తోట పని చేస్తూ చదువుకుంది.. ఇప్పుడు టీచరైంది! - this cardmom plantation worker is now a high school teacher
close
Updated : 28/07/2021 20:30 IST

తోట పని చేస్తూ చదువుకుంది.. ఇప్పుడు టీచరైంది!

Image for Representation

చెయ్యి పట్టి ముందుకు నడిపించాల్సిన నాన్న చిన్నప్పుడే తన దారి తాను చూసుకుంటే.. పెద్ద కొడుకుగా ఇంటి బాధ్యతలను భుజాన వేసుకుంది. తల్లితో కలిసి యాలకుల తోటకు పనికి వెళ్లింది. అయినా చదువును నిర్లక్ష్యం చేయలేదామె. ‘నీకు చదువెందుకే తల్లీ.. పెళ్లి చేసుకో’ అని అంటున్నా అవేవీ పట్టించుకోకుండా పట్టుదలతో ముందుకెళ్లింది. డిగ్రీ, పీజీ, పీహెచ్‌డీల్లాంటి ఉన్నత చదువులు అభ్యసించింది. ఇప్పుడు హైస్కూల్‌ టీచర్‌గా పిల్లలకూ తన జ్ఞానాన్ని పంచుతోంది. ఆమే కేరళకు చెందిన 28 ఏళ్ల సెల్వమరి. తన స్ఫూర్తిదాయక జీవితంతో అందరి మన్ననలు అందుకుంటోన్న ఈ చదువుల తల్లి కథేంటో మనమూ తెలుసుకుందాం రండి.

హైస్కూల్‌ టీచర్‌గా!

పబ్లిక్‌ సర్వీస్‌ కమిషన్‌ పరీక్షలైనా, ఇతర పోటీ పరీక్షలైనా మొదటి ప్రయత్నంలోనే విజయం సాధించడమంటే అంత సులభమేమీ కాదు. అందులోనూ పనికెళుతూ పుస్తకాలు పట్టుకునే వాళ్లకైతే మరీ కష్టం. కానీ పట్టుదల ఉంటే ఏదైనా సాధించవచ్చని నిరూపించింది సెల్వమరి. కేరళలోని చోట్టుపారా గ్రామానికి చెందిన ఆమె ఇటీవల విడుదలైన పీఎస్‌సీ పరీక్షా ఫలితాల్లో సివిల్‌ పోలీస్ ఆఫీసర్‌గా ఎంపికైంది. అయితే ఆ ఉద్యోగంలో చేరడానికి ఆసక్తి చూపలేదామె. 2017 పీఎస్‌సీ పరీక్షా ఫలితాల్లోనూ విజయం సాధించిన ఈ చదువుల తల్లి గతేడాదే హైస్కూల్‌ టీచర్‌గా అపాయింట్‌మెంట్‌ లెటర్‌ తీసుకుంది. ఈ క్రమంలో కొద్ది రోజుల క్రితమే ఇడుక్కి జిల్లాలోని వంచివాయల్‌ ప్రభుత్వ హైస్కూల్‌లో టీచర్‌గా తన ప్రయాణాన్ని ప్రారంభించింది.

తల్లి కష్టాన్ని చూడలేక!

సెల్వమరి తండ్రి చిన్నప్పుడే ఇంటిని వదిలిపెట్టి వెళ్లిపోయాడు. దీంతో ఆమెతో పాటు మరో ఇద్దరు కూతుళ్ల బాధ్యతలన్నీ తల్లి సెల్వమ్‌ భుజాల మీదే పడ్డాయి. యాలకుల తోటలో దినసరి కూలీగా పనిచేస్తూ ఆ వచ్చిన మొత్తంతో తన కుటుంబాన్ని పోషించసాగింది. అయితే తల్లి ఒంటరిగా కష్టపడడం చూడలేకపోయిన సెల్వమరి కూడా యాలకుల తోటలో పనికి వెళ్లేది. సెలవు రోజుల్లో, సమయం దొరికినప్పుడల్లా తల్లితో కలిసి తోట పనికి వెళ్లడం అలవాటు చేసుకుంది. అయితే చదువును మాత్రం నిర్లక్ష్యం చేయలేదు. చోట్టుపారా, మురిక్కడి ప్రభుత్వ పాఠశాలల్లో ప్రాథమిక, ఉన్నత విద్యాభ్యాసం పూర్తి చేసింది. ఆ తర్వాత తమిళనాడులో ప్లస్‌ టూ చదివింది. తిరువనంతపురంలోని ప్రభుత్వ మహిళా కళాశాల నుంచి డిగ్రీ పట్టా అందుకుంది.

చదువు ఆపేద్దామనుకున్నా!

మలయాళం, ఇంగ్లిష్‌ భాషలపై పెద్దగా పట్టులేకపోవడంతో కాలేజీ రోజుల్లో తీవ్ర ఇబ్బందులు ఎదుర్కొంది సెల్వమరి. ‘నాకు మలయాళం సరిగ్గా రాదు. ఇంగ్లిష్‌లో ప్రావీణ్యం కూడా అంతంతే..! అయితే నా డిగ్రీ సబ్జెక్టులన్నీ మలయాళం లేదా ఇంగ్లిష్‌ భాషల్లోనే ఉండేవి. దీంతో తీవ్ర ఇబ్బందులు ఎదుర్కొన్నా. మలయాళం సరిగ్గా రాదనే కారణంతో నా తోటి విద్యార్థులు కూడా నన్ను వెక్కిరించేవారు. దీంతో ఒక్కోసారి చదువు ఆపేసి ఇంటికెళదామనిపించేది. అదే సమయంలో యాలకుల తోటలో అమ్మ పడిన కష్టాలు నా కళ్లముందు మెదిలేవి. వాటి నుంచి ఎలాగైనా ఆమెను బయటపడేయాలని ముందుకే అడుగేశాను. మలయాళం, ఇంగ్లిష్‌ భాషలు నేర్చుకోవడానికి మరింత శ్రమపడ్డాను’ అని తాను పడిన కష్టాలను గుర్తుకు తెచ్చుకుందీ చదువుల తల్లి.

యూజీసీ నెట్‌లోనూ!

డిగ్రీ తర్వాత ఎమ్మెస్సీ పట్టా అందుకున్న సెల్వమరి.. ఆ తర్వాత కుమ్లీలోని ఎంజీ యూనివర్సిటీ సెంటర్‌ నుంచి బీఈడీ పూర్తి చేసింది. ఆపై తిరువనంతపురంలోని థైక్వాడ్‌ గవర్నమెంట్‌ కాలేజ్‌ ఆఫ్‌ టీచర్‌ ఎడ్యుకేషన్‌ ఇనిస్టిట్యూట్‌ నుంచి ఎంఈడీ, ఎం.ఫిల్‌ కోర్సులను పూర్తిచేసింది. వీటితో పాటు అసిస్టెంట్‌ ప్రొఫెసర్‌, జూనియర్‌ రీసెర్చి ఫెలోషిప్‌ కోసం దేశవ్యాప్తంగా నిర్వహించే యూజీసీ నెట్‌ పరీక్షలోనూ ఉత్తీర్ణత సాధించింది. ప్రస్తుతం తనకు ఇష్టమైన గణితంలో పీహెచ్‌డీ కూడా చేస్తోంది. భవిష్యత్‌లో సివిల్‌ సర్వీసెస్‌ అధికారిణిగా ప్రజలకు సేవ చేయాలనుకుంటోందీ సూపర్‌ వుమన్‌.

రాజ్‌భవన్‌ నుంచి ఆహ్వానం!

కష్టాలకు కుంగిపోకుండా పట్టుదలతో ఉన్నత చదువులు అభ్యసించింది సెల్వమరి. పోటీ పరీక్షల్లోనూ సత్తా చాటుతోంది. ఈ క్రమంలో ఆమె ఎంతోమందికి స్ఫూర్తినిస్తుందనడంలో ఎలాంటి సందేహం లేదు. తాజాగా కేరళ గవర్నర్‌ ఆరిఫ్‌ మొహమ్మద్‌ ఖాన్‌ కూడా ఈ చదువుల తల్లి గురించి తెలుసుకున్నారు. ఫోన్‌ ద్వారా  అభినందనలు తెలిపారు. రాజ్‌భవన్‌కు రావాలని ఆహ్వానం కూడా పంపారు. ఆయనతో పాటు పలువురు ప్రముఖులు, నెటిజన్లు సెల్వమరికి అభినందనలు, శుభాకాంక్షలు తెలుపుతున్నారు.

మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

తరువాయి

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

తరువాయి

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

తరువాయి

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని