ఆప్తుల జ్ఞాపకాల్ని అందమైన ఆభరణాలుగా మలుస్తోంది! - telugu-news- australian designer makes jewellery from teeth and ashes of dead people
close
Updated : 14/07/2021 17:26 IST
Facebook Share Twitter Share WhatsApp Share Telegram Share Link Share

ఆప్తుల జ్ఞాపకాల్ని అందమైన ఆభరణాలుగా మలుస్తోంది!

Photo: Instagram

అయిన వారు చనిపోతే ఆ బాధను దిగమింగుకోవడం అంత తేలికైన విషయం కాదు.. వారు మన మధ్య లేకపోయినా.. వారికి సంబంధించిన ఏదో ఒక వస్తువును వారి జ్ఞాపకార్థం మన వద్ద ఉంచుకొని ఆ బాధ నుంచి కాస్త ఉపశమనం పొందుతాం. ఈ విషయంలో మరో అడుగు ముందుకేసి ఆప్తుల్ని కోల్పోయిన వారి కన్నీరు తుడుస్తోంది ఆస్ట్రేలియాకు చెందిన జ్యుయలరీ డిజైనర్‌ జాక్వీ విలియమ్స్‌. తమ ఆత్మీయుల కోరిక మేరకు మరణించిన వారి దంతాలు, జుట్టు, చితాభస్మంతో విభిన్న ఆభరణాలు తయారుచేస్తూ ఆ కుటుంబీకులకు అందిస్తోంది.. వారి ముఖాల్లో సంతోషాన్ని నింపుతోంది. ‘అయినా ఇదేం పని.. అసహ్యంగా..!’ అని చుట్టూ ఉన్న వాళ్లు అన్నా.. తాను చేసే పని తనకు నచ్చితే చాలంటూ సూటిగా చెబుతోంది.

జాక్వీ విలియమ్స్‌.. ఆస్ట్రేలియాలోని మెల్‌బోర్న్‌లో నివాసముండే ఈ 29 ఏళ్ల డిజైనర్‌కు ఆభరణాలు తయారుచేయడమంటే ముందు నుంచీ మక్కువే! ఈ క్రమంలోనే 2017లో ‘జ్యుయలరీ-ఆబ్జెక్ట్‌ డిజైన్‌’ విభాగంలో డిప్లొమా పూర్తి చేసిన ఆమె.. ఆ తర్వాత ఉద్యోగ వేట మొదలుపెట్టింది. అయితే కొన్నాళ్ల పాటు బార్లు, రెస్టరంట్లలో పనిచేసింది. ఆ తర్వాత తానే ఓ సొంత వ్యాపారం ప్రారంభించాలని నిర్ణయించుకుంది.

ఫ్రెండ్‌ చనిపోవడంతో..!

అదే సమయంలో తాను ప్రాణానికి ప్రాణంగా భావించే ఫ్రెండ్‌ ఒకరు చనిపోవడంతో తీవ్ర మనో వేదనకు గురైంది జాక్వీ. ఇలా ఆప్తుల్ని కోల్పోతే ఎంత బాధ కలుగుతుందో గ్రహించిన ఆమె.. వారిలోని ఆ బాధను ఎలాగైనా దూరం చేయాలని నిర్ణయించుకుంది. ఇందుకోసం తన వంతుగా ఏదైనా చేయాలనుకుంది. అయితే అప్పటికే ఏదైనా వ్యాపారం ప్రారంభించాలని లక్ష్యంగా పెట్టుకున్న జాక్వీ.. తన ఆలోచనను జ్యుయలరీ డిజైనింగ్‌ వైపు మళ్లించింది. ఈ క్రమంలోనే మరణించిన వారి దంతాలు, కేశాలు, చితాభస్మంతో విభిన్న ఆభరణాలు రూపొందించి వారి కుటుంబ సభ్యులకు అందించి.. వారి కన్నీళ్లు తుడవాలనుకుందామె. ఈ ఆలోచనే ‘గ్రేవ్‌ మెటాలమ్‌ జ్యుయలరీ’ (Grave Metallum Jewellery) అనే ఆభరణాల తయారీ కంపెనీని ప్రారంభించేలా చేసిందని చెబుతోందీ ఆసీస్‌ డిజైనర్.

వాళ్ల కోరిక మేరకే..!

‘నా ప్రాణానికి ప్రాణమైన ఫ్రెండ్‌ ఒకరు చనిపోవడంతో ఈ ఆభరణాల తయారీ సంస్థను స్థాపించాను. దీని ద్వారా భౌతికంగా దూరమైన ఆప్తుల జ్ఞాపకాల్ని అందమైన జ్యుయలరీ రూపంలో అందించాలన్నదే నా ఆశయంగా పెట్టుకున్నా. మరణించిన వారి దంతాలు, జుట్టు, చితాభస్మం.. ఈ మూడింటినీ ఈ ఆభరణాల తయారీలో భాగం చేస్తున్నా. ఇందుకోసం ముందుగా ఆయా కుటుంబీకుల మనసులో ఏముందో, వారికి ఎలాంటి ఆభరణం కావాలో అడిగి తెలుసుకుంటాను. దాన్ని బట్టి ఉంగరాలు, చెవిదిద్దులు, నెక్లెస్‌, లాకెట్‌, బ్రేస్‌లెట్‌.. వంటివన్నీ చేత్తోనే రూపొందిస్తున్నాను. ఇందుకోసం బంగారం, వెండి, ప్లాటినం, నీలం-వజ్రం.. వంటి విలువైన లోహాల్ని, రాళ్లను ఉపయోగిస్తున్నా. మరికొంతమందైతే తాము కోల్పోయిన పెంపుడు జంతువుల జ్ఞాపకార్థం కూడా ఇలాంటి ఆభరణాలు తయారుచేయించుకుంటున్నారు..’ అంటోందీ ఆస్ట్రేలియన్‌ డిజైనర్.

‘ఇదేంటి అసహ్యంగా’.. అన్నారు!

అమ్మాయిలు విభిన్నంగా చేస్తానన్న పనిని ఈ సమాజం అస్సలు ఒప్పుకోదు. తన విషయంలోనూ ఇలాగే జరిగిందంటోంది జాక్వీ. ‘అందరిలా కాకుండా విభిన్నంగా చేయాలన్న ఆలోచన నాకు చిన్నతనం నుంచే అలవడింది. అందుకే నేను చేసే పనులు కొంతమందికి నచ్చక విమర్శిస్తుంటారు. ఇలా నేను ఈ జ్యుయలరీ డిజైనింగ్‌ కంపెనీని ప్రారంభించిన తర్వాత కూడా చాలామంది చాలా మాటలే అన్నారు. ‘ఏంటీ పని.. అసహ్యంగా..!’ అంటూ దెప్పిపొడిచేవారు. కానీ అవేవీ నేను పట్టించుకోలేదు. ఎందుకంటే నేను చేసే పని నాకు నచ్చితే చాలనుకుంటాను. నా పని ఇతరుల్లో సంతోషం నింపితే అందులోనే సంతృప్తిని వెతుక్కుంటాను. నేను తయారుచేసిన ఆభరణాలు అందుకొని కస్టమర్లు తిరిగి సంతోషంతో వెనుదిరుగుతారు. అది నాకు మరింత ప్రోత్సాహాన్నిస్తుంటుంది. ఈ జన్మకు ఇది చాలనిపిస్తుంటుంది..’ అంటూ తనకెదురైన సవాళ్లను గుర్తు చేసుకుందామె.

ఇలా వినియోగదారుల ఆలోచనలు, ఆభరణాల డిజైన్‌ని బట్టి.. ఒక్కో నగ తయారుచేయడానికి తనకు సుమారు ఆరు నుంచి ఎనిమిది వారాల సమయం పడుతుందట! అంతేకాదు.. ఆభరణాల డిజైన్‌, వాడిన మెటీరియల్‌ని బట్టి తాను తయారుచేసే నగల ధరలు రూ. 19,500 నుంచి రూ. 5.5 లక్షల దాకా ఉంటాయంటోందామె. ఏదేమైనా తనకున్న నైపుణ్యాలతో ఆప్తుల్ని కోల్పోయిన వారి ఆవేదన తీర్చుతోన్న జాక్వీ ఆలోచనను ఎంతోమంది ప్రశంసిస్తున్నారు. ఈ క్రమంలో సోషల్‌ మీడియాలో వైరలవుతోన్న తన ఆభరణాల ఫొటోలు చూసి తన డిజైనింగ్‌ నైపుణ్యాలకు ముగ్ధులవుతున్నారు కూడా!



మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

ఆరోగ్యమస్తు

మరిన్ని

అనుబంధం

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని