పిల్లల కంటి ఆరోగ్యాన్ని కాపాడండిలా! - useful tips to overcome eye vision problems in children
close
Published : 13/08/2021 15:29 IST

పిల్లల కంటి ఆరోగ్యాన్ని కాపాడండిలా!

కరోనా రాకతో ప్రపంచమంతా టెక్నాలజీ మయం అయిపోయింది. పెద్దవాళ్లు ఇంటి నుంచి పనిచేయడం అలవాటు చేసుకుంటే... పిల్లలేమో స్మార్ట్‌ఫోన్లలోనే పాఠాలు నేర్చుకుంటున్నారు. ఇది మంచి పరిణామమే అయినప్పటికీ నిరంతరాయంగా కంప్యూటర్ / మొబైల్‌కు కళ్లప్పగించేస్తే కంటి ఆరోగ్యం దెబ్బ తినడం ఖాయం. ఈ విషయంలో పెద్దలకు కాస్త అవగాహన ఉన్నప్పటికీ పిల్లలు మాత్రం ఇష్టానుసారంగా గంటల తరబడి స్మార్ట్‌ఫోన్లలోనే మునిగితేలుతున్నారు. ఆన్‌లైన్‌ క్లాసులతో పాటు ౨౪ గంటలూ వీడియో గేమ్స్ అవీ అంటూ చేజేతులా కళ్లను నాశనం చేసుకుంటున్నారు.

పెరుగుతున్న కంటి సమస్యలు!

లాక్‌డౌన్‌ పరిస్థితుల కారణంగా గత ఏడాదిన్నర కాలంలో పిల్లల్లో కంటి సమస్యలు బాగా పెరిగాయని పలు నివేదికలు, అధ్యయనాలు స్పష్టం చేస్తున్నాయి. దీర్ఘకాలిక సమయం పాటు ఎలక్ట్రానిక్‌ గ్యాడ్జెట్లను ఉపయోగించడం వల్ల పిల్లల్లో కళ్లజోడు వినియోగం పెరిగిందని....కళ్లపై విపరీతమైన ఒత్తిడి కారణంగా దురద, మంట, ఎరుపెక్కడం, పొడి బారడం తదితర సమస్యలతో కంటి క్లినిక్‌లకు వెళ్లే పిల్లల సంఖ్య రోజురోజుకీ పెరుగుతోందని ఈ అధ్యయనాల్లో తేలింది. ఈ నేపథ్యంలో పిల్లల కంటి ఆరోగ్యం విషయంలో తల్లిదండ్రులే బాధ్యత తీసుకోవాలని నిపుణులు సూచిస్తున్నారు.

అరగంటకోసారి విరామం!

ఒకసారి స్మార్ట్‌ఫోన్‌ /ట్యాబ్‌/ ల్యాప్‌టాప్‌ పట్టుకుంటే సాధారణంగా అంత తొందరగా వదిలిపెట్టరు పిల్లలు. ఆన్‌లైన్ క్లాసులంటూనే కార్టూన్లు, వీడియోగేమ్స్ అంటూ రెప్పవాల్చకుండా మరీ వాటిల్లోనే మునిగితేలుతుంటారు. అయితే ఇలా అధిక సమయం పాటు కనురెప్పలు వాల్చకుండా ఉండడం వల్ల కళ్లు పొడిబారుతాయి. దురద, మంట తదితర సమస్యలు కూడా మొదలవుతాయి. ఆ సమయంలో చేతులతో కళ్లను నలుపుకోవడం వల్ల... క్రమంగా కంటి ఇన్ఫెక్షన్లకి దారి తీస్తుంది. లాక్‌డౌన్‌ కాలంలో ఈ సమస్య మరీ ఎక్కువైంది. ఈ క్రమంలో తల్లిదండ్రులు తమ పిల్లలు ఎక్కువ సేపు ఫోన్లు, కంప్యూటర్లు ఎక్కువగా ఉపయోగించకుండా చూడాలి. ఒకవేళ అలా ఎక్కువ సేపు వినియోగించాల్సి వస్తే ప్రతి అరగంటకొకసారి రెండు నిమిషాల పాటు విరామం తీసుకునేలా చేయాలి.

టైం- టేబుల్‌ అవసరమే!

ఎలక్ట్రానిక్‌ గ్యాడ్జెట్ల వినియోగానికి సంబంధించి పిల్లలకు టైం- టేబుల్‌ ఏర్పాటుచేస్తే మంచిదని నిపుణులు సూచిస్తున్నారు. ఆన్‌లైన్‌ తరగతులు, అసైన్‌మెంట్లను పూర్తి చేసేందుకు తగిన సమయ పట్టికను తయారు చేసి పెట్టడం మంచిది. సాధారణంగా ఒక ఆన్‌లైన్‌ క్లాసు పూర్తవ్వడానికి 45 నిమిషాల నుంచి గంట పడుతుంది. ఆ తర్వాత 5-10 నిమిషాల పాటు విరామం ఉంటుంది. ఈ సమయంలో పిల్లల దగ్గరకు వెళ్లి వారితో ఆప్యాయంగా మాట్లాడండి... వారికేమైనా సమస్యలుంటే తెలుసుకోండి... ఏదైనా తినాలనిపిస్తే దగ్గరుండి అందించండి. దీంతో పిల్లలకు చదువుపై మరింత ఆసక్తి కలుగుతుంది.

ఈ జాగ్రత్తలు కూడా!

ఫ్యాన్ ద్వారా వచ్చే గాలి నేరుగా పిల్లల కళ్లపై పడకుండా తల్లిదండ్రులు జాగ్రత్త వహించాలి.

⤠ మొబైల్‌ / కంప్యూటర్‌ స్ర్కీన్‌ని కంటికి సమానంగా లేదా దిగువన ఉంచుకోవాలి.

⤠ స్ర్కీన్‌ చూస్తున్నప్పుడు మధ్యమధ్యలో రెప్పలు వేయడం మర్చిపోవద్దు. దీని వల్ల కళ్లు పొడిబారకుండా నివారించవచ్చు.

⤠ పిల్లల కంటి చూపు ఇప్పటికే బలహీనంగా ఉంటే స్మార్ట్‌ఫోన్‌ లేదా కంప్యూటర్‌ వాడుతున్నప్పుడు కళ్లజోడు ఉపయోగించడం ఉత్తమం.

⤠ కళ్లకు, మొబైల్‌ స్ర్కీన్‌కు కనీసం రెండు అడుగుల దూరం ఉండాలి.

⤠ ఆన్‌లైన్‌ తరగతులు పూర్తయ్యాక పిల్లలతో పుస్తకాలు చదివించడమో, ఆటలు ఆడించడమో చేయాలి. దీనివల్ల పిల్లలు మరింత యాక్టివ్‌గా ఉంటారు.

⤠ చదువుకునే గదిలో వెలుతురు ఎక్కువగా ఉండాలి. అదేవిధంగా మొబైల్‌ / కంప్యూటర్‌ స్ర్కీన్ల నుంచి వచ్చే కాంతి కూడా నార్మల్‌గా ఉండేలా చూసుకోవాలి.

⤠ మొబైల్‌ / కంప్యూటర్‌లలో ఫాంట్‌ పరిమాణాన్ని పెద్దదిగా, స్పష్టంగా ఉంచండి.

⤠ కళ్లు రుద్దుకోవడం వల్ల ఇన్ఫెక్షన్లు వచ్చే ప్రమాదముంది. పిల్లలకు ఈ అలవాటు ఉంటే వెంటనే మాన్పించండి.

⤠ తక్కువ నీరు తాగడం వల్ల కళ్లు పొడిబారిపోతాయి. కాబట్టి పుష్కలంగా నీరు తాగమని పిల్లలకు చెప్పండి.

⤠ నిద్రలేమి కూడా వివిధ కంటి సమస్యలను తెచ్చిపెడుతుంది. కాబట్టి పిల్లలు తగినంత సమయం నిద్రపోయేలా జాగ్రత్తలు తీసుకోండి.

⤠ కళ్ల మంట, దురదగా అనిపిస్తే చల్లని నీటితో మృదువుగా కడగాలి.

⤠ కంటి ఆరోగ్యాన్ని కాపాడే ఆకు కూరలు, నట్స్‌ అండ్‌ సీడ్స్‌, చిక్కుళ్లను బాగా తినిపించాలి. 

⤠ పిల్లలు ఎక్కువగా కళ్లు నలపడం, కళ్లు ఎర్రగా మారడం, కళ్ల నుంచి తరచూ నీరు కారడం వంటి లక్షణాలు కనిపించినట్లయితే వీలైనంత త్వరగా వైద్యులను సంప్రదించాలి.



మరిన్ని

ఇంట్లో పదే పదే తాకే వాటిని ఇలా శుభ్రం చేయాల్సిందే!

ప్రస్తుత ప్రతికూల పరిస్థితుల్లో రోజూ మనం ఇంట్లో ఉన్నా, బయటికి వెళ్లొచ్చినా వ్యక్తిగత శుభ్రత పాటించడం, మనతో పాటు తెచ్చిన వస్తువుల్ని శానిటైజ్‌ చేయడం.. వంటివి కచ్చితంగా పాటిస్తున్నాం.. మరి, మనం ఇంట్లో పదే పదే తాకే వస్తువుల సంగతేంటి? మనం బయటికెళ్లినా అవి ఇంట్లోనే ఉంటున్నాయి కదా.. అంటారా? అయినా సరే.. వాటిని రోజూ శుభ్రం చేయాల్సిందే అంటున్నారు నిపుణులు. తద్వారా వాటిపై చేరే వైరస్‌, బ్యాక్టీరియా, క్రిములు ఒకరి నుంచి మరొకరికి అంటుకోకుండా జాగ్రత్తపడచ్చు. ఇంతకీ మనం ఇంట్లో తరచూ తాకే ప్రదేశాలు, వస్తువులేంటి? వాటిని ఎలా శానిటైజ్‌ చేయాలి? రండి తెలుసుకుందాం..!

తరువాయి

అందుకే టవల్స్ విషయంలోనూ శుభ్రంగా ఉండాల్సిందే!

ఉదయం నిద్ర లేచింది మొదలు.. రాత్రి నిద్రపోయే వరకు రోజులో ఎన్నోసార్లు ముఖాన్ని, చేతుల్ని కడుక్కుంటూ ఉంటాం. ఇలా కడిగిన ప్రతిసారీ కచ్చితంగా టవల్‌తో తుడుచుకోవాల్సిందే. ఇలా మనకు తెలియకుండానే రోజులో చాలాసార్లు టవల్‌ను వాడుతూనే ఉంటాం. మరి, మీరు నిత్యం ఉపయోగించే ఈ టవళ్లు బ్యాక్టీరియాలకు మంచి ఆవాసాలనే విషయం మీకు తెలుసా? కరోనా విలయ తాండవం చేస్తున్న నేపథ్యంలో - ప్రతి రోజూ మీరు ఉపయోగించే టవల్ విషయంలో ఎంతవరకు జాగ్రత్త వహిస్తున్నారు? ఇంతకీ టవళ్లను ఎప్పటికప్పుడు శుభ్రం చేసుకోకపోతే కలిగే నష్టాలేంటి..? వీటిని అధిగమించడానికి ఎలాంటి జాగ్రత్తలు తీసుకోవాలి?.. రండి తెలుసుకుందాం..

తరువాయి

మాడ్యులర్ కిచెన్ ఎలా ఉండాలంటే..

కొత్త ట్రెండ్స్ కేవలం ఫ్యాషన్‌కు మాత్రమే పరిమితం అనుకుంటే పొరపాటే. మనం కొత్తగా సిద్ధమవ్వడమే కాదు.. మన ఇంటినీ కొంగొత్త ఇంటీరియర్స్‌తో సరికొత్తగా మార్చేయవచ్చు. అందులోనూ.. ప్రస్తుతం మహిళలందరూ మారుతున్న ట్రెండ్స్‌కు అనుగుణంగా తమ ఇంటిని ట్రెండీగా, స్త్టెలిష్‌గా తీర్చిదిద్దుకోవాలని భావిస్తున్నారు కూడా.. ఈ నేపథ్యంలో చాలామంది మాడ్యులర్ కిచెన్స్‌కు ఓటేస్తున్నారు. అయితే వీటి నిర్మాణ క్రమంలో కొన్ని ముఖ్యమైన అంశాలు దృష్టిలో పెట్టుకుంటేనే వంటగది సౌకర్యవంతంగా నిర్మించుకోవడానికి అవకాశం ఉంటుందంటున్నారు ఇంటీరియర్ నిపుణులు. మరి, ఆ అంశాలేంటో మనమూ తెలుసుకుందాం రండి..

తరువాయి

కరోనా వేళ నగల్ని కూడా ఇలా శానిటైజ్ చేయాల్సిందేనట!

కరోనా కేసులు క్రమంగా తగ్గుతున్నంత మాత్రాన వైరస్‌ పీడ విరగడైంది అనుకోవడానికి లేదు.. ఎందుకంటే ఈ మాయదారి మహమ్మారి ఎప్పుడెలా విరుచుకుపడుతుందో ఎవరికీ అంతు చిక్కట్లేదు. అందుకే కొవిడ్‌ తగ్గుముఖం పట్టినా, టీకా వేసుకున్నా కనీస జాగ్రత్తలు పాటించాల్సిందే అని నిపుణులు పదే పదే చెబుతున్నారు. ఇక బయటి నుంచి తెచ్చిన ప్రతి వస్తువునూ శానిటైజ్‌ చేయాల్సిందే అంటున్నారు. మనం రోజూ ధరించే వివిధ రకాల ఆభరణాలూ ఇందుకు మినహాయింపు కాదంటున్నారు. ఎందుకంటే కరోనా వైరస్‌ లోహాలపై మూడు గంటల నుంచి మూడు రోజుల దాకా జీవించి ఉంటుందని సెంటర్స్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ (సీడీసీ) సంస్థ చెబుతోంది. ఈ నేపథ్యంలో మనం రోజూ ధరించే ఆభరణాలను ఎలా శానిటైజ్‌ చేయాలో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


వర్క్‌ & లైఫ్

మరిన్ని

సూపర్‌ విమెన్

మరిన్ని