రుచికరమైన ఈ పోహా కట్లెట్‌తో ఆరోగ్యమూ సొంతం! - try this healthy and delicious poha cutlet recipe
close
Updated : 14/06/2021 18:48 IST
Facebook Share Twitter Share WhatsApp Share Telegram Share Link Share

రుచికరమైన ఈ పోహా కట్లెట్‌తో ఆరోగ్యమూ సొంతం!

పోహా... పేరుకు ఉత్తరాది వంటకమైనా అన్ని రాష్ట్రాల ప్రజలు దీనిని ఇష్టంగా తింటారు. రుచితో పాటు తేలికగా జీర్ణం కావడం, పోషకాలు పుష్కలంగా ఉండడంతో చిన్న పిల్లల నుంచి పెద్దల వరకు అందరూ అటుకుల వంటకాలపై ఆసక్తి చూపుతారు. పైగా పెద్దగా కష్టపడాల్సిన పని లేకుండా అతి తక్కువ సమయంలోనే ఈ వంటకాలను తయారుచేసుకోవచ్చు. అటుకులు ఆరోగ్యానికి కూడా ఎన్నో రకాలుగా మంచివి. 
అటుకుల ఉప్మా, పోహా ఇడ్లీ, పోహా దోశ, అటుకుల పాయసం, పోహా బ్రెడ్‌ రోల్స్‌... ఇలా పోహా కాంబినేషన్‌లో ఎన్నో రుచికరమైన వంటకాలు వండుకోవచ్చు. ఈ క్రమంలో- మరింత రుచికరంగా, ఏదైనా కొత్తగా ట్రై చేయాలనుకునే వారు పోహా కట్లెట్‌ను కూడా ప్రయత్నించవచ్చు.
పోహా కట్లెట్
కావాల్సిన పదార్థాలు
* అటుకులు (పోహా) - అర కప్పు
* తరిగిన ఉల్లిపాయలు -అర కప్పు
* ఉడికించిన బంగాళాదుంప- ఒకటి
* కొత్తిమీర – 2 టేబుల్‌స్పూన్లు
* శనగ పిండి - 2 టేబుల్‌ స్పూన్లు
* మొక్కజొన్న పిండి- ఒక టేబుల్‌ స్పూన్
* గరం మసాలా- ఒక టేబుల్‌ స్పూన్
* పసుపు- పావు కప్పు
* నల్ల మిరియాల పొడి- పావు కప్పు
* అల్లం వెల్లుల్లి పేస్ట్‌- ఒక టేబుల్‌ స్పూన్
* తరిగిన పచ్చి మిరపకాయలు - 2
* కారం - అర టీస్పూన్
* జీలకర్ర పొడి- అర టీస్పూన్
* నిమ్మరసం- ఒక టీస్పూన్
* ధనియాల పొడి- ఒక టీస్పూన్
* ఉప్పు- రుచికి సరిపడినంత
తయారీ విధానం
ముందుగానే నీటిలో నానబెట్టుకున్న అటుకులు, ఉడకబెట్టిన బంగాళా దుంపను ఒక పాత్రలోకి తీసుకోవాలి. ఫోర్క్‌ లేదా పొటాటో మ్యాషర్‌ సహాయంతో ఈ రెండింటిని బాగా మ్యాష్ చేసుకోవాలి. ఇందులోకి పసుపు, గరం మసాలా, నల్లమిరియాల పొడి, ధనియాల పొడి, జీలకర్ర పొడి, ఉప్పు, పచ్చి మిర్చి, ఉల్లిపాయలు, అల్లం వెల్లుల్లి పేస్ట్‌, కొత్తిమీర, నిమ్మరసం వేసి బాగా కలుపుకోవాలి. ఆ తర్వాత శనగ పిండి, మొక్కజొన్న పిండి కూడా జత చేసి మెత్తని ముద్దలా చేసుకోవాలి. ఇప్పుడు నూనె రాసిన ప్లేటుపై ఈ మిశ్రమాన్ని పరచి అరగంట పాటు ఫ్రిజ్‌లో ఉంచాలి. ఆ తర్వాత బయటకు తీసి ఈ మిశ్రమాన్ని కట్లెట్ల మాదిరిగా కట్‌ చేసుకోవాలి. చివరిగా ప్యాన్‌లో నూనె వేసి ఈ కట్‌లెట్లను వేయించాలి. అతి తక్కువ మంట మీద బంగారు గోధుమ వర్ణంలోకి మారేంతవరకు వీటిని వేడి చేయాలి. ఆ తర్వాత కిందకు దించి ఏదైనా కెచప్‌తో కలిపి తీసుకుంటే రుచికరమైన, ఆరోగ్యకరమైన పోహా కట్లెట్‌ను ఆస్వాదించవచ్చు.

ఆరోగ్య ప్రయోజనాలు
* పోహాలో ఐరన్‌ పుష్కలంగా ఉంటుంది. కాబట్టి రక్తహీనత సమస్యలున్న వారికి ఇది మంచి ఆహారం.
* ఇందులో ఫైబర్‌ సమృద్ధిగా ఉండడంతో తేలికగా జీర్ణమవుతుంది. పైగా దీనిని డైట్‌లో చేర్చుకుంటే జీర్ణ సంబంధ సమస్యల నుంచి ఉపశమనం పొందవచ్చు.
* అటుకుల్లో గ్లూకోజ్‌, క్యాలరీలు, కొవ్వుల్లాంటి బరువు పెంచే పదార్థాలు అసలు ఉండవు. కాబట్టి బరువు తగ్గాలనుకునే వారు వెంటనే దీనిని తమ ఆహారంలో చేర్చుకోవడం ఉత్తమం.
* గ్లూటెన్‌ కూడా ఉండదు కాబట్టి మధుమేహ రోగులు కూడా పోహా వంటకాలను తినచ్చు. పైగా దీనిని తరచుగా తీసుకుంటే రక్తంలో చక్కెర స్థాయులు కూడా నియంత్రణలో ఉంటాయి.
* ఇందులోని ఎ, బి, సి, కె-విటమిన్లు, ప్రొటీన్లు ఆరోగ్యానికి ఎంతో మేలు చేస్తాయి.
* పోహాలో యాంటీ ఆక్సిడెంట్లు విరివిగా ఉంటాయి. ఇది శరీరంలో రోగ నిరోధక శక్తిని పెంపొందిస్తుంది.
* 76.9 శాతం ఆరోగ్యకరమైన కార్బొహైడ్రేట్లతో అటుకులు నిండి ఉంటాయి. అందువల్లే రోజంతా ఉత్సాహంగా ఉండేందుకు చాలామంది దీనిని ఉదయం బ్రేక్‌ఫాస్ట్‌గా తీసుకుంటారు.
* అలాగే ఈ కట్లెట్ తయారీలో ఉపయోగించే మిగిలిన పదార్థాలన్నీ వ్యాధి నిరోధక శక్తిని పెంపొందించడంతో పాటు ఇతరత్రా ఆరోగ్యానికి ఎన్నో రకాలుగా మేలు చేస్తాయి.
రుచికరమైన పోహా కట్లెట్‌ను ఎలా తయారుచేయాలో తెలుసుకున్నారుగా..! మరి మీరు కూడా ఈ రెసిపీని ట్రై చేయండి. అటుకులతో కలిగే ఆరోగ్య ప్రయోజనాలను సొంతం చేసుకోండి.


మరిన్ని

ఇంట్లో పదే పదే తాకే వాటిని ఇలా శుభ్రం చేయాల్సిందే!

ప్రస్తుత ప్రతికూల పరిస్థితుల్లో రోజూ మనం ఇంట్లో ఉన్నా, బయటికి వెళ్లొచ్చినా వ్యక్తిగత శుభ్రత పాటించడం, మనతో పాటు తెచ్చిన వస్తువుల్ని శానిటైజ్‌ చేయడం.. వంటివి కచ్చితంగా పాటిస్తున్నాం.. మరి, మనం ఇంట్లో పదే పదే తాకే వస్తువుల సంగతేంటి? మనం బయటికెళ్లినా అవి ఇంట్లోనే ఉంటున్నాయి కదా.. అంటారా? అయినా సరే.. వాటిని రోజూ శుభ్రం చేయాల్సిందే అంటున్నారు నిపుణులు. తద్వారా వాటిపై చేరే వైరస్‌, బ్యాక్టీరియా, క్రిములు ఒకరి నుంచి మరొకరికి అంటుకోకుండా జాగ్రత్తపడచ్చు. ఇంతకీ మనం ఇంట్లో తరచూ తాకే ప్రదేశాలు, వస్తువులేంటి? వాటిని ఎలా శానిటైజ్‌ చేయాలి? రండి తెలుసుకుందాం..!

అందుకే టవల్స్ విషయంలోనూ శుభ్రంగా ఉండాల్సిందే!

ఉదయం నిద్ర లేచింది మొదలు.. రాత్రి నిద్రపోయే వరకు రోజులో ఎన్నోసార్లు ముఖాన్ని, చేతుల్ని కడుక్కుంటూ ఉంటాం. ఇలా కడిగిన ప్రతిసారీ కచ్చితంగా టవల్‌తో తుడుచుకోవాల్సిందే. ఇలా మనకు తెలియకుండానే రోజులో చాలాసార్లు టవల్‌ను వాడుతూనే ఉంటాం. మరి, మీరు నిత్యం ఉపయోగించే ఈ టవళ్లు బ్యాక్టీరియాలకు మంచి ఆవాసాలనే విషయం మీకు తెలుసా? కరోనా విలయ తాండవం చేస్తున్న నేపథ్యంలో - ప్రతి రోజూ మీరు ఉపయోగించే టవల్ విషయంలో ఎంతవరకు జాగ్రత్త వహిస్తున్నారు? ఇంతకీ టవళ్లను ఎప్పటికప్పుడు శుభ్రం చేసుకోకపోతే కలిగే నష్టాలేంటి..? వీటిని అధిగమించడానికి ఎలాంటి జాగ్రత్తలు తీసుకోవాలి?.. రండి తెలుసుకుందాం..

మాడ్యులర్ కిచెన్ ఎలా ఉండాలంటే..

కొత్త ట్రెండ్స్ కేవలం ఫ్యాషన్‌కు మాత్రమే పరిమితం అనుకుంటే పొరపాటే. మనం కొత్తగా సిద్ధమవ్వడమే కాదు.. మన ఇంటినీ కొంగొత్త ఇంటీరియర్స్‌తో సరికొత్తగా మార్చేయవచ్చు. అందులోనూ.. ప్రస్తుతం మహిళలందరూ మారుతున్న ట్రెండ్స్‌కు అనుగుణంగా తమ ఇంటిని ట్రెండీగా, స్త్టెలిష్‌గా తీర్చిదిద్దుకోవాలని భావిస్తున్నారు కూడా.. ఈ నేపథ్యంలో చాలామంది మాడ్యులర్ కిచెన్స్‌కు ఓటేస్తున్నారు. అయితే వీటి నిర్మాణ క్రమంలో కొన్ని ముఖ్యమైన అంశాలు దృష్టిలో పెట్టుకుంటేనే వంటగది సౌకర్యవంతంగా నిర్మించుకోవడానికి అవకాశం ఉంటుందంటున్నారు ఇంటీరియర్ నిపుణులు. మరి, ఆ అంశాలేంటో మనమూ తెలుసుకుందాం రండి..

కరోనా వేళ నగల్ని కూడా ఇలా శానిటైజ్ చేయాల్సిందేనట!

కరోనా కేసులు క్రమంగా తగ్గుతున్నంత మాత్రాన వైరస్‌ పీడ విరగడైంది అనుకోవడానికి లేదు.. ఎందుకంటే ఈ మాయదారి మహమ్మారి ఎప్పుడెలా విరుచుకుపడుతుందో ఎవరికీ అంతు చిక్కట్లేదు. అందుకే కొవిడ్‌ తగ్గుముఖం పట్టినా, టీకా వేసుకున్నా కనీస జాగ్రత్తలు పాటించాల్సిందే అని నిపుణులు పదే పదే చెబుతున్నారు. ఇక బయటి నుంచి తెచ్చిన ప్రతి వస్తువునూ శానిటైజ్‌ చేయాల్సిందే అంటున్నారు. మనం రోజూ ధరించే వివిధ రకాల ఆభరణాలూ ఇందుకు మినహాయింపు కాదంటున్నారు. ఎందుకంటే కరోనా వైరస్‌ లోహాలపై మూడు గంటల నుంచి మూడు రోజుల దాకా జీవించి ఉంటుందని సెంటర్స్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ (సీడీసీ) సంస్థ చెబుతోంది. ఈ నేపథ్యంలో మనం రోజూ ధరించే ఆభరణాలను ఎలా శానిటైజ్‌ చేయాలో తెలుసుకుందాం రండి..

ఆరోగ్యమస్తు

మరిన్ని

అనుబంధం

మరిన్ని

యూత్ కార్నర్

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని