నేను ఎంత ఎదిగినా ఈవిడే మా అమ్మ..! - vegetable vendor daughter dedicates promotion at mnc to her mother
close
Updated : 18/06/2021 17:33 IST
Facebook Share Twitter Share WhatsApp Share Telegram Share Link Share

నేను ఎంత ఎదిగినా ఈవిడే మా అమ్మ..!

Photo: LinkedIn

ఆమెకు ముందు ఆ కుటుంబంలో ఏ ఆడపిల్లా డిగ్రీ చదవలేదు... ఉద్యోగమూ చేయలేదు. అందుకే కూరగాయలమ్మి తనను చదివించిన తల్లి రెక్కల కష్టాన్ని వృథా చేయకూడదనుకుంది. ఆర్థిక ఇబ్బందులు ఎదురైనా ఉన్నత చదువులు అభ్యసించింది. మాస్టర్స్‌ డిగ్రీ అందుకుని ప్రముఖ ఎంఎన్‌సీలో మంచి ఉద్యోగం సంపాదించింది. తాజాగా ప్రమోషన్‌ కూడా పొందింది. 
ఈ క్రమంలో ఎంత ఎత్తుకు ఎదిగినా తాను ‘కూరగాయలమ్మే ఓ తల్లికి కూతురిగానే చెప్పుకోవడానికి గర్వపడతాను’ అంటూ తన లింక్డ్‌ ఇన్‌ ప్రొఫైల్లో ఓ పోస్ట్‌ పెట్టింది. తల్లీకూతుళ్ల అనుబంధానికి ప్రతీకగా నిలుస్తోన్న ఈ పోస్ట్‌ అందరినీ కదిలిస్తోంది. ప్రముఖ కాంగ్రెస్‌ నాయకురాలు శర్మిష్ఠా ముఖర్జీ ట్విట్టర్‌ వేదికగా వీరిద్దరిపై ప్రశంసలు కురిపించడం విశేషం. ఇంతకీ ఆ పోస్టులో ఏముందో తెలుసుకుందాం రండి.
డిగ్రీ చదివిన మొదటి ఆడపిల్లను నేనే!
‘నా పేరు మధు ప్రియ. చెన్నై నా స్వస్థలం. మాది మిడిల్‌ క్లాస్‌ ఫ్యామిలీ. అమ్మ కూరగాయలమ్మి నన్ను చదివించింది. మా కుటుంబంలో డిగ్రీ దాకా చదువుకున్న మొదటి అమ్మాయిని నేనే. ఆ తర్వాత మాస్టర్స్ డిగ్రీ కూడా పూర్తి చేశాను. క్యాంపస్‌ సెలక్షన్స్‌లో ఓ టాప్ ఎంఎన్‌సీలో సీనియర్‌ హెచ్‌ ఆర్‌ అసోసియేట్‌గా ఉద్యోగం సంపాదించాను. 2019లో విధుల్లో చేరిన నాకు తాజాగా అసోసియేట్‌ మేనేజర్‌గా ప్రమోషన్ వచ్చింది.’

అమ్మపై బాగా కోపమొచ్చేది!
‘మా కుటుంబంలో ఇలా బయటకొచ్చి ఉద్యోగం చేస్తున్న మొదటి మహిళను కూడా నేనే. ఈ సందర్భంగా మా అమ్మ గురించి కొన్ని విషయాలు పంచుకుందామని ఇలా మీ ముందుకొచ్చాను. నేను చదువుకుంటున్న రోజుల్లో క్రమం తప్పకుండా పేరెంట్స్‌-టీచర్స్‌ మీటింగులు జరిగేవి. అయితే ఎప్పుడు సమావేశం జరిగినా అమ్మ ఆలస్యంగా, కొన్నిసార్లైతే ఆఖరులో వచ్చేది. కారణం అడిగితే మౌనమే తన సమాధానమయ్యేది. దీంతో తనపై నాకు బాగా కోపమొచ్చేది. కొన్నేళ్ల పాటు ఇలాగే సాగింది. కానీ స్కూల్‌ గ్రాడ్యుయేషన్‌ డే రోజున ఈ విషయంపై నోరు విప్పింది. నా క్లాస్‌మేట్స్‌ తల్లిదండ్రుల్లో చాలామంది ప్రముఖ సెలబ్రిటీలు, పేరున్న వ్యాపారవేత్తలేనని...అలాంటి వారి ముందు నేను ఓ కూరగాయల వ్యాపారి కూతురని చెప్పి నన్ను ఇబ్బంది పెట్టడం ఇష్టం లేకనే పేరెంట్స్‌ మీటింగ్‌లకు ఆలస్యంగా వచ్చేదాన్నని అసలు విషయం చెప్పింది. ఆ సమయంలో నా నోటి వెంట మాట రాలేదు. అమ్మను సరిగా అర్థం చేసుకోనందుకు... అదేవిధంగా మా క్లాస్‌మేట్స్, స్నేహితులందరికీ తనను చూపించి ‘ఈవిడే మా అమ్మ’ అని గర్వంగా చెప్పే అవకాశం రానందుకు ఎంతో బాధపడ్డాను’.


నా మొదటి ప్రమోషన్‌ అమ్మకు అంకితం!
‘రెండేళ్ల క్రితం జాబ్‌లో చేరిన నాకు ఇటీవల మొదటి ప్రమోషన్‌ వచ్చింది. అమ్మ అందించిన నిరంతర ప్రోత్సాహంతోనే ప్రస్తుతం నేను ఈ స్థాయిలో ఉన్నాను. అయితే నేను ఎంత ఎత్తుకు ఎదిగినా కూరగాయలమ్మే ఓ తల్లికి కూతురని చెప్పుకోవడానికి గర్వపడతాను. మా అమ్మ గురించి, నన్ను చదివించేందుకు తను పడిన తాపత్రయం గురించి ప్రపంచంతో పంచుకోవడానికి ఇదే మంచి సందర్భం. నాకు వచ్చిన మొదటి ప్రమోషన్‌ను అమ్మకు అంకితమిస్తున్నాను’ అంటూ తల్లిపై తనకున్న ప్రేమకు అక్షర రూపమిచ్చింది మధుప్రియ.
ఆమె కలలన్నీ సాకారమవ్వాలి!
ఈ క్రమంలో మధుప్రియ షేర్ చేసిన పోస్ట్‌ ప్రస్తుతం సోషల్‌ మీడియాలో బాగా వైరలవుతోంది. ప్రముఖ కాంగ్రెస్‌ నాయకురాలు శర్మిష్ఠా ముఖర్జీ దీనిపై స్పందిస్తూ ‘మధుప్రియ, ఆమె కుటుంబానికి అభినందనలు. ఆమె కలలన్నీ సాకారం కావాలి’ అని రాసుకొచ్చారు. ఆమెతో పాటు పలువురు ప్రముఖులు, నెటిజన్లు ఈ తల్లీకూతుళ్ల పైన ప్రశంసలు కురిపిస్తున్నారు.


మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

ఆరోగ్యమస్తు

మరిన్ని

అనుబంధం

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని