తొలి మహిళా స్పేస్‌ టూరిస్ట్‌.. బెత్‌ మోసెస్‌ - the first woman to fly on a commercial space ship
close
Updated : 03/07/2021 08:49 IST

తొలి మహిళా స్పేస్‌ టూరిస్ట్‌.. బెత్‌ మోసెస్‌

స్పేస్‌ అనగానే ఎక్కువమందికి గుర్తొచ్చేది నాసా. అలాంటి అంతర్జాతీయ స్థాయి గుర్తింపు ఉన్న సంస్థ నుంచి ఓ ప్రైవేటు స్పేస్‌ ఫ్లైట్‌ కంపెనీకి మారడం ఊహించగలమా? అలా చేయడమే కాకుండా ప్రపంచవ్యాప్తంగా గుర్తింపు పొందింది ఓ మహిళ. బెత్‌ మోసెస్‌.. నాసా నుంచి బయటికి వచ్చి వర్జిన్‌ గెలాక్టిక్‌ అనే కమర్షియల్‌ స్పేస్‌ ఫ్లైట్‌ సంస్థకు మారింది. ఇదో స్పేస్‌ టూరిజం సంస్థ. ఇది గతంలో ప్రయోగించిన వ్యోమనౌకలో ప్రయాణించి, కమర్షియల్‌ స్పేస్‌ ఫ్లైట్‌లో ప్రయాణించిన తొలి మహిళగా నిలిచింది. ఇప్పుడు మరోసారి ప్రయాణానికి సిద్ధమైంది.

బెత్‌ది యూఎస్‌లోని ఇల్లినాయిస్‌. పర్‌డ్యూ విశ్వవిద్యాలయం నుంచి ఏరోనాటికల్, ఆస్ట్రోనాటికల్‌ ఇంజినీరింగ్‌ల్లో డిగ్రీ, పీజీ పూర్తిచేసింది. విద్యాభ్యాస సమయంలోనే పారాబొలిక్‌ ఫ్లైట్‌పై మెటీరియల్స్‌ రిసెర్చ్‌ చేసింది. ఇందుకు నేషనల్‌ సైన్స్‌ ఫౌండేషన్‌ నుంచి మైక్రోగ్రావిటీ రిసెర్చ్‌ అవార్డును అందుకుంది. ఆపై నాసాలో చేరే అవకాశం దక్కించుకుంది. ఇక్కడ ఇంటర్నేషనల్‌ స్పేస్‌ స్టేషన్‌కు అసెంబ్లీ మేనేజర్‌గా వ్యవహరించింది. ‘హ్యూమన్‌ ఇన్‌ ద లూప్‌ టెస్టింగ్‌’ అనే అంతర్జాతీయ ప్రోగ్రామ్‌కు నాయకత్వం వహించింది. ఏరోనాటిక్స్‌ విభాగంలో సాధించిన విజయాలకు గుర్తింపుగా 2009లో రాబర్డ్‌ జె. కాలియర్‌ ట్రోఫీని అందుకుంది.

2014లో వర్జిన్‌ గెలాక్టిక్‌ అనే కమర్షియల్‌ స్పేస్‌ ఫ్లైట్‌ సంస్థకు మారి అందరినీ ఆశ్చర్యపరిచింది. ఈ సంస్థలో ఈమె చీఫ్‌ ఆస్ట్రోనాట్‌ ఇన్‌స్ట్రక్టర్‌. క్యాబిన్‌ లేఅవుట్‌ డిజైనింగ్, స్పేస్‌షిప్‌లో ప్రయాణించేవారికి శిక్షణనివ్వడం ఈమె బాధ్యత. ఈ సంస్థ రూపొందించిన స్పేస్‌షిప్‌2లో అంతరిక్షంలోకి ప్రవేశించి, కమర్షియల్‌ స్పేస్‌ ఫ్లైట్‌లో ప్రయాణించిన తొలి మహిళగా గుర్తింపు పొందింది. తాజాగా వర్జిన్‌ గెలాక్టిక్‌ మనుషులతో కూడిన ఒక టెస్ట్‌ ఫ్లైట్‌ను మళ్లీ అంతరిక్షంలోకి పంపనున్నట్లుగా సంస్థ స్థాపకుడు బ్రాన్‌సన్‌ ప్రకటించారు. ఆయనతో సహా ఆరుగురు దీనిలో ప్రయాణిస్తున్నారు. దీనిలో ఇద్దరు మహిళలు. వాళ్లలో బెత్‌ మోసెస్‌ ఒకరు కాగా.. మరొకరు మన తెలుగమ్మాయి శిరీష బండ్ల. 

ఈ ప్రయోగాన్ని విజయవంతం చేసి, 2022 చివరినాటికి అందరి కంటే ముందుగా స్పేస్‌ టూరిజం ప్రారంభించాలన్నది సంస్థ లక్ష్యం. అందులో భాగంగానే తన పోటీదారుడు, బ్లూ ఆరిజన్‌ సంస్థ అధ్యక్షుడు జెఫ్‌ బెజోస్‌ స్వయంగా కొంతమందితో కలిసి అంతరిక్షంలోకి ప్రయాణించనున్నట్లు ప్రకటించిన కొద్ది గంటల్లోనే బ్రాన్‌సన్‌ కూడా తమ ప్రయాణ వివరాలను వెల్లడించారు. జెఫ్‌ బెజోస్‌ ప్రకటించిన తేదీ కంటే 9 రోజులు ముందుగానే వర్జిన్‌ గెలాక్టిక్‌ స్పేస్‌ ఫ్లైట్‌ అంతరిక్షంలోకి వెళ్లనుండటం విశేషం.

మరిన్ని

నారీ... వ్యాయామ దారి!

ఇంట్లో పనే ఎక్సర్‌సైజు... ఒక గృహిణి అభిప్రాయం. ఆఫీసుకెళ్లొచ్చే సరికే టైం అయిపోతుంది. మళ్లీ జిమ్‌కు వెళ్లే తీరిక ఎక్కడిది? ఒక ఉద్యోగిని ఆవేదన. జిమ్‌ కెళ్లినా అక్కడ మగవాళ్లతో పాటు చేయలేం... ఇదో యువతి సమస్య... ఆరోగ్యాన్ని కాపాడుకోవాలనే ఆలోచన ఉంటే మార్గాలు బోలెడు ఉన్నాయంటున్నారు...జీరోసైజ్‌ లేదా సన్నగా, నాజూగ్గా ఉండాల్సిన అవసరం సినీతారలు, మోడల్స్‌కు మాత్రమే. మేమెందుకు నోరు కట్టేసుకోవాలి, కసరత్తులంటూ చెమటోడ్చాలి అనే భావన చాలా మంది మహిళల్లో ఉండేది. గృహిణులకు ఇంటిపనే సరిపోతుందిలే’ అనే అపోహ ఉండేది. ఇప్పుడు మహిళలకూ ఉద్యోగ, ఉపాధి అవకాశాలు పెరగటంతో జీవనశైలిలో మార్పులు వచ్చాయి.

తరువాయి

చదువుల రాణి.. పసిడి కొల్లగొట్టింది..!

సాధారణంగా చదువులో ముందున్న వారు ఆటల్లో వెనకబడతారు.. అదే ఆటల్లో ముందున్న వారు చదువులో రాణించరు.. అంటుంటారు. కానీ చదువులో, ఆటల్లో.. రెండింట్లోనూ సత్తా చాటే వారు చాలా అరుదుగానే ఉంటారు. ఆస్ట్రియా సైక్లిస్ట్‌ అన్నా కిసెనోఫర్‌ కూడా అలాంటి మహిళే! వృత్తిరీత్యా గణిత విద్యావేత్త అయిన ఆమె.. అండర్‌ డాగ్‌గా టోక్యో ఒలింపిక్స్‌ బరిలోకి దిగింది. అందరి అంచనాల్ని తలకిందులు చేస్తూ ఫైనల్‌ ఫేవరెట్‌ను చిత్తు చేసి పసిడి పతకాన్ని కొల్లగొట్టింది. ఫలితంగా 125 ఏళ్లలో సైక్లింగ్‌ విభాగంలో ఒలింపిక్స్‌ పతకం గెలుచుకున్న తొలి ఆస్ట్రియా అథ్లెట్‌గా చరిత్ర సృష్టించింది. దీంతో ఆమె పేరు ప్రపంచమంతా మార్మోగిపోతోంది.

తరువాయి

సైకిల్‌ తొక్కితే రాళ్లు విసిరారు.. చంపేస్తామన్నారు!

అఫ్గానిస్థాన్‌కు చెందిన ఆమె చిన్నతనంలోనే సైకిల్‌ నేర్చుకుంది. అందులోనే జీవితాన్ని వెతుక్కోవాలనుకుంది. కానీ అక్కడి తాలిబన్లు, మత ఛాందసవాదులు ‘ఆడపిల్లలు సైకిల్‌ తొక్కడమేంటి?’ అంటూ ఆమె ఆశయానికి అడ్డుపడ్డారు. ధైర్యం చేసి సైకిల్‌తో రోడ్డుపై కొస్తే రాళ్లు విసిరారు. చంపేస్తామని బెదిరించారు. అందుకే ఉన్న వూరును విడిచిపెట్టి ప్రాణాలు అరచేతిలో పెట్టుకుని ఫ్రాన్స్‌కు వలస వెళ్లిపోయింది. అక్కడే తన సైక్లింగ్‌ లక్ష్యానికి మెరుగులు దిద్దుకుంది. ప్రతిష్ఠాత్మక ఒలింపిక్స్‌లో శరణార్థుల జట్టు తరఫున పాల్గొనే సువర్ణావకాశం సొంతం చేసుకుంది. ఆమే 24 ఏళ్ల మసోమా అలీ జాదా.

తరువాయి

సృజనాత్మక పరిష్కారానికి అరుదైన పురస్కారం!

యూరోపియన్‌ ఇన్వెంటర్‌ అవార్డ్‌.. వివిధ రంగాల్లో ఆవిష్కరణలు చేసి ఓ సరికొత్త ట్రెండ్‌ క్రియేట్‌ చేసిన వారికి ఏటా అందించే ప్రతిష్ఠాత్మక పురస్కారమిది! ఐరోపాతో పాటు ఇతర దేశాల వారు చేసిన అద్భుత ఆవిష్కరణల్ని గుర్తించి.. వాటి సృష్టికర్తలకు బహూకరించే ఈ పురస్కారం ఈసారి భారత సంతతికి చెందిన రసాయన శాస్త్రవేత్త సుమితా మిత్రాను వరించింది. ‘నాన్‌ యూరోపియన్‌ పేటెంట్‌ ఆఫీస్‌ కంట్రీస్‌’ విభాగం కింద యూరోపియన్‌ పేటెంట్‌ ఆఫీస్‌ (EPO) ఆమెకు ఇటీవలే ఈ అవార్డు అందించింది. దంత వైద్యంలో భాగంగా ఆమె చేసిన ఓ అసాధారణ ఆవిష్కరణతో ఎంతోమంది దంత సమస్యలకు పరిష్కారం దొరికినట్లయింది. ఈ నేపథ్యంలోనే ఈ అరుదైన అవార్డు అందుకున్న సందర్భంగా ఈ ఇండో-అమెరికన్‌ గురించి కొన్ని విశేషాలు మీకోసం..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని