ఆ నవ్వును చూడగానే ప్రపంచాన్ని మర్చిపోతున్నా! - virat kohli credits anushka for his life reveals how daughter vamika changed him
close
Published : 11/08/2021 17:19 IST

ఆ నవ్వును చూడగానే ప్రపంచాన్ని మర్చిపోతున్నా!

కొన్నేళ్ల క్రితం వరకు విరాట్ కోహ్లీ అంటే దూకుడుకు మారు పేరు. అది ఆన్ ఫీల్డ్‌ అయినా...ఆఫ్‌ ఫీల్డ్‌ అయినా..! అందుకే ‘క్రికెట్‌ రారాజు’గా పేరు తెచ్చుకున్నప్పటికీ దుందుడుకు స్వభావం కారణంగా కొన్ని విమర్శలూ మూటగట్టుకున్నాడు. అయితే అనుష్కతో పెళ్లయ్యాక ఉన్నట్లుండి కూల్‌గా మారిపోయాడీ టీం ఇండియా కెప్టెన్‌. మైదానంతో పాటు బయట కూడా ఎంతో ప్రశాంతంగా వ్యవహరించడం మొదలుపెట్టాడు. ఈ నేపథ్యంలో తానిలా మారిపోవడానికి తన సతీమణే కారణమంటూ పలు సందర్భాల్లో చెప్పుకొచ్చిన విరాట్‌... తాజాగా మరోసారి ఈ విషయంపై స్పందించాడు. తన సక్సెస్‌లో అగ్రభాగం అనుష్కకే దక్కుతుందంటూ తన ముద్దుల భార్యపై ప్రశంసలు కురిపించాడు.

వారు నా జీవితాన్ని మార్చేశారు!

‘మేడ్‌ ఫర్‌ ఈచ్‌ అదర్‌’ లా అనిపించే ‘విరుష్క’ జోడీకి ఫ్యాన్స్‌లో ఓ ప్రత్యేక స్థానముంది. వీరిద్దరి దాంపత్య బంధానికి గుర్తుగా ఈ ఏడాది జనవరిలో ‘వామిక’ అనే పండంటి బిడ్డ వీరి జీవితంలోకి అడుగుపెట్టింది. ముందుగా అనుకున్నట్లుగానే ‘సోషల్‌ మీడియా’ ప్రభావం తమ కూతురిపై పడకుండా ఎన్నో జాగ్రత్తలు తీసుకుంటున్నారీ లవ్లీకపుల్‌. క్రికెట్‌ షెడ్యూల్‌లో భాగంగా జూన్‌ నుంచి ఇంగ్లండ్‌లో ఉంటోన్న విరాట్‌... తీరిక దొరికినప్పుడల్లా తన భార్యతో కలిసి అందమైన ప్రదేశాలన్నీ చుట్టేస్తున్నాడు. ఈ క్రమంలోనే మరో క్రికెటర్‌ దినేశ్‌ కార్తీక్‌ నిర్వహించిన ఓ ఛాట్ సెషన్‌లో పాల్గొన్న కోహ్లీ....సతీమణి అనుష్క, కూతురు వామిక తన జీవితాన్ని ఎలా మార్చారో చెప్పుకొచ్చాడు.

ఆమే కారణం!

‘ఒకవేళ నేను అనుష్కను కలవకపోయి ఉంటే నేను ఎక్కడ ఉండేవాడినో కూడా నాకు తెలియదు! నా జీవితం ఇంత అందంగా ఉండడానికి ఆమే కారణం. నేను ఎక్కడ ఎలా ఇంపాక్ట్‌ అవుతానో నాకన్నా తనకే బాగా తెలుసు. నేనేంటో, నా శక్తి సామర్థ్యాలేంటో తన ద్వారానే నాకు తెలిశాయి. వ్యక్తిగతంగా... వృత్తిగతంగా నేను సక్సెస్‌ అయ్యానంటే అందులో అనుష్క పాత్ర ఎంతో ఉంది. జీవిత భాగస్వామిగా అనుష్క నా జీవితంలోకి అడుగుపెట్టినందుకు నేను ఎంతో అదృష్టవంతుడిని. నన్ను అన్ని విధాలా అర్థం చేసుకుని అండగా నిలుస్తోన్న ఆమె నా బెటరాఫ్‌ అని గర్వంగా చెప్పగలను.’

ఆ నవ్వు చూడగానే ప్రపంచాన్ని మర్చిపోతున్నా!

‘ఇక వామిక నా జీవితంలోకి రావడం మరో అద్భుత ఘట్టం. తనను చూడకుండా క్షణమైనా ఉండలేను. తండ్రిగా ప్రమోషన్‌ పొందాక నా ప్రాథమ్యాలు కూడా మారిపోయాయి. ఇప్పుడు నా చిట్టితల్లిని ప్రశాంతంగా నిద్రపుచ్చడమే నా మొదటి కర్తవ్యం. బ్రేక్‌ఫాస్ట్‌, కాఫీల కోసం బయటకు వెళ్లినా వెంటనే గదికి వచ్చేస్తున్నాను. నా కూతురుతో ఎక్కువ సమయం గడిపేలా నా షెడ్యూల్‌ను ప్లాన్‌ చేసుకుంటున్నాను. అనుష్క లాగే వామిక కూడా నా ఆలోచనా తీరును పూర్తిగా మార్చేసింది. తన బోసి నవ్వుల్లో మనసుకు ప్రశాంతత చేకూర్చే ఏదో అద్భుతమైన శక్తి దాగి ఉంది. అందుకే తన నవ్వును చూడగానే నేను ఈ ప్రపంచాన్నే మర్చిపోతున్నాను. ఇది నేను పొందిన అత్యంత మధురానుభూతుల్లో ఒకటి.’

అలా రిలాక్స్‌ అవుతున్నాం!

‘తల్లిదండ్రులుగా నేను, అనుష్క వామిక బాధ్యతలను పంచుకుంటున్నాం. అదే సమయంలో కాస్త ఖాళీ దొరికినప్పుడల్లా లండన్‌ వీధుల్లో సరదాగా తిరుగుతూ రిలాక్స్‌ అవుతున్నాం. ఇండియాలో ఇలా తిరగడం సాధ్యం కాదు. అందుకే అక్కడ కోల్పోయిన ఆ చిన్న చిన్న ఆనందాలను ఇక్కడ ఆస్వాదిస్తున్నాం’ అని చెప్పుకొచ్చాడు విరాట్.



మరిన్ని

పిల్లలకు ఆ నైపుణ్యాలు ఒంటబట్టాలంటే..!

ఇలాంటి సూపర్‌ యాక్టివ్‌ కిడ్స్‌ని చూసి తమ పిల్లల్నీ ఇలా చురుగ్గా తీర్చిదిద్దాలని అనుకోని తల్లిదండ్రులుండరంటే అతిశయోక్తి కాదు. అందుకే ప్రస్తుతం తమ పిల్లలు పాఠ్యాంశాలతో కుస్తీ పట్టడమే కాదు.. కరెంట్‌ అఫైర్స్‌, జనరల్‌ నాలెడ్జ్‌.. వంటి అంశాల్లోనూ పట్టు సాధించాలని ఆరాటపడుతున్నారు ఈ తరం తల్లిదండ్రులు. వారిని ఆ దిశగానే ప్రోత్సహిస్తున్నారు కూడా! అయితే మహాసముద్రమంత జీకే సబ్జెక్టును ఒంటబట్టించుకోవడం.. అదీ అంత చిన్న వయసులో అంటే మాటలు కాదు. కానీ తల్లిదండ్రులు పిల్లలకు కాస్త సహకరిస్తే ఆ సమాచారమంతా వారు తమ చిన్ని బుర్రలో పదిలపరచుకుంటారని చెబుతున్నారు నిపుణులు. మరి, అదెలాగో తెలుసుకుందాం రండి..

తరువాయి

దాని గురించి పుట్టిన వెంటనే తెలిసిపోతుందట!

తల్లిపాలు అందుతున్న పాపనో.. బాబునో.. అమ్మకు దగ్గరగా తీసుకువెళ్లండి.. వారంతట వారే తల్లి స్తన్యాన్ని అందుకోవడానికి ప్రయత్నిస్తుంటారు. రొమ్ముని అందుకొని తాగేంతవరకు తమ ప్రయత్నాన్ని కొనసాగిస్తుంటారు. అయితే ఈ లక్షణం చిన్నారుల్లో ఎప్పుడు మొదలవుతుందో తెలుసా? అమ్మపేగు తెంచుకొన్న మరుక్షణమే తల్లిపాల కోసం ఆరాటపడుతుంటారు. ఇంకా వూహ సైతం తెలియని వారు తమ తల్లిని గుర్తుపట్టడం మాత్రమే కాదు.. పాలు ఎక్కడ నుంచి వస్తాయో కూడా తెలుసుకొంటారు. మరి దీనికి కారణం ఏమిటి? చిన్నారులు ఇలా చేయడం మంచిదేనా? అది వారి ఆరోగ్యాన్ని మెరుగుపరుస్తుందా? వంటి విషయాలు తెలుసుకొందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని