అందుకే ఈ అమ్మాయి వాళ్లందరికీ స్ఫూర్తి! - uttar pradesh girl scores a perfect 100 in cbse results
close
Published : 03/08/2021 16:11 IST

అందుకే ఈ అమ్మాయి వాళ్లందరికీ స్ఫూర్తి!

(Image for Representation)

ఉత్తరప్రదేశ్‌లోని బదారా అనే గ్రామంలో ఎనిమిదో తరగతి వరకే పాఠశాల ఉంది. అందుకే ఆ తరగతి పూర్తి చేసిన అమ్మాయిలకు వెంటనే పెళ్లి చేసి మెట్టినింటికి పంపిస్తారు అక్కడి తల్లిదండ్రులు. నిత్యం కరవుతో కొట్టుమిట్టాడే ఈ గ్రామంలో ఇది సర్వసాధారణం. అయితే ఈ పరిస్థితులు మారాలని, అందుకు చదువొక్కటే మార్గమంటోంది అదే గ్రామానికి చెందిన 17 ఏళ్ల అన్సూయ కుష్వాహా. ఓ దినసరి వ్యవసాయ కూలీ కూతురు అయిన ఈ అమ్మాయి... ఇటీవల విడుదలైన సీబీఎస్‌ఈ 12వ తరగతి ఫలితాల్లో వంద శాతం మార్కులు సాధించింది. తనలాంటి ఆడపిల్లల చదువుకు స్ఫూర్తిగా నిలిచింది.

కొవిడ్‌ ఇబ్బందులను అధిగమించి!

గ్రామాల్లో అరకొర సౌకర్యాలతో సాగే పిల్లల చదువులు కరోనా రాకతో మరింత దిగజారిపోయాయి. నగరాలు, పట్టణాల్లో ఆన్‌లైన్‌ చదువులు కొనసాగుతున్నా గ్రామీణ ప్రాంతాల్లో ఆ అవకాశం ఉండడం లేదు. దీంతో ఎంతోమంది విద్యార్థుల భవిష్యత్‌ అగమ్యగోచరంగా మారింది. ఈ క్రమంలో కుటుంబ ఆర్థిక సమస్యలతో పాటు కొవిడ్‌ కష్టాలను ఎదిరించి మరీ చదువు కొనసాగించింది యూపీలోని బదేరా గ్రామానికి చెందిన అన్సూయ. పేద విద్యార్థుల కోసం బులంద్‌షహర్‌లో ఏర్పాటుచేసిన విద్యాజ్ఞాన్‌ రెసిడెన్షియల్‌ పాఠశాలలో చదువుతోన్న ఈ అమ్మాయి ఇటీవల విడుదలైన సీబీఎస్‌ఈ ఫలితాల్లో అద్భుతమైన ప్రతిభ చూపింది. హ్యుమానిటీస్‌ స్ట్రీమ్‌ విభాగంలో ఇంగ్లిష్‌, హిస్టరీ, జియోగ్రఫీ, ఫైన్‌ ఆర్ట్స్‌, హిందీ సబ్జెక్టుల్లో నూటికి నూరు మార్కులు, పొలిటికల్‌ సైన్స్‌లో 99 మార్కులు సాధించిన అన్సూయ... మొత్తం మీద వంద శాతం మార్కులతో ఉత్తీర్ణత సాధించింది.

అన్సూయ తండ్రి ఓ దినసరి వ్యవసాయ కూలీ కాగా, తల్లి గృహిణి. వీరికి మొత్తం ఏడుగురు సంతానం. అన్సూయ ముగ్గురు అన్నలు ఎనిమిదో తరగతి వరకు చదువుకుని ప్రస్తుతం తండ్రితో పాటు కూలి పనులకు వెళుతున్నారు. ఇద్దరు అక్కలైతే పాఠశాల ముఖమే చూడలేదు. కేవలం అన్సూయ, ఆమె తమ్ముడు మాత్రమే చదువుకుంటున్నారు. ఈ క్రమంలో చిన్నప్పటి నుంచి చదువులో చురుగ్గా ఉంటోన్న అన్సూయ 5వ తరగతి తర్వాత బులంద్‌షహర్‌ విద్యాజ్ఞాన్‌ రెసిడెన్షియల్‌ స్కూల్‌కు ఎంపికైంది.

8వ తరగతి తర్వాత మూడు ముళ్లే!

అప్పటి నుంచి అక్కడే చదువుకుంటోన్న అన్సూయ పదో తరగతిలోనూ 98.2 శాతం మార్కులు సాధించింది. తాజాగా 12వ తరగతిలో ఏకంగా వంద శాతం సాధించింది. ‘మా ఊళ్లో ఎనిమిదో తరగతి వరకే పాఠశాల ఉంది. ఈ తరగతి తర్వాత అబ్బాయిలు పొలం పనులు, కూలి పనుల్లో చేరతారు. అదే అమ్మాయిలకైతే పెళ్లి చేసి అత్తారింటికి పంపుతారు పెద్దలు. మా అమ్మానాన్నలు కూడా అసలు చదువుకోలేదు. అందుకే ప్రస్తుతం నేనేం సాధించానో కూడా వారికి అర్థం కావడం లేదు. మా ఊరు, చుట్టుపక్కల గ్రామల్లో కొందరు నా గురించి మాట్లాడుకుంటుంటే విని సంతోషపడుతున్నారు...అంతే’ అని విచారం వ్యక్తం చేసిందీ యంగ్‌ గర్ల్.

వంద శాతం ఊహించలేదు!

‘ఇక నా చదువు విషయానికొస్తే... మా ఊళ్లో ఇంటర్నెట్‌ సదుపాయం లేదు. విద్యుత్ సరఫరా కూడా అంతంతమాత్రమే. దీంతో ఆన్‌లైన్‌ విద్య నాకు చాలా కష్టమనిపించింది. నా వద్ద ల్యాప్‌టాప్‌/ కంప్యూటర్‌ ఉండేది కాదు. మా టీచర్లు వాట్సప్‌లో పంపిన స్టడీ మెటీరియల్‌ను నెట్‌వర్క్‌ ఉన్నప్పుడు డౌన్‌లోడ్‌ చేసుకుని చదువుకునేదాన్ని. ప్రి-బోర్డ్స్‌ ఎగ్జామ్స్‌లో నాకు మంచి మార్కులు వచ్చాయి. దీంతో ఇందులోనూ మంచి స్కోర్‌ వస్తుందనుకున్నాను. అయితే వంద శాతం వస్తుందని మాత్రం ఊహించలేదు.’

ఐఏఎస్‌ ఆఫీసర్‌ అవ్వాలనుంది!

‘నాకు జియోగ్రఫీ, జర్నలిజం సబ్జెక్టులు అంటే బాగా ఇష్టం. బాగా చదువుకుని ఐఏఎస్‌ ఆఫీసర్‌ అవ్వాలనుకుంటున్నాను. తద్వారా ఇక్కడి గ్రామీణ ప్రాంతాలను అభివృద్ధి చేయాలనుకుంటున్నాను. చదువు సంగతి పక్కన పెడితే నాకు బాస్కెట్‌బాల్‌ అంటే చాలా ఇష్టం. మా పాఠశాల బాస్కెట్‌బాల్‌ టీం ప్లేయర్‌గా కొన్ని మ్యాచ్‌లు కూడా ఆడాను. వీటితో పాటు మ్యూజిక్‌, పెయింటింగ్స్‌పై కూడా ఆసక్తి ఉంది’ అని ఈ సందర్భంగా చెప్పుకొచ్చింది అన్సూయ.

మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

తరువాయి

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

తరువాయి

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

తరువాయి

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని