వీటిని ఇలా కూడా వాడచ్చు! - these household items with multiple uses in Telugu
close
Published : 16/09/2021 18:01 IST

వీటిని ఇలా కూడా వాడచ్చు!

అల్యూమినియం ఫాయిల్‌లో ఫుడ్‌ ర్యాప్‌ చేస్తాం.. టెన్నిస్ బంతులతో టెన్నిస్‌ ఆడతాం.. పెట్రోలియం జెల్లీతో అందానికి మెరుగులు దిద్దుతాం.. ఇలా ఇంట్లో ఉండే వస్తువులు, పదార్థాలను ఆయా పనుల కోసం వినియోగిస్తుంటాం. కానీ వీటిని ఇలా కాకుండా ఇతర పనుల కోసం కూడా వినియోగించచ్చన్న విషయం మీకు తెలుసా? అవును.. అలాంటి వస్తువులు మనింట్లో చాలానే ఉంటాయి. ఇంతకీ అవేంటి.. వాటిని ఎలా వాడాలి.. అని ఆలోచిస్తున్నారా? ఇదిగో ఇలా..!

* మట్టిపాత్రలు, నాన్‌స్టిక్‌ ప్యాన్స్‌ ఇప్పుడు ప్రతి ఇంట్లో భాగమైపోయాయి. అయితే వంట చేసే క్రమంలో వాటిపై పడే కఠినమైన మరకల్ని వదిలించడానికి స్టీల్‌ స్క్రబ్బర్‌ వాడితే అవి డ్యామేజ్‌ అవుతాయి. కాబట్టి మనం ఆహారం ర్యాప్‌ చేసుకునే అల్యూమినియం ఫాయిల్‌ను ఇందుకోసం వినియోగించచ్చు.

ఇదే అల్యూమినియం ఫాయిల్‌ను దుస్తులు ఐరన్‌ చేసుకునే టేబుల్‌పై ఉన్న క్లాత్‌ కింద పరిస్తే ఐరన్‌ చేయడం త్వరగా పూర్తవుతుంది.

* ఇంట్లో ఉండే కుర్చీలు, బల్లలు, మంచాలకు ఫ్లోర్‌ ప్రొటెక్టర్స్‌ అమరి ఉంటాయి. తద్వారా వాటిని లాగినా ఫ్లోర్‌పై గీతలు పడకుండా ఉంటాయి. అయితే ఒకవేళ అవి పగిలిపోతే.. వాటికి బదులుగా ఇంట్లో పనికి రాకుండా పడి ఉన్న బాల్స్‌ని ఉపయోగించుకోవచ్చు. అదెలాగంటే పగిలిన బాల్స్‌లోకి కుర్చీ/మంచం కాళ్లను చొప్పిస్తే సరి!

* అటు ఆరోగ్యానికి, ఇటు సౌందర్య పోషణలో ఉపయోగపడే ఆలివ్‌ నూనె చెక్క వస్తువుల్ని మెరిపించడానికీ ఉపయోగపడుతుంది. ఇందుకోసం ఒక డస్టర్‌పై కాస్త ఆలివ్‌ నూనె వేసి ఆయా వస్తువుల్ని తుడిచేస్తే తేడా మీకే తెలుస్తుంది.

* తలుపులు, కిటికీలు, అల్మరాలు.. వంటివి వాటి జాయింట్స్‌ దగ్గర మృదుత్వాన్ని కోల్పోయి.. ఓపెన్‌ చేయగానే అదో రకమైన శబ్దం వినిపిస్తుంటుంది. అలాంటప్పుడు కాస్త పెట్రోలియం జెల్లీని ఆ జాయింట్స్‌ దగ్గర పూసి చూడండి.

* వంటింట్లో ఉండే స్పూన్లు.. కంటి అలసటను తగ్గించడానికీ ఉపయోగపడతాయి. ఇందుకోసం ఒక చెంచాను రాత్రంతా ఫ్రిజ్‌లో పెట్టేయండి. ఉదయాన్నే ఆ చెంచాను కంటిపై పెట్టుకొని కాసేపు ఉండండి. ఇలా చేయడం వల్ల అలసిన కళ్లకు సాంత్వన చేకూరుతుంది. అలాగే కళ్ల దగ్గర వాపు కూడా కనుమరుగవుతుంది.

* ఒక్కోసారి కట్ చేసిన ఉల్లిపాయ ముక్కను నేరుగా ఫ్రిజ్‌లో పెట్టేస్తుంటాం. అది అలా ఎక్కువసేపు ఉంటే విషపూరితమవుతుంది.. అలాగే వడలిపోతుంది కూడా! అదే ఆ కట్‌ చేసిన లేయర్‌పై కాస్త ఛీజ్‌ పూసి చూడండి.. ఎక్కువ సమయం తాజాగా ఉండడంతో పాటు విషపూరితం కాకుండా జాగ్రత్తపడచ్చు.

* పిల్లలకు మసాజ్‌ చేసే బేబీ ఆయిల్‌ని సౌందర్య పోషణలో వాడుతుంటాం. అయితే అదే ఆయిల్‌ని ఇరుక్కుపోయిన జిప్పర్స్‌ని మృదువుగా చేయడానికి కూడా ఉపయోగించచ్చు. అందుకోసం కొన్ని చుక్కల బేబీ ఆయిల్‌ని జిప్‌పై వేసి కాసేపు అలాగే ఉంచితే జిప్‌ ఈజీగా అటూ ఇటూ కదులుతుంది.

* వంటింట్లో ఎన్నో రకాలుగా ఉపయోగపడే బేకింగ్‌ సోడా.. దుస్తుల్ని మెరిపించడానికీ వాడచ్చు. ఇందుకోసం బట్టలు ఉతికేటప్పుడు ఉపయోగించే డిటర్జెంట్‌ పౌడర్‌లో కొద్దిగా బేకింగ్‌ సోడాను కలిపి చూడండి.

* హెయిర్‌స్ప్రే జుట్టునే కాదు.. షూస్‌ని కూడా మెరిపిస్తుంది. అదెలాగంటే.. పాలిష్‌ చేసిన షూస్‌పై కాస్త హెయిర్‌స్ప్రేను స్ప్రే చేసి చూడండి. అలాగే దుస్తులు, ఫర్నిచర్‌పై పడిన సిరా మరకల్ని సైతం ఇది తొలగిస్తుంది.



మరిన్ని

ఇంట్లో పదే పదే తాకే వాటిని ఇలా శుభ్రం చేయాల్సిందే!

ప్రస్తుత ప్రతికూల పరిస్థితుల్లో రోజూ మనం ఇంట్లో ఉన్నా, బయటికి వెళ్లొచ్చినా వ్యక్తిగత శుభ్రత పాటించడం, మనతో పాటు తెచ్చిన వస్తువుల్ని శానిటైజ్‌ చేయడం.. వంటివి కచ్చితంగా పాటిస్తున్నాం.. మరి, మనం ఇంట్లో పదే పదే తాకే వస్తువుల సంగతేంటి? మనం బయటికెళ్లినా అవి ఇంట్లోనే ఉంటున్నాయి కదా.. అంటారా? అయినా సరే.. వాటిని రోజూ శుభ్రం చేయాల్సిందే అంటున్నారు నిపుణులు. తద్వారా వాటిపై చేరే వైరస్‌, బ్యాక్టీరియా, క్రిములు ఒకరి నుంచి మరొకరికి అంటుకోకుండా జాగ్రత్తపడచ్చు. ఇంతకీ మనం ఇంట్లో తరచూ తాకే ప్రదేశాలు, వస్తువులేంటి? వాటిని ఎలా శానిటైజ్‌ చేయాలి? రండి తెలుసుకుందాం..!

తరువాయి

అందుకే టవల్స్ విషయంలోనూ శుభ్రంగా ఉండాల్సిందే!

ఉదయం నిద్ర లేచింది మొదలు.. రాత్రి నిద్రపోయే వరకు రోజులో ఎన్నోసార్లు ముఖాన్ని, చేతుల్ని కడుక్కుంటూ ఉంటాం. ఇలా కడిగిన ప్రతిసారీ కచ్చితంగా టవల్‌తో తుడుచుకోవాల్సిందే. ఇలా మనకు తెలియకుండానే రోజులో చాలాసార్లు టవల్‌ను వాడుతూనే ఉంటాం. మరి, మీరు నిత్యం ఉపయోగించే ఈ టవళ్లు బ్యాక్టీరియాలకు మంచి ఆవాసాలనే విషయం మీకు తెలుసా? కరోనా విలయ తాండవం చేస్తున్న నేపథ్యంలో - ప్రతి రోజూ మీరు ఉపయోగించే టవల్ విషయంలో ఎంతవరకు జాగ్రత్త వహిస్తున్నారు? ఇంతకీ టవళ్లను ఎప్పటికప్పుడు శుభ్రం చేసుకోకపోతే కలిగే నష్టాలేంటి..? వీటిని అధిగమించడానికి ఎలాంటి జాగ్రత్తలు తీసుకోవాలి?.. రండి తెలుసుకుందాం..

తరువాయి

మాడ్యులర్ కిచెన్ ఎలా ఉండాలంటే..

కొత్త ట్రెండ్స్ కేవలం ఫ్యాషన్‌కు మాత్రమే పరిమితం అనుకుంటే పొరపాటే. మనం కొత్తగా సిద్ధమవ్వడమే కాదు.. మన ఇంటినీ కొంగొత్త ఇంటీరియర్స్‌తో సరికొత్తగా మార్చేయవచ్చు. అందులోనూ.. ప్రస్తుతం మహిళలందరూ మారుతున్న ట్రెండ్స్‌కు అనుగుణంగా తమ ఇంటిని ట్రెండీగా, స్త్టెలిష్‌గా తీర్చిదిద్దుకోవాలని భావిస్తున్నారు కూడా.. ఈ నేపథ్యంలో చాలామంది మాడ్యులర్ కిచెన్స్‌కు ఓటేస్తున్నారు. అయితే వీటి నిర్మాణ క్రమంలో కొన్ని ముఖ్యమైన అంశాలు దృష్టిలో పెట్టుకుంటేనే వంటగది సౌకర్యవంతంగా నిర్మించుకోవడానికి అవకాశం ఉంటుందంటున్నారు ఇంటీరియర్ నిపుణులు. మరి, ఆ అంశాలేంటో మనమూ తెలుసుకుందాం రండి..

తరువాయి

కరోనా వేళ నగల్ని కూడా ఇలా శానిటైజ్ చేయాల్సిందేనట!

కరోనా కేసులు క్రమంగా తగ్గుతున్నంత మాత్రాన వైరస్‌ పీడ విరగడైంది అనుకోవడానికి లేదు.. ఎందుకంటే ఈ మాయదారి మహమ్మారి ఎప్పుడెలా విరుచుకుపడుతుందో ఎవరికీ అంతు చిక్కట్లేదు. అందుకే కొవిడ్‌ తగ్గుముఖం పట్టినా, టీకా వేసుకున్నా కనీస జాగ్రత్తలు పాటించాల్సిందే అని నిపుణులు పదే పదే చెబుతున్నారు. ఇక బయటి నుంచి తెచ్చిన ప్రతి వస్తువునూ శానిటైజ్‌ చేయాల్సిందే అంటున్నారు. మనం రోజూ ధరించే వివిధ రకాల ఆభరణాలూ ఇందుకు మినహాయింపు కాదంటున్నారు. ఎందుకంటే కరోనా వైరస్‌ లోహాలపై మూడు గంటల నుంచి మూడు రోజుల దాకా జీవించి ఉంటుందని సెంటర్స్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ (సీడీసీ) సంస్థ చెబుతోంది. ఈ నేపథ్యంలో మనం రోజూ ధరించే ఆభరణాలను ఎలా శానిటైజ్‌ చేయాలో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


వర్క్‌ & లైఫ్

మరిన్ని

సూపర్‌ విమెన్

మరిన్ని