్తుత కరోనా పరిస్థితుల్లో అది కూడా నేరుగా కాకుండా.. వర్చువల్‌గా కలవడం, వారితో సరదాగా కాసేపు మాట్లాడడం మంచిది. జీవితాన్ని పాజిటివ్ కోణంలో చూడటానికి, మానసిక పరిణతితో నిర్ణయాలు తీసుకోడానికీ ఇది దోహదపడుతుంది.

నచ్చిన పుస్తకం చదివేద్దాం...

మంచి పుస్తకం చదవండి. పుస్తకాలు చదివే అలవాటు వ్యక్తిత్వ వికాసానికి ఎంతగానో దోహదపడుతుంది. సరదాగా చదివినా, అవసరంగా చదివినా ప్రతి పుస్తకం మనకు తెలియని ఏదో ఒక కొత్త విషయాన్ని తెలియజేస్తుంది.

అలాగే మీరు ఏ పనిచేసినా, బయటికి వెళ్లాల్సి వచ్చినా కరోనాకు సంబంధించిన జాగ్రత్తలు తీసుకోవడం మాత్రం మర్చిపోకండి!

మరిన్ని

వీటితో పిల్లలకు పాలివ్వడం ఎంతో సులువు!

పసి పిల్లలకు ఆరు నెలలు అంతకుమించి ఏడాది వరకు తల్లిపాలు పట్టడం తప్పనిసరి అంటూ నిపుణులు చెప్పడం మనకు తెలిసిందే. అయితే ఇటు కుటుంబంతో పాటు అటు వృత్తి ఉద్యోగాలకూ సమప్రాధాన్యమిచ్చే అమ్మలున్న ఈ రోజుల్లో ఏడాది వరకు బిడ్డకు తానే నేరుగా పాలివ్వడం అంటే అది కాస్త కష్టమనే చెప్పుకోవాలి. అలాగని బిడ్డలను అలా వదిలేసి తల్లులూ తమ వృత్తిపై దృష్టి పెట్టలేరు. అందుకే అటు నేటి తల్లుల బ్రెస్ట్‌ఫీడింగ్ పనిని సులభతరం చేస్తూ, ఇటు పిల్లలకు తల్లిపాలు అందుబాటులో ఉండేలా చేసేందుకు వివిధ రకాల బ్రెస్ట్‌ఫీడింగ్ గ్యాడ్జెట్లు ప్రస్తుతం మార్కెట్లోకొచ్చేశాయి.

తరువాయి

సైజ్‌ జీరో కాదు.. ఆరోగ్యం ముఖ్యం!

‘మనసులో కలిగే ఆలోచనల్నే శరీరం ప్రతిబింబిస్తుంది..’ అంటోంది ఫిట్‌నెస్‌ ఫ్రీక్‌ అంకితా కొన్వర్‌. సైజ్‌ జీరో గురించి ఆలోచిస్తూ బాధపడితే మరింత బరువు పెరుగుతామని, అదే ఆరోగ్యంపై దృష్టి పెడితే శరీరం, మనసు రెండూ మన అధీనంలో ఉంటాయని చెబుతోంది. ఆరోగ్యం, ఫిట్‌నెస్‌పై ఎక్కువ శ్రద్ధ పెడుతూ.. ఆ చిట్కాల్ని సోషల్‌ మీడియాలో పంచుకుంటూ అందరిలో స్ఫూర్తి నింపే ఈ మిసెస్‌ సోమన్‌.. తాజాగా బాడీ పాజిటివిటీ గురించి ఇన్‌స్టాలో మరో స్ఫూర్తిదాయక పోస్ట్‌ పెట్టింది. సైజ్‌ జీరో కంటే ఆరోగ్యమే ముఖ్యమంటూ ఆమె షేర్‌ చేసిన పోస్ట్‌ ప్రస్తుతం సామాజిక మాధ్యమాల్లో వైరల్‌గా మారింది.

తరువాయి

ఆఫీసులో కోపం కట్టలు తెంచుకుంటోందా? ఇలా చేసి చూడండి..!

ఉద్యోగినులకు ఇటు ఇంటి పనులు, అటు ఆఫీస్‌ ఒత్తిళ్లు సర్వసాధారణమే అయినా.. కొంతమంది వీటిని అదుపు చేసుకోలేక ఒక్కోసారి పని ప్రదేశంలోనే ఎదుటివారిపై విరుచుకుపడుతుంటారు. దీన్నే ‘వర్క్‌ప్లేస్‌ బర్నవుట్’గా పేర్కొంటున్నారు నిపుణులు. నిజానికి ఇలాంటి దీర్ఘకాలిక ఒత్తిడి ఆరోగ్యానికే కాదు.. కెరీర్ పైనా ప్రతికూల ప్రభావం చూపే అవకాశాలు ఎక్కువగానే ఉన్నాయంటున్నారు. అందుకే దీన్ని ఆదిలోనే గుర్తించి మేనేజ్‌ చేసుకోగలిగితే దీనివల్ల కెరీర్‌పై మచ్చ పడకుండా జాగ్రత్తపడచ్చంటున్నారు. మరి, అదెలాగో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

సూపర్‌ విమెన్

మరిన్ని