అందుకే మొలకల్ని అల్పాహారంగా తీసుకోవాలట! - start your day with this protein rich breakfast
close
Published : 18/07/2021 13:34 IST

అందుకే మొలకల్ని అల్పాహారంగా తీసుకోవాలట!

శరీరంలోని జీవక్రియల నిర్మాణంలో, కండరాలను బలోపేతం చేయడంలోనూ ప్రొటీన్లు ప్రముఖ పాత్ర పోషిస్తాయి. అలాగే రోగనిరోధక శక్తిని పెంచడంలోనూ ఇవి దోహదం చేస్తాయి. ప్రత్యేకించి ప్రొటీన్లతో నిండి ఉన్న అల్పాహారం తీసుకోవడం వల్ల.. రోజంతా ఎలాంటి ఒత్తిడి, అలసట లేకుండా చురుగ్గా అన్ని పనులు చేసుకోవచ్చు. ప్రొటీన్‌ షేక్స్‌, స్మూతీస్‌ను ఎక్కువగా తీసుకోవడం వల్ల వ్యాయామం చేసిన తర్వాత కోల్పోయిన శక్తిని తిరిగి పొందచ్చు. అందుకే ప్రొటీన్లు సమృద్ధిగా నిక్షిప్తమై ఉన్న మొలకల్ని అల్పాహారంగా తీసుకోమని సూచిస్తున్నారు పోషకాహార నిపుణులు. ఫలితంగా అధిక బరువు తగ్గించుకోవడంతో పాటు పలు ఆరోగ్య ప్రయోజనాలను కూడా పొందవచ్చని చెబుతున్నారు.

బరువు తగ్గేందుకు!

పెసలు, శెనగలు, బీన్స్‌, బఠానీ.. వంటి కాయధాన్యాల్లో ప్రొటీన్లతో పాటు శరీరానికి అత్యవసరమైన సూక్ష్మ పోషకాలు అధికంగా ఉంటాయి. ఇవి శరీర నిర్మాణంలో.. ముఖ్యంగా కండరాలు, ఎముకల ఆరోగ్యంలో కీలకపాత్ర పోషిస్తాయి. శరీరంలోని క్యాలరీలను కరిగించడంలోనూ ఇవి తోడ్పడతాయి. రక్తంలో గ్లూకోజ్‌ స్థాయులను, ఆకలి హార్మో్న్‌ను నియంత్రణలో ఉంచుతాయి. ఫలితంగా అధిక బరువును తగ్గించుకోవచ్చు. ఈ నేపథ్యంలో ప్రొటీన్లతో పాటు ఫోలేట్‌, మెగ్నీషియం, మాంగనీస్‌, విటమిన్లు- సి, కె, ఇతర ఖనిజాలతో నిండిన స్ప్రౌట్స్‌ను బ్రేక్‌ఫాస్ట్‌లో చేర్చుకోవడం వల్ల ఎన్నో ఆరోగ్య ప్రయోజనాలను పొందచ్చు.

ఇమ్యూనిటీ పెరుగుతుంది!

స్ప్రౌట్స్‌లో పుష్కలంగా ఉండే విటమిన్‌-సి తెల్లరక్త కణాలు అధికంగా ఉత్పత్తయ్యేలా చేస్తుంది. ఇవి వివిధ ఇన్ఫెక్షన్ల నుంచి పోరాడే శక్తిని శరీరానికి అందిస్తాయి. ఇక ఇందులోని విటమిన్‌-ఎ, యాంటీ ఆక్సిడెంట్లు కూడా శరీరంలోని రోగనిరోధక వ్యవస్థను బలోపేతం చేయడంలో తోడ్పడతాయి.

చర్మ సంరక్షణకు!

చర్మం, శిరోజాల సంరక్షణ అనేది మనం తీసుకునే ఆహారంపై కూడా ఆధారపడి ఉంటుంది. మొలకలను రోజూ ఉదయాన్నే తీసుకోవడం వల్ల ఎక్కువ మొత్తంలో పోషకాలు శరీరానికి అందుతాయి. ఇవి చర్మంతో పాటు శిరోజాల ఆరోగ్యాన్ని కాపాడతాయి. ముఖ్యంగా ప్రకాశవంతమైన, ఒత్తైన జుట్టును సొంతం చేసుకోవాలంటే స్ప్రౌట్స్‌ను ఎక్కువగా తీసుకోవాలంటున్నారు నిపుణులు.

జీర్ణక్రియా రేటు మెరుగుపడుతుంది!

జీర్ణక్రియా రేటును మెరుగుపరచడంలో పీచు ఎంతో కీలకం. ఇది మొలకెత్తిన గింజల్లో పుష్కలంగా ఉంటుంది. ఇది జీర్ణాశయంలోని పేగు కదలికల సామర్థ్యాన్ని పెంచి తీసుకున్న ఆహారం తేలికగా జీర్ణమయ్యేలా చేస్తుంది. తద్వారా మలబద్ధకం, అజీర్తి లాంటి సమస్యలను దూరం చేసుకోవచ్చు.

ఇవి కూడా!

* ఇతర సీజన్లతో పోల్చితే వర్షాకాలంలో జబ్బు పడే అవకాశాలు ఎక్కువగా ఉంటాయి. పైగా ప్రస్తుతం కరోనా కాలం నడుస్తోంది. కాబట్టి రోగనిరోధక శక్తిని పెంపొందించే మొలకలు తీసుకోవడం ఎంతో మేలని నిపుణులు సూచిస్తున్నారు.

* శరీరానికి అవసరమైన ఫ్యాటీ ఆమ్లాలు మొలకల్లో పుష్కలంగా ఉంటాయి.

* శరీరంలోని విషతుల్యాలను బయటకు పంపించడంలో మొలకల్లోని పోషకాలు బాగా తోడ్పడతాయి.

* వీటిని తినడం వల్ల ఐరన్‌ పెద్ద మొత్తంలో శరీరానికి అందుతుంది. ఇది శరీరంలో హెమోగ్లోబిన్‌ స్థాయుల్ని పెంచడంతో పాటు ఆక్సిజన్‌ను అన్ని భాగాలకు సరఫరా చేసేందుకు సహాయపడుతుంది.

మరిన్ని

ఇంట్లో పదే పదే తాకే వాటిని ఇలా శుభ్రం చేయాల్సిందే!

ప్రస్తుత ప్రతికూల పరిస్థితుల్లో రోజూ మనం ఇంట్లో ఉన్నా, బయటికి వెళ్లొచ్చినా వ్యక్తిగత శుభ్రత పాటించడం, మనతో పాటు తెచ్చిన వస్తువుల్ని శానిటైజ్‌ చేయడం.. వంటివి కచ్చితంగా పాటిస్తున్నాం.. మరి, మనం ఇంట్లో పదే పదే తాకే వస్తువుల సంగతేంటి? మనం బయటికెళ్లినా అవి ఇంట్లోనే ఉంటున్నాయి కదా.. అంటారా? అయినా సరే.. వాటిని రోజూ శుభ్రం చేయాల్సిందే అంటున్నారు నిపుణులు. తద్వారా వాటిపై చేరే వైరస్‌, బ్యాక్టీరియా, క్రిములు ఒకరి నుంచి మరొకరికి అంటుకోకుండా జాగ్రత్తపడచ్చు. ఇంతకీ మనం ఇంట్లో తరచూ తాకే ప్రదేశాలు, వస్తువులేంటి? వాటిని ఎలా శానిటైజ్‌ చేయాలి? రండి తెలుసుకుందాం..!

తరువాయి

అందుకే టవల్స్ విషయంలోనూ శుభ్రంగా ఉండాల్సిందే!

ఉదయం నిద్ర లేచింది మొదలు.. రాత్రి నిద్రపోయే వరకు రోజులో ఎన్నోసార్లు ముఖాన్ని, చేతుల్ని కడుక్కుంటూ ఉంటాం. ఇలా కడిగిన ప్రతిసారీ కచ్చితంగా టవల్‌తో తుడుచుకోవాల్సిందే. ఇలా మనకు తెలియకుండానే రోజులో చాలాసార్లు టవల్‌ను వాడుతూనే ఉంటాం. మరి, మీరు నిత్యం ఉపయోగించే ఈ టవళ్లు బ్యాక్టీరియాలకు మంచి ఆవాసాలనే విషయం మీకు తెలుసా? కరోనా విలయ తాండవం చేస్తున్న నేపథ్యంలో - ప్రతి రోజూ మీరు ఉపయోగించే టవల్ విషయంలో ఎంతవరకు జాగ్రత్త వహిస్తున్నారు? ఇంతకీ టవళ్లను ఎప్పటికప్పుడు శుభ్రం చేసుకోకపోతే కలిగే నష్టాలేంటి..? వీటిని అధిగమించడానికి ఎలాంటి జాగ్రత్తలు తీసుకోవాలి?.. రండి తెలుసుకుందాం..

తరువాయి

మాడ్యులర్ కిచెన్ ఎలా ఉండాలంటే..

కొత్త ట్రెండ్స్ కేవలం ఫ్యాషన్‌కు మాత్రమే పరిమితం అనుకుంటే పొరపాటే. మనం కొత్తగా సిద్ధమవ్వడమే కాదు.. మన ఇంటినీ కొంగొత్త ఇంటీరియర్స్‌తో సరికొత్తగా మార్చేయవచ్చు. అందులోనూ.. ప్రస్తుతం మహిళలందరూ మారుతున్న ట్రెండ్స్‌కు అనుగుణంగా తమ ఇంటిని ట్రెండీగా, స్త్టెలిష్‌గా తీర్చిదిద్దుకోవాలని భావిస్తున్నారు కూడా.. ఈ నేపథ్యంలో చాలామంది మాడ్యులర్ కిచెన్స్‌కు ఓటేస్తున్నారు. అయితే వీటి నిర్మాణ క్రమంలో కొన్ని ముఖ్యమైన అంశాలు దృష్టిలో పెట్టుకుంటేనే వంటగది సౌకర్యవంతంగా నిర్మించుకోవడానికి అవకాశం ఉంటుందంటున్నారు ఇంటీరియర్ నిపుణులు. మరి, ఆ అంశాలేంటో మనమూ తెలుసుకుందాం రండి..

తరువాయి

కరోనా వేళ నగల్ని కూడా ఇలా శానిటైజ్ చేయాల్సిందేనట!

కరోనా కేసులు క్రమంగా తగ్గుతున్నంత మాత్రాన వైరస్‌ పీడ విరగడైంది అనుకోవడానికి లేదు.. ఎందుకంటే ఈ మాయదారి మహమ్మారి ఎప్పుడెలా విరుచుకుపడుతుందో ఎవరికీ అంతు చిక్కట్లేదు. అందుకే కొవిడ్‌ తగ్గుముఖం పట్టినా, టీకా వేసుకున్నా కనీస జాగ్రత్తలు పాటించాల్సిందే అని నిపుణులు పదే పదే చెబుతున్నారు. ఇక బయటి నుంచి తెచ్చిన ప్రతి వస్తువునూ శానిటైజ్‌ చేయాల్సిందే అంటున్నారు. మనం రోజూ ధరించే వివిధ రకాల ఆభరణాలూ ఇందుకు మినహాయింపు కాదంటున్నారు. ఎందుకంటే కరోనా వైరస్‌ లోహాలపై మూడు గంటల నుంచి మూడు రోజుల దాకా జీవించి ఉంటుందని సెంటర్స్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ (సీడీసీ) సంస్థ చెబుతోంది. ఈ నేపథ్యంలో మనం రోజూ ధరించే ఆభరణాలను ఎలా శానిటైజ్‌ చేయాలో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


వర్క్‌ & లైఫ్

మరిన్ని

సూపర్‌ విమెన్

మరిన్ని